Bakalavr bosqichida oʻqish uchun dunyoning eng nufuzli universitetlaridan biri — City University of Hong Kong tomonidan toʻliq va qisman qoplanuvchi grantlar

Dunyoning eng nufuzli universitetlari orasida 53-oʻrinda turuvchi — City University of Hong Kong bakalavr bosqichida oʻqish uchun toʻliq va qisman qoplanuvchi grantlarni eʼlon qiladi. 2022-yilning bahorgi semestri uchun arizalar sentyabr oyining oxirida boshlanib 15-noyabr sanasida yakunlanadi. Grant yuqori akademik koʻrsatkichlarga ega xalqaro talabalar uchun turli xil yoʻnalishlarda taqdim etiladi.

Nomzodlarga qoʻyilgan umumiy talablar bilan batafsil tanishib chiqing:

• IELTS darajasi kamida 6.5 yoki TOEFL iBT 79 yoki shu darajaga teng xalqaro til sertifikatiga ega boʻlish kerak;
   
• 12 yillik taʼlim bosqichini (boshlangʻich va oʻrta/oʻrta-maxsus taʼlim) bitirgan boʻlishi yoki oʻqish boshlangunicha bitirishi kerak.

Talabalarga Entrance Scholarship Scheme dasturi boʻyicha quyidagi grantlardan biri taqdim etilishi mumkin:

• Top Scholarship – 180 000 Gonkong dollari (taxminan 23 000 AQSH dollari); bu kontrakt summasi (tuition fee), yotoqxona va yashash xarajatlarini toʻliq qoplaydi;
   
• Full Tuition Scholarship – taxminan 18 000 AQSH dollari; bu kontrakt summasini toʻliq qoplaydi;
   
• Half Tuition Scholarship – taxminan 9000 AQSh dollari; bu kontrakt summasining yarmini qoplaydi;
   
• Grantni qoʻlga kiritgan talabalar grant keyingi yillarda ham davom etishi uchun har yili oʻqishni kamida GPA 3.4 koʻrsatkich bilan yakunlashi kerak.

• Kerakli hujjatlar va qoʻllanmalar bilan quyidagi link orqali batafsil tanishib chiqishingiz mumkin;
   
• Xalqaro talabalar uchun ariza shaklini to‘ldiring.

Qabul sentyabr oyining oxirlarida boshlanib 15-noyabrda yakunlanadi.