Bakalavr bosqichini bitiruvchi talabalar uchun Yevropa Ittifoqining Bryusseldagi iqtisodiy va ijtimoiy qoʻmitasi tomonidan haq to‘lanadigan uzoq va qisqa muddatli amaliyot dasturlari

Yevropa Ittifoqining Bryusseldagi iqtisodiy va ijtimoiy qoʻmitasi (EESC) tomonidan bakalavr bitiruvchi bosqich talabalari uchun qisqa va uzoq muddatli amaliyot dasturlariga qabul davom etmoqda. Ushbu dasturga nomzodlar yiliga ikki marta: fevral va sentyabr oylarida qabul qilinadi.

Uzoq muddatli amaliyotlar va ularning afzalliklari:

• Muddati: 5 oy davom etadi va 3 oy davomida amaliyot oʻtaganidan soʻng Bryusselgacha boʻlgan yoʻl haqi moliyalashtiriladi;
• Har oy amaliyotchilarga 1.252,68€ miqdorida pul beriladi;
• Har oyda 2 kun taʼtil beriladi.

Qisqa muddatli amaliyotlar

• 3 oy davom etadi va haq toʻlanmaydi;
• Qisqa muddatli amaliyotlar uchun yil davomida istalgan vaqtda ariza yuborib javob kelgach davom etish mumkin.

Kuzgi mavsum uchun qabul: 3-yanvardan 31-martgacha

Bahorgi mavsum uchun qabul: 1-iyuldan 30-sentyabrgacha

Dastur haqida batafsil ushbu havola orqali batafsil tanishib chiqish mumkin.

• Yoshidan qatʼi nazar, Yevropa Ittifoqi tarkibiga kiruvchi davlat fuqarolari ariza yuborishlari mumkin;
• Nomzodlar universitetda kamida 3-kursni tamomlagan yoki oxirgi bosqich talabasi boʻlishlari;
• Nomzodlar Yevropa Ittifoqining rasmiy tillaridan: ingliz yoki fransuz tilini mukammal bilishlari shart.

Amaliyot dasturida ishtirok etish shartlari bilan ushbu havola orqali batafsil tanishib chiqish mumkin.

Uzoq muddatli amaliyot dasturi uchun belgilangan imkoniyatlar:

• Qabul qilingan nomzodlar uchun oyiga 1.252,68€ miqdorida pul beriladi;
• Amaliyot davomida grant yutib olish imkoniyati;
• Agar yashash joylari Bryusseldan 50 km dan koʻproq masofada joylashgan boʻlsa, yoʻl xarajatlari qoplab beriladi;
• Maʼlum bir turdagi sugʻurta xarajatlari ham dastur tomonidan moliyalashtiriladi;
• Oʻz sohalari boʻyicha Qoʻmitada (The Committee) amaliyot oʻtab tajriba orttirishlari mumkin.

Uzoq muddatli amaliyot dasturining imkoniyatlari haqida ushbu havola orqali batafsil bilib olish mumkin.

Qisqa muddatli amaliyot dasturlari uchun:

• Yilning istalgan vaqtida amaliyotga ariza topshirish mumkin va yuborilgan ariza 6 oy davomida ham yaroqli hisoblanadi;
• Ishtirokchilar xarajatlarni oʻzlari tomonidan qoplashlari kerak boʻladi.

Qisqa muddatli amaliyot dasturi haqida ushbu havola orqali batafsil bilib olish mumkin.

Uzoq muddatli amaliyot dasturiga qabul qilinish uchun:

• Ushbu qoidalar bilan batafsil tanishib chiqish zarur;
• Ariza shaklini toʻldirish mobaynida universitetning rasmiy nomi, nomzodning tajribasi haqidagi maʼlumotlar aniq toʻldirilishi kerak;
• Motivatsion xat va qobiliyatlar haqida: kompyuterdan samarali foydalanish, ijtimoiy faolliklar haqida 600 soʻzdan koʻp boʻlmagan xat yozish;
• Ushbu havola orqali Qoʻmitaning ayni qaysi boʻlimi nomzodga toʻgʻri kelishi va amaliyot oʻtash joyini tanlash mumkin.

Eslatma: Hujjatlarni yuborishda aniq va toʻgʻri maʼlumotlar yozilishi soʻraladi va soʻngi muddatdan oldinroq yuborish ham maslahat beriladi. Ushbu dasturga koʻpchilik ariza yuborganligi sababli oxirgi kunlari saytda nosozliklar kuzatilishi mumkin.

Qisqa muddatli dasturga qabul qilinish uchun:

• Ushbu havola orqali saytga kiriladi;
• Info qismi orqali maʼlumot olib roʻyxatdan oʻtgandan soʻng;
• Log In tugmasi orqali oʻzining shaxsiy paroli orqali kirib hujjatlarni yuborish mumkin.

Hujjat topshirish davomida sodir boʻladigan texnik nosozliklar haqida ushbu email adresga skrinshot holida yuborilishi soʻraladi.

• Dastur haqida ushbu video orqali yanada koʻproq maʼlumot olish mumkin;
• Hujjat topshirishda muammo yuzaga kelsa, EESC-trainee@eesc.europa.eu manziliga skrinshot holida yuborilishi soʻraladi;
• Eng koʻp soʻraladigan savollarga javoblar bilan FAQs orqali tanishib chiqish mumkin.