Ayol-qizlarni tabiiy va aniq fanlarga jalb qilishga qaratilgan $50,000 mukofotli Inspiring Women in Science tanlovi

15/01/2024 Qabul boshlanishi
Mukofot Moliyalash turi
Yevropa Davlat
08.04.2024 Oxirgi muddat

Muhim tafsilotlar

Kimlar uchun

O'rta ma'lumotli (maktab/kollej bitiruvchisi), Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
Dastur tili

Ingliz tili
Yosh chegarasi

Chegaralanmagan

Doʻstlar bilan ulashing

Umumiy maʻlumotlar

Inspiring Women in Science awards tanlovi butun dunyo boʻyicha barcha ayol-qizlarning tabiiy fanlar, texnologiya, muhandislik, matematika va tibbiyot kabi STEM fanlari bilan shugʻullanishini ragʻbatlantirish hamda ularning ilm-fandagi yutuqlarini oshirishga qaratilgan tanlov hisoblanadi. Dastur ikki kategoriya boʻyicha olib boriladi. 1.Science Outreach Categoryda STEM sohasidagi ayol-qizlarni qoʻllab-quvvatlashga qaratilgan loyihalar qabul qilinadi. 2.Scientific Achievement Categoryda ilm-fan sohasidagi tadqiqotchi ayollar qatnashishlari mumkin boʻladi.

Ikkala kategoriyaning ham qatnashish boʻyicha alohida-alohida talablari, taqdim etiladigan sovrinlari hamda baholash mezoni mavjud. Dasturga qabul jarayoni 2024-yil 15-yanvardan boshlanib, 2024-yil 8-aрrelgacha davom etadi.

Dastur haqida ushbu havola orqali toʻliq maʼlumot olish mumkin.

Maqbullik shartlari

Dasturning Science Outreach kategoriyasida qatnashish uchun qoʻyiladigan talablar quyidagicha:

Tanlov ingliz tilida boʻlgani uchun nomzodlardan ingliz tilini bilish talab qilinadi;
Ushbu kategoriyada tashkilotlar, boʻlimlar va shaxslar (ayollar ham erkaklar ham) yoki jamoalar qatnashishlari mumkin. Nomzodlar jamoa boʻlib qatnashgan taqdirda undan bitta aʼzoni koʻrsatishi kerak boʻladi, tanlovdagi taqdirlash marosimi va shu kabi masalalarda shu vakil bilan bogʻlaniladi;
Ishtirokchilarning loyihasi yosh ayol va qizlarni tabiiy fanlar, texnologiya, muhandislik, matematika va tibbiyot kabi fanlar bilan shugʻullanishga daʼvat qila oladigan darajada boʻlishi kerak;
Loyihalar ayollarni STEM fanlari boʻyicha karyera yaratishlari va uni rivojlantirishga qaratilgan boʻlishi lozim;
Boshqa fanlararo komponentlarni oʻz ichiga olgan loyihalar ham qabul qilinishi mumkin.

Dasturning Scientific Achievement kategoriyasida qatnashish uchun qoʻyiladigan talablar quyidagicha:

Tanlov ingliz tilida boʻlgani uchun nomzodlardan ingliz tilini bilish talab qilinadi;
Tanlovning ushbu kategoriyasida faqatgina ayollar qatnasha oladi;
Ishtirokchilar PhD darajasini (tibbiyot darajasini yoki dissertatsiya mavzusi boʻyicha boshqa turdagi doktorlik darajasini)ni olgan boʻlishlari kerak;
Nomzodlarning doktorlik darajasini olganiga 10 yildan oshmagan boʻlishi zarur. Bunda doktorlik darajasi olingan muddat ularning doktorantura bosqichini tugatgan sanasiga qarab emas, balki doktorlik darajasi boʻyicha yozgan dissertatsiyasining rasmiy hayʼat tomonidan tasdiqlangan sanasidan boshlab hisoblanadi. Nomzodlarning maʼlum bir taʼtillari va tugʻruq taʼtillari 10 yillik muddat ichida hisoblanmaydi;
Agar nomzod ham doktorlik darajasi ham tibbiy darajaga ega boʻlsa, eng oxirgi olgan darajasining sanasidan boshlab hisoblanadi;
Boshqa fanlararo komponentlarni oʻz ichiga olgan loyihalar ham qabul qilinishi mumkin.

Dastur talablari haqida ushbu havola orqali batafsil maʼlumot olish mumkin.

Foydali tomonlari

Tanlovning har bir kategoriyasi boʻyicha ishtirokchilariga quyidagi imkoniyatlar taqdim etiladi:

Ikki katogoriya boʻyicha g'olibga 50,000 AQSh dollari miqdorida mukofot puli beriladi;
Ishtirokchilarga London yоki Nyu-Yоrkdagi taqdirlash marosimiga taklifnoma beriladi. Londondagi turarjoy, yoʻl xarajatlari ham tashkilot tomonidan qoplanadi. Bu marosimni oʻtkazish imkoni boʻlmagan taqdirda munosib ravishda virtual taqdirlash marosimi oʻtkaziladi;
Gʻoliblarning ishlari Nature.com saytida chop etiladi;
Dastur sovrindorlari The Estee Lauder kompaniyasiga oʻz loyihalarini taqdim etishlari, maslahat olishlari va ish oʻrganishlari mumkin.

Tanlovning qisqa roʻyxatiga kiritilgan nomzodlar quyidagicha taqdirlanadi:

Nature Award veb-sahifasida shaxsiy profil ochish imkoni beriladi;
Eksklyuziv mentorlik va dastur hamjamiyati tarmogʻiga kirishga ruxsat beriladi.

Hujjat topshirish

Dasturda ishtirok etish uchun tanlov rasmiy sahifasiga tashrif buyurib, kerakli kategoriyani tanlash kerak. Ariza toʻldirib boʻlingandan soʻng “submit” tugmasi bosiladi va roʻyxatdan oʻtish yakunlanadi.

Tanlovga ushbu havola orqali roʻyxatdan oʻtish mumkin.

Saralash bosqichi quyidagicha amalga oshiriladi:

Tanlovda nomzodlarni saralab olish uchun maxsus hakamlar hayʼati shakllantiriladi;
Har bir kategoriya uchun alohida hakamlar hayʼati mavjud boʻladi;
Avvalambor, qisqa roʻyxatga kiritilgan nomzodlar roʻyxati eʼlon qilinadi;
Soʻngra qisqa roʻyxatga kirgan nomzodlar orasidan tanlov gʻoliblari hakamlar tomonidan 100% ovoz berish yoʻli bilan aniqlanadi. Yakuniy qaror hakamlar hayʼatining raisi tomonidan qabul qilinadi;
Saralash jarayonida ishtirokchilarning akademik yutuqlari, loyiha tavsifi va uning ehtimoliy natijasi inobatga olinadi.

Rasmiy havola Hujjat topshirish

Qoʻshimcha maʻlumotlar

Dastur boʻyicha eng koʻp beriladigan savollar va ularning javoblarini ushbu havola orqali oʻqish mumkin.

Muhim sanalar:

2024-yil 15-yanvar- Ariza topshirish jarayoni boshlanadi;
2024-yil 8-aрrel 2:59- Ariza topshirish jarayoni tugaydi;
2024-yil sentyabr oyi- Qisqa roʻyxatga kiritilgan nomzodlar roʻyxati eʼlon qilinadi;
2024-yil oktyabr oyi- Gʻoliblar eʼlon qilinadi.

Dasturning 2023-yilgi gʻoliblari bilan ushbu havola orqali tanishish mumkin.

Dastur boʻyicha qoʻshimcha maʼlumotlarni quyidagi ijtimoiy tarmoqlar orqali ham topish mumkin:

-LinkedIn;

-Twitter;

-Facebook.