Bakalavriat, magistratura va doktorantura talabalari uchun Ruminiyaning Buxarest shahrida 2 haftalik yozgi maktab

Ruminiyada joylashgan eng nufuzli universitetlardan biri — Bucharest University of Economic Studies tomonidan asos solingan The Bucharest Summer University bakalavr, magistratura bosqichida oʻqiyotgan talabalar uchun 2 haftalik yozgi maktab tashkil etiladi.

Dasturning asosiy maqsadi butun dunyodan kelgan ishtirokchilar uchun xalqaro madaniy va akademik tadbir uyushtirib, iqtisodiy muammolarga birgalikda yechim topishdir. Yozgi maktabning bu yilgi asosiy mavzusi — 𝐋𝐞𝐚𝐝𝐞𝐫𝐬 𝐨𝐟 𝐓𝐨𝐦𝐨𝐫𝐫𝐨𝐰 𝐢𝐧 𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐁𝐮𝐬𝐢𝐧𝐞𝐬𝐬 𝐚𝐧𝐝 𝐄𝐜𝐨𝐧𝐨𝐦𝐢𝐜𝐬: 𝐑𝐞𝐬𝐡𝐚𝐩𝐢𝐧𝐠 𝐆𝐥𝐨𝐛𝐚𝐥 𝐄𝐜𝐨𝐧𝐨𝐦𝐲.

Ishtirokchilarga yashash, oziq-ovqat, Buxarest shahri boʻylab sayohat, madaniy tadbirlar va seminarlarda bepul ishtirok etish imkoniyati beriladi.

Dasturga uch xil usulda ariza yuborish mumkin:

• Full Scholarship (ariza shaklini toʻldirish, CV, berilgan mavzuda yozilgan insho va bir nechta maxsus qoidalarga rioya qilish);
• Partial Payment (ariza shaklini toʻldirish, CV va berilgan mavzuda yozilgan insho);
• Total Payment  (ariza shaklini toʻldirish, CV).

Ushbu dastur 2026-yil 9-24-avgust kunlari ingliz tilida Ruminiyaning Buxarest shahrida boʻlib oʻtadi.

Dastur haqida batafsil ushbu havola orqali bilib olish mumkin.

• Dasturga 18-26 yoshdagi bakalavr, magistratura va doktorantura bosqichida oʻqiyotgan barcha davlat fuqarolari ariza topshirishlari mumkin.

Viza olish jarayonida so‘raladigan hujjatlar:

• Pasport olgan davlatlari;
• Pasport turi:
• Ruminiyaga borish sababi.

Rumiyaga viza olish jarayonlari haqida rasmiy sayt orqali batafsil maʼlumot olish mumkin.

Dastur doirasida to'liq yoki qisman grant bilan ta'minlanishi mumkin. 

• To'liq grant: maktab uchun to'lanadigan xarajatlardan to'liq ozod qilinadi: 3 mahal ovqatlanish, turarjоy, aeropоrt transferi; 
• Qisman grant: maktab xarajatlarini qoplash uchun qisman to'lashi kerak (ariza topshirish muddatiga qarab).
• Dastur bepul turar-joy, uch mahal ovqat, aeroportdan aeroportgacha transport, dam olish kunlari sayohat, kurslar va darsdan tashqari tadbir xarajatlarini moliyalashtiradi;
• Ikki hafta davomida ishtirokchilar seminar va treninglarda qatnashishadi;
• Shuningdek, Ruminiya madaniyati bilan yaqindan tanishish va shahar boʻylab bepul sayohat qilish imkoniyatiga ega boʻlishadi.

Dasturga o'z yonidan qatnashganda barcha maktab xarajatlari qoplanishi kerak.

Dasturga uch xil usulda ariza yuborish mumkin va ariza turiga qarab ularga beriladigan imkoniyatlari ham bir-biridan farq qiladi:

1. Full scholarship — bunda nomzodlardan quyidagi hujjatlar soʻraladi va mutlaqo bepul amalga oshiriladi:

• Ariza shakli;
• CV;
• Insho.

Inshoga mavzusi va shakli:

• berilgan asosiy mazu bo'yicha yozish;
• Format: 1200 soʻz (Times New Roman, 12 oʻlcham, interval 1,5, WORD shaklida yuborilishi shart).

Insho yozishda quyidagilarga amal qilish soʻraladi:

• Inshoni asosiy mavzuga mos qilib yozish;
• Uni misollar va faktlar bilan asoslab berish;
• Mavzuga oid turli masalalarni tushuntirish va yechimlarni taqdim etish;
• Asosiy mavzu boʻyicha oʻz nuqtai nazarini bildirish.

Insho rejasi quyidagi tartibda boʻlishi kerak:

• Nomzod nega aynan bu mavzuga qiziqish bildirganligi va mavzu boʻyicha qisqacha kirish qilishi;
• FinTech va anʼanaviy moliyaviy xizmatlarga oid muammolar;
• Muammo boʻyicha fikr va yechimlar;
• Xulosa.

Bu usul orqali ariza yuborishning оxirgi muddati 2026-yil 1-may va nomzodlarga 1-iyunga qadar xabar yuboriladi.

   2. Partial Payment usuli — bunda nomzodlar €550 erta qabul uchun, €800 оdatiy qabul uchun toʻlov qilishlari kerak va quyidagi hujjatlar soʻraladi:

• Ariza shakli;
• CV;
• Insho.

  3. Total Payment usuli — bunda nomzodlar 1-maygacha bо'lgan оxirgi muddat uchun 650, 1-iyungacha bо'lgan muddat uchun €900 toʻlov qilishlari kerak va quyidagi hujjatlar soʻraladi;

• Ariza shakli;
• CV. 

Bu usul orqali ariza topshirishning afzalliklari:

• Insho yozish talab etilmaydi;
• CV jo‘natilganidan so‘ng 48 soat ichida javob keladi;
• Ertaroq javob olgan nomzodlar ertaroq va arzonroq aviachipta sotib olish imkoniyatiga ega bo‘lishadi.

Eslatma: Dastur har qaysi qatnashish turida nomzodlarning Ruminiyaga borish-kelish aviachipta xarajatlarini qoplab bermaydi. Nomzodlar oldindan oʻzlari sotib olishlari kerak.

Dasturga ariza topshirish haqida ushbu havola orqali batafsil ma'lumotga ega bo‘lish mumkin.

Qoʻshimcha maʼlumot uchun:

Elektron pochta manzili: application@bsu.ase.ro.