Bakalavr, magistratura va PhD talabalari uchun Qozogʻistonda boʻlib oʻtuvchi 12 kunlik yozgi maktab — International Summer University dasturi
-
10/05/2023 Qabul boshlanishi
-
Toʻliq Moliyalash turi
-
Qozogʻiston Davlat
-
24.05.2023 Oxirgi muddat
Umumiy maʻlumotlar
Nemis-qozoq universiteti (DKU) Germaniya akademik almashinuv fondi (DAAD) bilan hamkorlikda Germaniya va Markaziy Osiyo talabalarini International Summer University dasturida ishtirok etishni taklif qiladi. Ushbu yozgi dasturda hozirda universitetning bakalavr va magistr talabalari, shuningdek, fuqarolik ishlari boʻyicha qiziqish va tajribaga ega yosh mutaxassislar va faol yetakchilar ishtirok etishlari mumkin.
Dastur 2023-yil 31-iyuldan 11-avgustgacha Qozogʻistonning Olmaota shahrida boʻlib oʻtadi. Dasturda Trans-Kaspiy yo‘nalish misolida Qozog‘istondagi yuk tashishdagi muammolarni aniqlash va tahlil qilishga, shuningdek, Intermodal transport xizmatini joriy etish bo‘yicha konsepsiya va eng yaxshi yechimlarni ishlab chiqishga e'tibor beriladi. Yozgi maktab ikkita tematik moduldan iborat bo‘lib, biri logistikaga, ikkinchisi esa iqtisodiy va ijtimoiy-siyosiy masalalarga qaratilgan:
- Logistika;
- Iqtisodiyot.
Nomzodlar faqat bitta modul uchun ariza topshirishi mumkin. Har bir modul boʻyicha 10-15 talabalar tajribali oʻqituvchilar boshchiligida guruhda ishlash (group work), seminar va taqdimotlarda ishtirok etish imkoniyatiga ega boʻladi. Darslar ingliz tilida olib boriladi.
Maqbullik shartlari
Dasturda ishtirok etish uchun nomzodlarga qoʻyilgan talablar:
- Dasturda bakalavrlar, magistrlar va iqtisodiyot/logistika/transport va unga aloqador yo'nalishda qo'iyotgan PhD talabalari qatnashishi mumkin;
- Dastur ingliz tilida boʻlgani bois, ingliz tilini yaxshi bilish zarur. Til sertifikati talab etiladi, lekin majburiy emas.
Dastur talablari haqida batafsil ushbu havola orqali maʼlumot olish mumkin.
Foydali tomonlari
Dasturga qabul qilingan ishtirokchilar quyidagi imtiyozlarga ega boʻlishi mumkin:
- Ishtirokchilarning Markaziy Osiyo boʻylab safar xarajatlari qoplab beriladi. Bunda eng arzon qatnov xarajati hisobga olinadi;
- Turar joy, shu jumladan, oziq-ovqat va oʻqish toʻlovlari moliyalashtiriladi. Bunda kechki ovqat xarajatlari ishtirokchilar tomonidan qoplanishi kerak;
- Dasturni muvaffaqiyatli tamomlaganlarga maxsus sertifikat taqdim etiladi;
- Xalqaro yetakchi talabalar bilan fikr almashish va oʻzaro aloqa (networking) oʻrnatish imkoniyatiga ega boʻladi.
Eslatma: dasturda ushbu imtiyozlarga ega boʻlmasdan yozgi universitet toʻlovini toʻlash (Markaziy Osiyodan kelgan ishtirokchilar uchun 50 000 tenge) orqali ham ishtirok etish mumkin. Bunda safar va turar joy toʻlovlarini qulay narxda toʻlash uchun qoʻshimcha yordam beriladi.
Shuningdek, dastur davomida ishtirokchilar uchun turli koʻrgazmalar, togʻli hududlar va diqqatga sazovor joylarga sayohatlar tashkil etish ham rejalashtirilmoqda.
Dastur manfaatli jihatlari haqida batafsil ushbu havola orqali maʼlumot olish mumkin.
Qoʻshimcha maʻlumotlar
Dastur haqida batafsil ushbu havola orqali maʼlumot olish mumkin.
Qoʻshimcha savol va murojaatlar ushbu havola yoki +7 727 355 05 51 telefon raqam orqali qabul qilinadi.