Bakalavr bosqichida to‘lov-kontrakt asosida tahsil olayotgan barcha ijtimoiy himoyaga muhtoj talaba yoshlar uchun Xushnudbek.uz Telegram kanali tomonidan jami 105 million so‘mlik navbatdagi ta'lim granti

Respublikamizda istiqomat qiluvchi hamda oliy o‘quv yurtlarida bakalavr bosqichida to‘lov-kontrakt asosida tahsil olayotgan barcha ijtimoiy himoyaga muhtoj talaba yoshlar uchun Xushnudbek.uz Telegram kanali tomonidan navbatdagi qiymati 3 million so‘mdan jami 105 million so‘m bo‘lgan taʼlim grantini eʼlon qilinadi. Loyihadan maqsad - ehtiyojmand talabalarga ilm olishlari uchun moddiy koʻmak berish, jamiyatda metsenatlik (homiylik) madaniyatini shakllantirish.

Ushbu grant loyihasi1 yil davomida jami 5 mlrd soʻmdan oshiqroq qiymatdagi taʼlim granti va stipendiyalar eʼlon qildi va ehtiyojmand talabalarga to‘lab berildi.

Eslatma: Ushbu grant uchun ajratilayotgan mablagʻlar XushnudbekUz kanalida eʼlon qilingan reklamalar hisobidan qoplanadi.

• Barcha davlat, nodavlat, diniy taʼlim muassasalarining bakalavr bosqichida kunduzgi, sirtqi va kechki ta'lim shaklida o‘qiyotgan talabalar ariza topshirishlari mumkin.

• Ushbu grant loyihasida 35 nafar talabaga 3 mln so‘mdan jami 105 mln so‘mlik mablag'lar to‘lab beriladi, shundan 10 nafari TDYUU talabalari uchun ajratiladi;
• Oʻzlashtirish koʻrsatkichi yuqori, ijtimoiy himoyaga muhtoj, yetim va chin yetim, nogironligi bor talabalarga grant yutishda ustunlik beriladi.

Ariza topshirish bosqichlari:

• Grantga ariza topshirish uchun, avval,  registratsiyadan o'tiladi;
• Keyin ushbu havola orqali onlayn ariza topshiriladi;
• Ariza topshirishning soʻnggi kuni: 31-oktyabr

Asosiy savollarga javoblar:

1. Qaysi OTMlar uchun: Barcha davlat, nodavlat, diniy taʼlim muassasalari uchun
2. Qaysi bosqich uchun: bakalavriatning barcha bosqichi
3. Qaysi taʼlim shakli uchun: kunduzgi, sirtqi va kechki
4. Qaysi jihatlarga ustunlik beriladi: oʻzlashtirish koʻrsatkichi yuqori, ijtimoiy himoyaga muhtoj, yetim va chin yetim, nogironligi bor talabalar
5. Kvota soni: 35 nafar (buning 10 nafari TDYUU talabalari uchun)
6. Taʼlim granti miqdori: 3 mln soʻm (jami 105 mln soʻm)