Bakalavr, magistratura va doktorantura bosqichini Qozog'istonda o'qish uchun 550 o'rinli grant
  • 30/03/2022 Qabul boshlanishi
  • Toʻliq Moliyalash turi
  • Qozogʻiston Davlat
  • 20.06.2022 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    O'rta ma'lumotli (maktab/kollej bitiruvchisi), Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi
  • Dastur tili
    Ingliz tili, Rus tili
  • Yosh chegarasi
    Chegaralanmagan

Sohalar

Doʻstlar bilan ulashing

Umumiy maʻlumotlar

Qozogʻiston taʼlim va ilm-fan vazirligi va The Bologna process and academic mobility center chet el fuqarolari va Qozogʻiston fuqarolari uchun bakalavr, magistratura va doktorantura bosqichida oʻqish imkonini beruvchi grant eʼlon qiladi.

Grant 550 kishi uchun mo'ljallangan bo'lib, shulardan bakalavr bosqichi uchun 490, magistratura uchun 50 va doktorantura bosqichi uchun esa 10 ta oʻrin ajratilgan. Dastur gʻoliblarning kontrakt puli toʻlab beriladi hamda stipendiya bilan taʼminlanadi.

Grant haqida ushbu havola orqali batafsil ma'lumot olish mumkin.

Maqbullik shartlari

Dasturda ishtirok etish uchun quyidagi talablar mavjud:

  • Ro'yxatdan berilgan Qozog'iston universitetlardan birini tanlab hujjat topshirish kerak;
  • Magistratura va doktoranturaga hujjat topshirmoqchi bo'lgan talabalar kamida IELTS 5,5 va shunga teng xalqaro sertifikatga ega bo'lishlari kerak; nemis va fransuz tilini biladiganlardan esa B2 darajasiga teng sertifikat so'raladi;
  • Bakalavr bosqichiga hujjat topshirmoqchi bo'lganlarning o'rta ta'limdagi baholari kamida "yaxshi (4)ga teng bo'lishi lozim. Magistratura va doktorantura bosqichiga hujjat topshirayotgan talabalarning baholari esa 4 GPAdan kamida 3 GPA bo'lishi kerak.

Eslatma: Nomzodlar talab qilingan barcha hujjatlarni skaner qilingan shaklini koʻrsatilgan manzilga joʻnatishlari kerak.

Dastur talablari hamda test topshirish yoʻriqnomasi bilan ushbu havola orqali batafsil tanishish mumkin.

Scholarship Program in 2022da mavjud universitetlar roʻyxati bilan ushbu havola orqali tanishish mumkin.

Foydali tomonlari

Dastur gʻoliblari quyidagi imkoniyatlarni qoʻlga kiritishadi:

  • Kontrakt puli toʻliq qoplanadi;
  • Akademik koʻrsatkichiga qarab oylik stipendiya beriladi;

Eslatma! Dastur sayohat, turar joy, viza va tibbiy sug'urta uchun mablagʻ ajratmaydi.

Dasturning imkoniyatlari haqida ushbu havola orqali batafsil maʼlumot olish mumkin.

Hujjat topshirish

Grantda qatnashish jarayoni quyidagicha:

  1. Dastur rasmiy sahifasidan ma'lumot olish;
  2. Kerakli hujjatlarni joylab ro'yxatdan o'tish;
  3. Ro'yxatdan ko'rsatilgan Qozog'iston universitetlaridan birini tanlash;
  4. Onlayn testdan o'tish;
  5. Onlayn intervyuda qatnashish.

Hujjat topshirish uchun hech qanday to'lov puli so'ralmaydi.

Arizani qozoq, rus yoki ingliz tilida to'ldirish mumkin.

Ro'yxatdan o'tish jarayonida nomzodlar quyidagi hujjatlarning skanerlangan shaklini ushbu havola orqali jo'natishlari lozim:

  • Bakalavr bosqichi uchun:

- Pasport;

-Oxirgi bitirgan muassasaning diplomi va baholar transkriptining qozoq, rus yoki ingliz qilingan tarjimasi. (Bakalavr darajasiga qabul qilinish uchun baholar hech bo'lmagandan “yaxshi (4) " bo'lishi lozim;

-Qozoq, rus yoki ingliz tilida yozilgan motivatsion xat;

-Nomzodning o'quv yoki ish joyidan berilgan, qozoq, rus yoki ingliz tilida yozilgan tavsiyanoma;

-Chet elda o'qish uchun sog'lomligini isbotlovchi tibbiy  ma'lumotnoma. Shuningdek, Sog'liqni saqlash rasmiy organi tomonidan berilgan OIV yoki OITS infeksiyasining yo'qligini isbotlovchi ma'lumotnoma ham so'raladi;

-Ariza shaklini to'ldirish kerak;

-Agar mavjud bo'lsa, Qozog'istonning biror universitetida o'qish uchun kelgan chaqiruv xati.

  • Magistratura bosqichi uchun:

- Pasport;

-Oxirgi bitirgan muassasalarining diplomi, baholar transkripti va ilovasining qozoq, rus yoki ingliz tilida qilingan tarjimasi. (Bakalavr diplomi baholari 4 GPAdan kamida 3 GPA bo'lishi lozim;

-Qozoq, rus yoki ingliz tilida yozilgan motivatsion xat;

-Nomzodning o'quv yoki ish joyidan berilgan, qozoq, rus yoki ingliz tilida yozilgan 2 ta tavsiyanoma;

-Chet elda o'qish uchun sog'lomligini isbotlovchi tibbiy  ma'lumotnoma. Shuningdek, Sog'liqni saqlash rasmiy organi tomonidan berilgan OIV yoki OITS infeksiyasining yo'qligini isbotlovchi ma'lumotnoma ham so'raladi;

-Ariza shaklini to'ldirish kerak;

-Agar mavjud bo'lsa, Qozog'istonning biror universitetida o'qish uchun kelgan chaqiruv xati;

-Chet tilini bilish darajasini belgilab beruvchi sertifikat. Til bilish  eng kamida quyidagi darajada bo'lishi lozim:

IELTS- 5,5;

TOEFL IBT-46, TOEFL PBT-453;

Nemis tili uchun- B2 darajasi;

Fransuz tili uchun- B2 darajasi;

  • Doktorantura bosqichi uchun:

- Pasport;

-Oxirgi bitirgan muassasalarining diplomi, baholar transkripti va ilovasining qozoq, rus yoki ingliz qilingan tarjimasi. (Bakalavr diplomi baholari 4 GPAdan kamida 3 GPA bo'lishi lozim;

-Qozoq, rus yoki ingliz tilida yozilgan motivatsion xat;

-Nomzodning o'quv yoki ish joyidan berilgan, qozoq, rus yoki ingliz tilida yozilgan 2 ta tavsiyanoma;

-Chet elda o'qish uchun sog'lomligini isbotlovchi tibbiy  ma'lumotnoma. Shuningdek, Sog'liqni saqlash rasmiy organi tomonidan berilgan OIV yoki OITS infeksiyasining yo'qligini isbotlovchi ma'lumotnoma ham so'raladi;

-Ariza shaklini to'ldirish kerak;

-Agar mavjud bo'lsa, Qozog'istonning biror universitetida o'qish uchun kelgan chaqiruv xati;

-Chet tilini bilish darajasini belgilab beruvchi sertifikat. Til bilish darajasi eng kamida quyidagi darajada bo'lishi lozim:

IELTS- 5,5;

TOEFL IBT-46, TOEFL PBT-453;

Nemis tili uchun- B2 darajasi;

Fransuz tili uchun- B2 darajasi;

Yuqoridagi tillardan biri ona tili bo'lganlardan sertifikat talab qilinmaydi. Talab qilinadigan til bilish sertifikatlari haqida ushbu havola orqali ma'lumot olish mumkin.

Ushbu havola orqali ro'yxatdan o'tish yo'riqnomasi bilan tanishib chiqish mumkin.

Qoʻshimcha maʻlumotlar

Chet ellik talabalar uchun Qozogʻiston haqidagi va oʻqish davomida kerak boʻladigan baʼzi maʼlumotlar bilan ushbu havola orqali tanishish mumkin.

Dastur broshyurasini ushbu havola orqali topish mumkin.

Grant sovrindorlari Bologna process and academic mobility center of MEC RK tomonidan eʼlon qilinadi.

Maʼlumot uchun:

Tel:+7 10 (7172) 28 75 26

+7 10 (7172) 28 75 31

E-mail: admission@n-k.kz

Qozogʻiston
Bakalavr, magistratura va doktorantura bosqichini Qozog'istonda o'qish uchun 550 o'rinli grant

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar