Ayol-qizlar uchun Polshada boʻlib oʻtadigan sammit — Perspektywy Women in Tech 2025

Texnologiya va IT sohasidagi qizlar/ayollar uchun 2025-yil 4-5-iyun kunlari Polshaning Varshava shahrida boʻlib oʻtadigan The Perspektywy Women in Tech sammiti taqdim etiladi.

Sammit davomida ishtirokchilar dunyoning eng nufuzli IT kompaniyalarida faoliyat olib borayotgan muvaffaqiyatli ayol-qizlar bilan jonli muloqot qilish imkoniyatini qoʻlga kiritishadi, shuningdek, Expo & Career markazlarda turli davlatdan tashrif buyurgan nomzodlar bilan fikr almashish va yaqindan tanishishlari mumkin. Sammit oflayn va onlayn formatda boʻlib oʻtadi.

Sammit quyidagi sohalar doirasida boʻlib oʻtadi:

• Metaverse, web 3.0, NFT;
• Human-Machine Interaction;
• 5G;
• Space Technologies 4.0;
• Sustainable Leadership;
• Cybersecurity;
• Tech&Arts;
• Deep Tech;
• Digital Ecology, Tech4Climate;
• Cloud;
• Artificial Intelligence 3.0;
• Fintech.

Dastur haqida batafsil ushbu havola orqali maʼlumot olish mumkin.

• Dasturda STEM, axborot texnologiyalari va IT sohasida tahsil olayotgan talaba qizlar/ayollar hamda shu soha mutaxassislari ishtirok etishi mumkin;
• Shuningdek, yosh mutaxassislar, olimlar, professional shaxslar, startaplar sohasida faoliyat yuritayotganlar, faollar, liderlar va texnologiya sohasidagi ayollarni qoʻllab-quvvatlovchi erkaklar qatnashishi mumkin;
• Sammit toʻliq ingliz tilida olib borilishi sababli ingliz tilini yuqori darajada bilishlari shart.

Eslatma: Dasturlash/texnologiya sohasida tajribaga ega nomzodlarga ustunlik beriladi.

Dastur quyidagi imkoniyatlarni taqdim etadi:

• Varshavada oʻtkaziladigan 2 kunlik sammitda bepul qatnashish;
• Panel muhokamalarida ishtirok etish;
• Asosiy spikerlarning nutqlarini bevosita tinglash;
• Mavzuga doir netvorkinglarda qatnashish;
• Texnologiyaga oid maʼruzalarni tinglash;
• Expo & Career markazlarida mutaxassislar bilan uchrashib fikr almashish;
• 3 oy davomida videoyozuvlarga kirish va foydalanish huquqi;
• Tajribali mutaxassislar uchun ishga joylashish imkoniyati ham beriladi.

Dasturda 3 xil formatda qatnashish mumkin:

• Yakka tartibda jonli tarzda ($250)
• Onlayn barcha toifa uchun ($60)
• Oflayn faqat talabalar uchun (bepul)

Dasturda bepul qatnashish uchun quyidagi maʼlumotlarni toʻldirish soʻraladi:

• Ism-familiya;
• Email;
• Telefon raqam;
• Davlat va shahar;
• Universitet va mutaxassisligi;
• Sammit haqida qayerdan maʼlumot olganligi;
• Shuningdek, nomzodlar nega sammitda ishtirok etishni xohlashlari va nega aynan shu nomzod grant uchun tanlab olinishga munosibligi haqida motivatsion xat yozishlari soʻraladi (maksimal 1000 ta belgi);
• Dasturlash va texnologiya sohasida tajribaga ega nomzodlarga ustunlik beriladi;
• Barcha maʼlumotlar toʻldirilganidan soʻng, APPLY tugmasi bosiladi.

Sammit hakamlar hayʼati yuborilgan arizalarni koʻrib chiqib munosib nomzodlar bilan aloqaga chiqishadi.

Eslatma: Grantlar soni cheklanganligi bois tezroq ariza topshirish tavsiya etiladi!

• Email: contact@womeninteachsummit.pl;
• Tel: +48 22 628 58 62;
• Takroran soʻraladigan savollarga javoblar bu yerda.