Ayol va qizlar uchun Avstriyaning Vena texnologiya universiteti magistratura bosqichi uchun to'liq qoplanuvchi grant dasturi

Helmut Veith stipendiyasi har yili Axborot texnologiyalari bo'yicha iste'dodli va qobiliyatli xotin-qizlarni Vena texnologiya universitetida magistratura bosqichini bepul davom ettirish imkoniyatini beruvchi dastur hisoblanadi. 

Nomzodlar Vena texnologiya universitetida Computer Science yo’nalishining ingliz tilida olib boriladigan magistratura kursida o’qish istagiga ega bo’lish bilan birga  avstriyalik olim Helmut Veith ishlagan sohalarning kamida bittasi bo’yicha matematik va texnologik bilimga ega bo'lishi lozim.

Dastur quyidagi yo'nalishlarni o'z ichiga oladi:

• Master in Logic and Computation
• Master in Business Informatics
• Master in Computer Engineering (Technische Informatik)
• Master in Data Science
• Master in Media and Human-Centered Computing

Nomzodlardan kuchli matematik bilim va quyidagi sohalarga qiziqish so'raladi:

• Logic in Computer Science
• Formal Methods and Verification
• Foundations of Artificial Intelligence
• Algorithms and Complexity
• TheoryComputer Security

Nomzodlar:

• Bakalavr bosqichini Computer science yoki matematika/texnologiya sohasi bo'yicha yakunlagan ayol va qizlar bo'lishi;
• Kuchli matematik va texnik salohiyat;
• Ingliz tilini yaxshi bilish;

Maqbullik shartlari haqida batafsil ma'lumot ushbu havolada o'qish mumkin.

• Vena texnologiya universitetida magistratura bosqichida o'qish uchun kontrakt to'lovidan ozod qilinadi;
• 2 yil davomida yiliga €7,000 stipendiya bilan ta'minlanadi.

Dasturga ushbu havola orqali hujjat topshirish mumkin. 

Ariza topshirishda quyidagi hujjatlar so'raladi: 

• Cover letter (arizachi hujjat topshirayotgan dastur va unga tegishli hisoblangan jihatlar tasvirlangan xat)
• CV (Tarjimayi hol)
• Motivatsion xat (nega bu dasturga ariza topshirayotgani, nega ushbu stipendiya kerakligi, fakultetning qaysi guruhi bilan magistratura bosqichini o'qimoqchili va sabablari keltirilgan xat)
• Universitet imtihon baholari
• Bakalavr dilpomi yoki tegishli sertifikatlar ( agar bakalavr bosqichining so'nggi yili yakunlanmagan bo'lsa, universitetning muhri va mas'ul shaxs imzosi tushirilgan o'qiyotganlik haqida ma'lumotnoma
• 2 nafar tavsiya beruvchi shaxslar (refree)ning kontakt ma'lumotlari
• Ingliz tilini bilish darajasi sertifikati ( TOEFL yoki muqobil sertifikatlar)
• Pasport nusxasi

Hujjat topshirish jarayoni haqida batafsil ushbu havolada “Application Process” bo'limida tanishishingiz mumkin

Dastur ishtirokchilari o'qish davomida yaxshi natijalar ko'rsatishlari kerak, ya'ni magistratura bosqichi boshlanganidan buyon o'rtacha har bir kurs uchun tegishli o'quv dasturidan kamida 25 ECTS krediti (oxirgi muddat - qishki semester uchun 30-aprel; yozgi semester uchun 30-noyabr) va kamida o'rta hisobda 1,5 darajada baholar olishi lozim. Aks holda, stipendiya bekor qilinishi mumkin. Stipendiya sohiblari o'qish davomida Avstriyada istiqomat qilishlari kerak.

Qo'shimcha savollar uchun helmut_veith_stipend@tuwien.ac.at elektron manziliga murojaat qilish mumkin.