Bakalavr bosqichini Markaziy Osiyodagi Amerika Universitetida o'qish uchun to'liq ,moliyalashtiradigan U.S.- CAEF Enterprise Student Fellowship Program dasturi
-
01/01/1970 Qabul boshlanishi
-
Toʻliq Moliyalash turi
-
Qirgʻiziston Davlat
-
01/01/1970 06:00 Oxirgi muddat
Umumiy maʻlumotlar
AQSh-Markaziy Osiyo Ta'lim Jamg'armasi (US-CAEF) Enterprise Student Fellowship Program dasturi Qozog'iston, Qirg'iziston, Tojikiston va O'zbekiston fuqarosi bo'lgan moliyaviy ehtiyojmand akademik malakali talabalarga beriladi.
2007-yilda tashkil etilgan US-CAEF Enterprise Student Fellowship Program dasturi AQSh Davlat Departamenti tomonidan moliyalashtiriladigan, US-CAEF Direktorlar Kengashi (dastur asoschilari) tomonidan boshqariladigan va Xalqaro taʼlim boʻyicha Amerika Konsulligi tomonidan boshqariladigan akademik stipendiya dasturidir.
Ushbu grant dasturi Bishkekdagi Markaziy Osiyo Amerika Universitetiga (AUCA - American University of Central Asia) qabul qiligan talabalarni moliyaviy qo'llab quvvatlaydi.
Grant Dasturiga O'zbekiston, Tojikiston, Qozog'iston, Qirg'iziston fuqarolari ariza topshirishi mumkin. Nomzodlar ingliz tilini yaxshi bilishi talab etiladi.
Grant g'oliblarining o'qish kontrakt to'lovi, turarjoy, safar va yashash xarajatlari to'liq qoplab beriladi.
Dasturga ariza topshirishning oxirgi muddati - 2024-yil, 15-yanvar.
Dastur haqida batafsil ma'lumotni ushbu havola orqali o'qish mumkin.
Maqbullik shartlari
- Dasturda O'zbekiston, Qirg'iziston,Tojikiston, Qozog'istonda doimiy yashaydigan fuqarolar qatnashishi mumkin;
- Yozma va og'zaki ingliz tilini yaxshi bilish kerak;
- AUCA da biznes boshqaruvi, iqtisod, amaliy matematika va informatika yoki dasturiy injiniring boʻyicha bakalavriat darajasini o'qishga qiziqishi kerak;
- Biznes, iqtisod, amaliy matematika va informatika yoki dasturiy injiniring sohalarida akademik mukammallik va professional qobiliyat, yetakchilik salohiyatini namoyish etishi kerak;
- Moliyaviy ehtiyojmand bo'lish lozim;
- O'z yurtining iqtisodiy o'sishiga hissa qo'shish uchun dasturni tugatgandan so'ng Vataniga qaytishi kerak.
Quyidagi toifadan biriga mansublar dasturda qatnasha olmaydi:
- AQSh fuqarolari, Qo'shma Shtatlarda doimiy rezidentlar yoki 4 ishtirokchi davlatdan tashqari boshqa mamlakatlarning fuqarolari va doimiy rezidentlari;
- AQSh fuqarolarining turmush o'rtoqlari va Qo'shma Shtatlarda doimiy yashovchilar yoki 4 ishtirokchi davlatdan tashqari boshqa mamlakatlar fuqarolarining turmush o'rtoqlari;
- Hozirda 4 ta ishtirokchi davlatdan tashqarida istiqomat qiluvchi yoki ishlayotganlar, FLEX dasturi ishtirokchilari bundan mustasno;
- Amerika Konsulligi xodimlari, ularning turmush o'rtog'i, farzandi, ukasi, nabirasi yoki xodim bilan mustahkam aloqada bo'lgan shaxslar;
- Mutaxassisligidan qat'i nazar, AUCA da tahsil olayotgan shaxslar.
Foydali tomonlari
- O'qish kontrakt to'lovi to'liq qoplanadi;
- Turarjoy, safar va yashash xarajatlari qoplab beriladi;
- Maxsus akademik maslahat va repetitorlikdan foydalanish imkoniyati;
- Karyerani boshlash uchun stajirovka imkoniyatlari;
- Professional va shaxsiy rivojlanish, networking imkoniyatlari.