BAAda talabalar va bitiruvchilar uchun 3 oylik amaliyot — Al Qasimi Foundation

Al Qasimi Foundation Internship Program — Birlashgan Arab Amirliklarining Ras al-Xayma amirligida bakalavr va magistratura talabalari hamda yaqin orada oʻqishni tugatganlar uchun moʻljallangan 3 oylik xalqaro amaliyot dasturidir. Dastur ishtirokchilarga davlat siyosati, tadqiqotlar va ijtimoiy loyihalar sohasida amaliy tajriba orttirish imkoniyatini beradi. Amaliyot yilda ikki marotaba — yozgi va qishki qabul shaklida tashkil etiladi.

Amaliyot davomida ishtirokchilar oʻzlarining akademik va professional yoʻnalishlariga mos loyihalarga biriktiriladi. Dastur doirasidagi asosiy faoliyat turlari quyidagilardan iborat:

• Tadqiqot va tahlil: Ilmiy adabiyotlar sharhi (literature review), sifat va miqdoriy tahlillar oʻtkazish hamda dala tadqiqotlarida qatnashish;

• Siyosat va kommunikatsiya: Siyosiy sharhlar (policy briefs) yozish, multimedia loyihalarini tayyorlash va jamoatchilik bilan aloqalar boʻyicha koʻmaklashish;

• Yakuniy loyiha (Capstone): Dastur oxirida nashr etiladigan yoki taqdim qilinadigan shaxsiy tadqiqot hisoboti yoki ijodiy loyihani yakunlash.

• Akkreditatsiyadan oʻtgan universitetlarning bakalavr yoki magistratura talabalari hamda yaqin 2 yil ichida oʻqishni bitirganlar;

• Ta'lim, jamoat salomatligi, shaharsozlik, iqtisodiy rivojlanish, davlat siyosati, PR, multimedia yoki tarjima sohalarida bilimlarga ega boʻlish;

• Ras al-Xayma, BAA va Koʻrfaz mintaqasiga nisbatan yuqori qiziqish koʻrsatish;

• Ingliz tili sertifikatiga ega boʻlish: IELTS kamida 6.5 yoki TOEFL iBT kamida 85 ball;

• Dastur barcha davlatlar fuqarolari, jumladan Oʻzbekiston uchun ochiq.

• Ishtirokchilar mebellangan bepul turar joy bilan taʼminlanadi;

• Yashash xarajatlarini qoplash uchun har oylik stipendiya ajratiladi;

• Tajribali mentorlar va soha mutaxassislaridan shaxsiy yoʻl-yoʻriq hamda haftalik seminarlar;

• Yakuniy loyihani Foundation platformasida rasmiy nashr etish va taqdim qilish imkoniyati;

• Dastur yakunida rasmiy ishtirok sertifikati taqdim etiladi;

• Madaniy sayohatlar va jamoat tadbirlarida bepul ishtirok etish.

Dasturda ishtirok etish uchun hujjat topshirish quyidagi bosqichlardan iborat:

1. Tashkilotning rasmiy ariza shaklida oʻtish kerak;

2. Shaxsiy va akademik maʼlumotlarni ingliz tilida toʻldiriladi;

3. Motivatsion xat (cover letter) hamda CV/rezyumeni yuklash;

4. Oʻzingiz haqingizda 1 daqiqalik qisqa video taqdimot tayyorlab, arizaga ilova qilish;

5. Arizani belgilangan muddatgacha onlayn shaklda yuborish kerak.

Eslatma: Aviachipta va shaxsiy xarajatlar amaliyotchining oʻz zimmasida boʻladi. Arizalarni koʻrib chiqish uchun hech qanday ariza toʻlovi talab etilmaydi.

Saralash bosqichlari va muhim sanalar:

Yozgi qabul uchun oxirgi muddat: 30-aprel.

Qishki qabul uchun oxirgi muddat: 31-oktabr.

Tashkilotchilar bilan bogʻlanish:

Savollar va murojaatlar uchun email: internships@alqasimifoundation.rak.ae