Bakalavr bosqichi talabalari uchun Wells Mountain Initiative stipendiya dasturi. Yillik stiрendiya miqdori — $3000 gacha

Amerikada joylashgan Wells Mountain Foundation tomonidan rivojlanayotgan davlatlar talabalari uchun $300 dan $3000 dollargacha boʻlgan stipendiya ajratiladi. Stipendiyaga oʻz davlatida yoki xorijiy davlatlardan birida bakalavr darajasini davom ettirayotgan, akademik koʻrsatkichlari yuqori boʻlgan talabalar ariza yuborishlari mumkin.

Nomzodlar barcha yoʻnalishlar boʻyicha qabul qilinadi. Quyidagi yoʻnalishlar boʻyicha ariza yuborganlarga ustunlik beriladi:

• tibbiyot;
• huquq;
• taʼlim;
• ijtimoiy faoliyat;
• biznes;
• IT;
• qishloq xoʻjaligi;
• muhandislik.

Stipendiya, asosan, oʻz jamiyatida va davlatida ijobiy oʻzgarish qilishni maqsad qilingan, doim izlanishda boʻlgan talabalarga taqdim etiladi. Stipendiya toʻliq oʻquv davri uchun ajratiladi, lekin buning uchun gʻoliblar doimiy ravishda oʻzlashtirish koʻrsatkichlari va jamiyat hayotidagi faolliklari haqida xabar berib turishlari kerak. Stipendiya talabaning oʻqish, yashash, va maʼlum bir xarajatlarini qisman qoplab beradi. Yiliga jami 80-100 ta grant ajratiladi va gʻoliblarga har yili 1-avgustda topshiriladi.

Qabul jarayoni 2025-yil 1-martga qadar davom etadi.

Dastur haqida ushbu havola orqali batafsil tanishib chiqish mumkin.

• Nomzodlar 2025-yil 1-avgustga qadar 35 yoshga toʻlmagan boʻlishlari kerak;
• Kollej yoki akademik listey talabalari ham ariza topshirishlari mumkin;
• Oʻrta maxsus taʼlimni muvaffaqiyatli tamomlab hozirda oʻz davlatida yoki xorijda (rivojlanayotgan davlatda) bakalavr bosqichini davom ettirayotgan talabalar ariza yuborishlari mumkin;
• Nomzodlar jamiyatiga, davlatiga foyda keltiradigan va rivojlanishiga hissa qoʻshadigan ijtimoiy loyihalarda faol qatnashgan va qabul qilingan boʻlishi;
• Dasturni tamomlagandan soʻng oʻz davlatiga qaytib tajribalarini ulashish maqsadi boʻlishi kerak;
• Oliy taʼlimda oʻqishga moliyaviy jihatdan imkoni boʻlgan, ammo davom ettirish uchun haqiqatdan ham moliyaviy yordamga muhtojligini isbotlashi kerak;

Dasturning maqbullik shartlari haqida ushbu havola batafsil tanishib chiqish mumkin.

Muhim: Ushbu grantga, faqat rivojlanayotgan davlatlardan birida oʻqiyotgan talabalar ariza yuborishlari mumkin. Buyuk Britaniya, AQSh, Yevropa va Avstraliya kabi rivojlangan davlatlardan birida oʻqiyotgan talabalardan arizalar qabul qilinmaydi.

Wells Mountain Initiative stipendiya dasturi yiliga $300 dan $3000 dollargacha miqdorda stipendiya ajratishi mumkin. O‘rtacha stipendiya miqdori $1500 dollarni tashkil etadi.

Ajratiladigan stipendiya quyidagilarga ishlatilishi mumkin:

• O‘z o‘qiyotgan universitetidagi kontrakt puli;
• Turar-joy va ijara;
• Kitob va o‘quv materiallari.

Stipendiya imtiyozlari haqida ushbu havola orqali batafsil tanishib chiqish mumkin.

1. Arizalarni quyidagi ikki xil usuldan birida yuborish mumkin:

A. Onlayn ushbu sayt orqali kirib, roʻyxatdan oʻtib yuborish mumkin.

Dastlab ushbu sayt orqali kirib, ushbu havola orqali create account qilinadi va username hamda password oʻrnatgach soʻralgan hujjatlarni hammasi toʻliq ingliz tilida yuklanadi.

B. Toʻldirilgan arizalarni pochta orqali Wells Mountain Foundation ofisiga ham yuborish mumkin.

Manzil: Wells Mountain Initiative
25D Main Street
Bristol, VT 05443
USA

Eslatma: Hujjatlar JPG, PNG, GIF, DOC, DOCX, PDF (versiya 10 yoki yangiroq) formatda boʻlishi va ingliz tiliga rasmiy tarjima qilib yuborilishi shart!

2. Kerakli hujjatlar:

• Rasm (faqat bosh qismi tushirilgan sifatli boʻlishi kerak);
• Akademik litsey/kollej/maktabda olgan baholari transkripti;
• Hozir oʻqiyotgan oliy taʼlim muassisidan olgan baholar transkripti;
• Milliy imtihon natijalari (agar bor boʻlsa);
• 500 — 1000 soʻzdan iborat personal statement;
• 500 — 1000 soʻzdan iborat insho.

3. Insho quyidagi savollarga javob berib yozilishi kerak:

• agar sizga jamiyatingizni rivojlantirish uchun $1500 dollar berilsa, qanday loyihaga sarflagan boʻlardingiz?
• loyihangiz kimlarga va qanday foyda keltiradi?
• loyihani muvaffaqiyatini qanday baholaysiz?

4. Ikkita tavsiyanoma (Recommendation Letter):

• Tavsiyanoma nomzodni yaxshi bilgan oʻqituvchi, ish beruvchi va boshqa odam tomonidan berilishi mumkin;
• Tavsiyanoma 400 — 1000 soʻzdan iborat boʻlishi kerak:
• Tavsiyanomani kim tomonidan qanday formatda taqdim etish boʻyicha yoʻriqnoma haqida ushbu havola orqali batafsil tanishish mumkin.

Muhim: 

1. Hujjatlarni sayt orqali onlayn topshirgan nomzodlarga hujjatlari toʻliq yuklangan boʻlsa, tezda email pochtalariga xabar yuboriladi va bu ariza qabul qilinganligini anglatadi.
2. Pochta orqali yuborgan nomzodlar esa ariza javobi haqida 3 hafta ichida ogohlantiriladi.
3. Hujjatlar faqat bir marta yuklanadi va oʻzgartirish kiritishni imkoni yoʻq, shuning uchun har bir soʻralgan hujjatni eʼtibor bilan toʻldirib yuklash tavsiya etiladi!
4. Dasturga qabul jarayoni 2025-yil 1-mart, Oʻzbekiston vaqti bilan soat 21:59 ga qadar davom etadi. 

Dastur haqida eng koʻp soʻraladigan (FAQs) savollarga javoblar haqida ushbu havola orqali ma'lumot olish mumkin. 

Dastur yuzasidan qandaydir savollar boʻlsa, quyidagi email manzilga yuborish mumkin: info@wellsmountaininitiative.org