Bakalavr bosqichining arxitektura yoʻnalishi talablari uchun umumiy mukofot jamgʻarmasi $35000 ni tashkil etuvchi Berkeley Undergraduate Prize for Design Excellent insholar tanlovi
-
15/09/2021 Qabul boshlanishi
-
Mukofot Moliyalash turi
-
AQSh Davlat
-
01.11.2021 Oxirgi muddat
Umumiy maʻlumotlar
Kaliforniya universiteti Berkli ekologik dizayn kolleji Arxitektura boʻlimi tomonidan arxitekturani ijtimoiy sanʼat sifatida tadqiq etishni ragʻbatlantirish maqsadida Berkeley Undergraduate Prize for Design Excellent mukofoti taʼsis etilgan. Har yili insholar tanlovi uchun hakamlar hayʼati odamlar va ularning atrofimizdagi olam bilan oʻzaro aloqasiga aloqador boʻlgan mavzu tanlaydilar.
Dastur talablariga javob beradigan talabalar ingliz tilida berilgan mavzuga doir 500 soʻzdan iborat insho yozishlari kerak boʻladi. Iqtidorli talabalar 2 kishi jamoa sifatida ishtirok etishi mumkin.
Taqdim etilgan ishlar orasidan taxminan 25-28 ta eng yaxshi ishlar saralab olinadi va ushbu yarim final ishtirokchilari ingliz tilida 2500 soʻzdan iborat insho yozishlari kerak boʻladi. Ulardan 5 yoki 8 ta nomzod finalga yoʻl oladi va eng yaxshi ishtirokchi $8500 pul mukofotiga ega boʻladi.
Barcha yarim final ishtirokchilari yozgi Community Service Fellowship dasturida ishtirok etish imkoniyatiga ega boʻladilar.
Bu yilgi insho mavzusi:
You have been asked to design a housing project for the disadvantaged in your local community. What do you need to know to insure that your design will both reflect the lives and aspirations of those for whom you design and for the project to be a proud, long-term addition to the fabric of your community?
Tanlovning oʻtgan yilgi gʻoliblari haqida batafsil ushbu havola orqali maʼlumot olish mumkin.
Maqbullik shartlari
Dasturda ishtirok etish uchun nomzodlar quyidagi talablarga javob berishi lozim:
- Tanlovda bakalavr bosqichining arxitektura yoʻnalishida oʻqiyotgan yoki arxitekturaga ixtisoslashgan akkreditsiyalashgan maktab/kollej oʻquvchilari qatnasha oladilar. Diploma in Architecture, yaʼni arxitektura yoʻnalishidagi kursda oʻqiyotganlar ham ishtirok etishlari mumkin;
- Bu yilgi tanlovda qatnashchilar oʻz kolleji/universitetida yoki mahalliy akkreditsiyalashgan kollej/universitetda toʻliq kunduzgi taʼlimda ijtimoiy fanlar yoʻnalishida taʼlim olayotgan talaba bilan jamoa sifatida ishtirok etishi mumkin. Bunda 2 nafar ishtirokchining biri bakalavrning arxitektura, ikkinchisi ijtimoiy fanlar yoʻnalishida oʻqiyotgan boʻlishi zarur;
- Arxitektura yoʻnalishida taʼlim olayotgan talabalar yakka tartibda ham ishtirok etishi mumkin;
- Insholar ingliz tilida yozilishi shart;
- Final ishtirokchilari hozirda talaba ekanligini tasdiqlovchi universitetda olgan baholarini taqdim etishi kerak. 2021-yil 15-sentyabr holatiga koʻra, bakalavr bosqichida oʻqiyotgan, lekin tanlov natijasi eʼlon qilingunga ushbu bosqichni yakunlaydigan bitiruvchi talabalar ham tanlovda qatnashishi mumkin.
Dastur va ijodiy ishlarga qoʻyilgan talablar haqida batafsil ushbu havola orqali bilib olish mumkin.
Foydali tomonlari
Dasturga qabul qilinganlar quyidagi imtiyozlarga ega boʻladi:
- Tanlovning umumiy mukofot jamgʻarmasi $35000 ga teng boʻlib, 1-oʻrinni egallagan jamoa/talaba kamida $8500 pul mukofoti bilan taqdirlanadi;
- Qolgan mablagʻ esa hakamlar hayʼati qaroriga koʻra taqsimlanadi.
- Yarim final ishtirokchilari Community Service Fellowship dasturida oʻz takliflari bilan ishtirok etish imkoniyatiga ega boʻladilar.
Dasturning manfaatli jihatlari haqida batafsil ushbu havola orqali maʼlumot olish mumkin.
Qoʻshimcha maʻlumotlar
Yozilgan insholar hakamlar hayʼati tomonidan ushbu mezonlarga asoslangan holda baholanadi;
Rasmga qoʻyilgan talablar haqida batafsil ushbu havola orqali maʼlumot olish mumkin;
2021-yil dekabr oyi oʻrtalari - yarim final ishtirokchilari roʻyxati eʼlon qilinadi;
2022-yil 1-fevral — yarim final ishtirokchilari uchun 2500 soʻzdan iborat insholarini topshirish ishlari yakunlanadi;
2022-yil mart oyi boshi — final ishtirokchilari eʼlon qilinadi
2022-yil aprel oyi oʻrtalari — tanlovning mutlaq gʻolibi eʼlon qilinadi.
Qoʻshimcha savol va murojaatlar uchun: info@berkeleyprize.org