Bakalavr, magistratura va PhD bosqichini Italiyada o'qish uchun Regional Scholarship dasturi

2022-2023-yillarda Italiyada bakalavr va magistratura bosqichida oʻqish uchun Regional Scholarship dasturi eʼlon qilindi. 

Bu stipendiya dasturi Italiya universitetlaridan biriga qabul qilingan va talablarga toʻliq mos keladigan nomzodlarga beriladi va oʻqish pulini, turarjoy, yashash uchun mablagʻ va boshqa xarajatlarni toʻlab beradi. 

Stipendiyani yutgan talabalar uchun muddat 1 yil etib belgilangan va 1 yil ichida oʻqishlari yaxshi holatda boʻlishi kerak; eng kamida 20 kredit bilan fanlarini yopishlari soʻraladi, aks holda, barcha sarflangan pullar qaytarib olinadi. Agar talaba yaxshi oʻqishda davom etsa, keyingi yillarda ham qaytadan ariza topshirib stipendiya olishda davom etishi mumkin.

Arizalarni topshirish har bir bosqichga qarab bir-biridan farq qiladi. Bosqichlarga qabul 29-iyulda boshlangan va 30-sentyabrga qadar davom etadi.

Batafsil ma'lumotlar bilan ushbu havola orqali tanishib chiqish mumkin. 

• Bakalavr bosqichiga topshirmoqchi boʻlgan nomzodlar arxitektura, moda va multimedia sanʼati, rejalashtirish va shahar dizayni, mahsulot, vizual aloqa va interyer dizayni sohalari boʻyicha ariza yuborishlari mumkin;
• Bakalavr darajasiga qabul qilinish uchun xalqaro talabalardan 12 yillik taʼlimni tugatganliklari haqida hujjat soʻraladi, Oʻzbekistonda hozirda 11 yillik taʼlim boʻlganligi sababli bir yil qoʻshimcha foundation kursida oʻqishlari kerak;
• Magistratura bosqichiga topshirish uchun bakalavr bosqichini shunga yaqin sohada tamomlagan bo‘lishlari, topshirayotgan sohasi biror tildan sertifikat so‘rasa taqdim etishlari kerak;
• Stipendiyani yutish uchun, eng asosiysi, Iuav oʻquv dasturlaridan biriga qabul qilingan boʻlishi kerak;
• Stipendiya olayotgan paytda nomzodlar Italiyaning boshqa universiteti yoki xalqaro tashkilotlardan grant olmayotgan boʻlishi kerak (Erasmus bundan mustasno).

Bakalavr va magistratura bosqichida aynan qanday talablar borligini ushbu havola orqali bilib olish mumkin.

Regional Scholarship dasturi bir yil muddat davomida amal qiladi va keyingi yillar uchun alohida hujjat soʻraladi:

• Dastur talabalarni qabul qilinish holatiga qarab oʻqish puli, turarjoy, yashash uchun oylik stipendiya, chegirmali xizmatlar va universitet oshxonasida ovqatlanish kabi pullarini qoplab beradi;

Eslatma: Qabul qilingan talabalar 2023-yil 30-noyabrgacha kamida 20 kredit olishlari kerak, aks holda barcha sarflangan mablagʻlar qaytib berilishi talab etiladi.

Dasturga qabul qilingan nomzodlarga beriladigan imkoniyatlar haqida ushbu havola orqali tanishib chiqish mumkin.

Kerakli hujjatlar roʻyxati:

• Til sertifikati (agar nomzod topshirayotgan yoʻnalish tomonidan soʻralsa);
• Baholar transkripti (transkriptlarni asl nusxalari har ikki beti bilan skaner qilinishi, GPA hisoblab chiqilishi va har bir semestrning baholari aniq koʻrsatilishi kerak. Hammasi bitta .pdf faylda onlayn platformaga yuklanishi kerak);
• Magistratura bosqichiga topshirayotgan ammo hali bakalavr darajasini tamomlamagan nomzodlar universitetni qachon tamomlashlari haqida ingliz tilida transkript ostiga yozib qoʻyishlari kerak;
• Oʻqigan fanlari roʻyxati (bunda fanlarda asosan nima oʻrganilganligi va necha soat oʻtilgani haqida maʼlumot berish kerak);
• Tavsiyanoma (ixtiyoriy);
• Qabul qilinadigan yoʻnalishlar ijodiy boʻlganligi sababli 5 MB dan oshmagan A4 formatida 10 sahifadan iborat .pdf fayl yuklanishi kerak;
• Yuqorida soʻralgan barcha hujjatlar ingliz yoki italyan tillaridan birida taqdim etilishi shart. Boshqa tillardagi hujjatlar qabul qilinmaydi.

Hujjatlarni yuborish:

• Hujjatlarni Student Web Service orqali kirib oʻng tomonda MENU qismi ustiga bosib Registration tugmasini bosib roʻyxatdan oʻtgandan soʻng yuborish mumkin.
• Hujjatlarni qabul qilish 30-sentabrga qadar davom etadi.

Qoʻshimcha savollar yuzasidan quyidagi manzillarga murojaat qilish mumkin:

• Elektron pochta: study@iuav.it
• Qabul komissiyasi: iscrizioni@iuav.it
• Xalqaro aloqalar boʻlimi: international@iuav.it
• Tezkor savol-javoblar bu yerda

Tanlangan yoʻnalish va sohasiga qarab nomzodlar ushbu havola orqali barcha murojaat qilishi mumkin boʻlgan elektron pochta manzillarini topishlari mumkin.