Ayollar va qizlarga qarshi zoʻravonlikni bartaraf etishga qaratilgan texnologik gʻoyalar onlayn marafoni; umumiy mukofot jamgʻarmasi $20 000

Spotlight Digital Challenge gʻoyalar marafoni onlayn tarzda, 3 kun mobaynida oʻtkaziladi. Har bir jamoaga ayollar va qizlarga nisbatan gender asosidagi zoʻravonlikni bartaraf etish boʻyicha texnologik gʻoyalarni (masalan, mobil ilovalar va veb-xizmatlar) ishlab chiqish uchun 48 soat vaqt beriladi.

Marafon, Birlashgan Millatlar Tashkilotining (BMT) Barqaror Rivojlanish Maqsadlaridan biri “Gender Tengligi” doirasida amalga oshiriladi.

Spotlight tashabbusi 2030-yilgacha ayollar va qizlarga nisbatan zoʻravonlikning barcha shakllarini tugatish boʻyicha dunyodagi eng yirik saʼy-harakatlardan biridir.

Har bir mamlakat va mintaqaviy dastur zoʻravonlikka qarshi kurashish boʻyicha qonunchilikdagi kamchiliklarni bartaraf etishga, institutlarni mustahkamlashga, gender tengligi gʻoyalarini ilgari surishga qaratilgan. Maʼlumotlarni toʻplash usullarini takomillashtirish va gender statistikasi sifatini oshirishga katta eʼtibor qaratilmoqda.

Ushbu dasturlarni amalga oshirish qashshoqlikni bartaraf etish va barqaror dunyoni barpo etish uchun 2030-yilgacha Barqaror rivojlanish kun tartibiga kiritilgan “taraqqiyotning afzalliklaridan hech kim orqada qolmaydi” tamoyili asosida qurilgan.

Ishtirokchilar 3-5 kishilik jamoa bilan qatnashishi mumkin. Individual ishtirokchilar qatnasha olmaydi.

Gʻoyalar marafonida quyidagi 3ta trekdan (yoʻnalish) biri boʻyicha ishtirok etish mumkin:

• Zoʻravonlikning oldini olish;
• Zoʻravonlik haqida maʼlumot toʻplash;
• Zoʻravonlikdan omon qolganlarga yordam.

Marafon haqida batafsil maʼlumot, spikerlar, marafon kun tartibi haqida rasmiy sayt orqali tanishib chiqish mumkin.

Marafonda ishtirok etish talablari:

• Ishtirokchilar Markaziy Osiyo mamlakatlaridan birining fuqarosi boʻlishi lozim (jumladan Oʻzbekiston);
• Yosh chegarasi 18-35 yosh oraligʻida etib belgilangan;
• Marafon onlayn formatda boʻlganligi sababli, ishtirokchilar barqaror internet aloqasi, mikrofon va veb-kameraga ega boʻlishi kerak;
• Ishtirokchilardan avvaldan dasturlash koʻnikmalari talab qilinmaydi;
• Marafonda faqat 3-5 kishilik jamoa sifatida ishtirok etish mumkin.

Dastur talablari bilan batafsil rasmiy saytda tanishib chiqish mumkin.

Tanlov quyidagi imkoniyatlarni taqdim etadi:

• Mukofot. Eng yaxshi yechimga ega boʻlgan jamoalar pul mukofotlarini qoʻlga kiritadi;
• Taʼsir qilish. Bugungi muammoni hal qilish va oʻz hayotini va boshqalarning hayotini oʻzgartirish uchun oʻz hissasini qoʻshish imkoniyati;
• Rivojlanish. Dunyoqarashini kengaytirish va jamoada ishlash koʻnikmalarini oshirish imkoniyati.

Gʻoyalar marafoni boʻyicha mukofotlar (har bir trek uchun):

• 1-oʻrin uchun $2500
• 2-oʻrin uchun $1500
• 3-oʻrin uchun $1000

Xakaton boʻyicha nominatsiya va mukofotlar:

• “Original idea” (3 tagacha) Prize — $1,000​;
• “Creative Presentation” Prize — $1,000;
• “Technical implementation” Prize — $1,000.

1. Onlayn tarzda rasmiy saytda roʻyxatdan oʻtiladi.
2. Ishtirokchi arizasi toʻldiriladi.
3. Jamoa shakllantiriladi. Ishtirokchi arizasi toʻldirilgandan soʻng, har bir ishtirokchidan jamoaga egaligi yoki yoʻqligi soʻraladi, hamda shunga muvofiq ularga koʻrsatma berilgan boʻladi.
4. Taklif kutiladi, soʻng tanlovda ishtirok etish tasdiqlanishi lozim.

Ishtirokchi arizasida:

• Shaxsiy maʼlumotlar;
• Ishtirokchining oʻqish joyiga oid maʼlumotlar;
• Ishtirokchi ish faoliyatiga oid maʼlumotlar;
• Qoʻshimcha maʼlumotlar: nima uchun ushbu marafonda ishtirok etish istagida ekanligi va boshqalar kiritilishi lozim.

1. 2022-yil 26-27-mart — intensiv oʻquv dasturi (marafonga tayyorgarlik uchun).
2. 2022-yil 29-martda roʻyxatdan oʻtish toʻxtatiladi.
3. 2022-yil 30-martda qabul qilingan ishtirokchilar taklif xatini olishadi va uni tasdiqlashi lozim.
4. 2022-yil 1-3-aprel kunlarida onlayn marafon oʻtkaziladi.

Marafonga ariza berish haqida batafsil rasmiy sayt orqali maʼlumot olish mumkin.

Murojaat uchun: ask@pgenesis.ru

Shuningdek, maʼlumot olish va jamoa tashkil etishga yordam berish maqsadida telegram guruhi ham ochilgan.