Bakalavr bosqichining matematika, informatika va shunga bogʻliq yoʻnalish talabalari uchun AQShda xarajatlari toʻliq qoplanuvchi tadqiqot dasturi —  Research in Industrial Projects for Students (RIPS)
Telegram kanalimizga aʼzo boʻling

Muhim tafsilotlar

  • Kimlar uchun
    Bakalavr talabasi
  • Dastur tili
    Ingliz tili
  • Yosh chegarasi
    18 yoshdan

Doʻstlar bilan ulashing

Umumiy maʻlumotlar

Research in Industrial Projects for students (RIPS)AQSh, Los-Angelesdagi Kaliforniya Universiteti tomonidan matematika, informatika va ularga bogʻliq yoʻnalishlarda tahsil olayotgan iqtidorli bakalavr bosqichi talabalari uchun moʻljallangan sanoat loyihalarida tadqiqot dasturi. Dastur talabalarga dastur homiylari boʻlgan sanoat yoki davlat sektori tomonidan taklif qilingan real tadqiqot loyihalarida jamoalarda ishlash imkoniyatini beradi. Har bir jamoa oʻzining akademik va soha mentorlari koʻmagida muammoni tadqiq qiladi va natijalarni dastur oxirida ogʻzaki va yozma ravishda taqdim etadi.

RIPS-LA talabalari Kaliforniya Universiteti (Los-Anjeles) kampusidagi yotoqxonalarda yashaydilar va Institute for Pure & Applied Mathematics (IPAM) da loyiha ustida ish olib boradilar. Dastur davomida 9ta loyihani amalga oshirish koʻzda tutilgan. Loyiha homiylari mart oyida eʼlon qilinadi. Dastur muddati 9 hafta: 21.06.2022-19.08.2022.

Loyihalar turli sohalarda boʻlishi mumkin, lekin barchasi matematika, statistika, maʼlumotlar tahlili va raqamli hisoblashni oʻz ichiga oladi. Shu sababli, dastur qatnashchilarining matematika va hisoblash boʻyicha bilim darajasi va tajribasi yetarlicha boʻlishi va amaliy qoʻllay olishi lozim.

Ushbu havola orqali dastur haqida qoʻshimcha maʼlumot bilan tanishib chiqish mumkin.

Maqbullik shartlari

Tadqiqot dasturida qatnashish uchun qoʻyiladigan talabalar:

  • Tadqiqot dasturiga istalgan davlat fuqarolari hujjat topshirishi mumkin;
  • Nomzod bakalavr bosqichida tahsil olayotgan boʻlishi yoki uni yaqindagina tamomlagan bo'lishi kerak;
  • Nomzod matematika, informatika va shunga bogʻliq yoʻnalishlarda tahsil olayotgan boʻlishi lozim;
  • Nomzod matematik, hisoblash, statistika va maʼlumotlar tahlili boʻyicha yetarlicha bilim, tajribaga ega boʻlishi va amaliy qoʻllay olishi lozim;
  • Nomzodning ingliz tilini bilish darajasi yuqori boʻlishi lozim;
  • Nomzodlar 18 yoshdan katta boʻlishi kerak.

Foydali tomonlari

Dastur talabalarga quyidagi imtiyozlarni taqdim etadi:

  • Stipendiya — $3,800;
  • AQShga borish va kelish parvoz va ichki sayohat xarajatlari qoplanadi;
  • Yotoqxona (Kaliforniya Universiteti, Los-Anjeles kampusida);
  • Ovqatlanish xarajatlari;
  • Homiylar bilan loyiha boʻyicha joylarga tashrif buyurish;
  • Kelajakdagi tanlangan konferensiyalar sayohat xarajatlari uchun cheklangan qisman yordam;
  • Dasturga qabul qilingan xorijiy talabalar uchun viza olishda koʻmak beriladi.

Hujjat topshirish

Dasturga ariza va hujjatlar onlayn tarzda amalga oshiriladi.

Talab etiladigan hujjatlar:

  • CV/resume;
  • Talabaning universitetdagi baholari;
  • Tavsiyanoma (2 ta). Toʻgʻridan-toʻgʻri tavsiya qiluvchi shaxslardan qabul qilinadi.

Hujjat topshirish jarayoni haqida batafsil ushbu havola orqali tanishib chiqish mumkin.

Qoʻshimcha maʻlumotlar

Qoʻshimcha savol va murojaatlar uchun: rips@ipam.ucla.edu

Tez-tez soʻraladigan savollar boʻlimi — FAQs.

AQSh
Bakalavr bosqichining matematika, informatika va shunga bogʻliq yoʻnalish talabalari uchun AQShda xarajatlari toʻliq qoplanuvchi tadqiqot dasturi — Research in Industrial Projects for Students (RIPS)

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar