Bakalavr, magistratura va doktorantura talabalari uchun kompyuter fanlari bo‘yicha Germaniyada to‘liq moliyalashtiruvchi amaliyot dasturi

Germaniyada joylashgan  Max Plank instituti  informatika (informatics), dasturiy ta'minot tizimlari (Software systems), Xavfsizlik va maxfiylik (Security and privacy) yo'nalishlari bo'yicha to‘liq moliyalashtiruvchi, jumladan oylik stipendiya, turar-joy hamda yo‘l xarajatlarini qoplaydigan  tadqiqot amaliyot dasturini uchun taklif qiladi.

Ushbu amaliyot dasturi bakalavr, magistratura va doktorantura shuningdek, kompyuter fanlari  bo‘yicha ilmiy tadqiqotlar olib borish  tajribasiga ega bo‘lishni istagan nomzodlar uchun jahon darajasidagi tadqiqotlarni olib borishga ajoyib imkoniyatdir. Ishtirokchilar Maks Plank institutining xalqaro miqyosdagi taniqli tadqiqotchilar jamoasidan bilim olish hamda kompyuter fanlari sohasida ilg‘or tadqiqotlarni  olib borish imkoniyatiga ega bo‘ladilar.

Odatiy amaliyot 12-14 haftagacha davom etadi, lekin bundan uzoqroq muddatda ham amaliyot o‘tash mumkin. Amaliyot loyihalari amaliyotchining ilmiy qiziqishlari, yetukligi va tajribasiga asoslanadi. Pandemiya sababli amaliyotni jonli o'tash imkoniyatiga ega bo'lmaganlar uchun onlayn amaliyot o'tga ham ruxsat beriladi.

• Kompyuter fanlari sohasida tadqiqotlar  olib borishga qiziqadigan hamda kompyuter fanlari bo‘yicha  tahsil olayotgan bakalavr, magistratura hamda doktorantura talabasi bo‘lishi (nomzod amaliyot boshlangunga qadar taxminan kompyuter fanlari bo‘yicha kamida 3 yillik bakalavr ta’limini olgan bo‘lishi);
• Kompyuter  fanlari sohasi bo‘yicha tadqiqotlar olib borishga qiziqishi bor  hamda shu kabi sohalarda oid bilim va tajribaga ega bo‘lgan nomzodlar ham ariza topshira oladilar;
• Yuqori akademik ko‘rsatkichlarga ega bo‘lishi;
• Ingliz tilini yetarli darajada bilishi (amaliyot ingliz tilida olib boriladi);
• Ijtimoiy fanlar, iqtisodiyot, huquq, gumanitar fanlar kabi turli soha bilim va ko‘nikmalariga ega bo‘lgan nomzodlar ham rag‘batlantiriladi.

Ushbu havola orqali dastur haqida batafsil tanishib chiqish mumkin.

• Yashash xarajatlari uchun oylik stipendiya beriladi;
• Turar-joy bilan ta’minlanadi;
• Yo‘l xarajatlari qoplanadi.

Agar nomzod COVID-19 sabab amaliyot o‘tadigan institutga bora olmasa biriktirilgan o‘qituvchi bilan maslahatlashgan holda amaliyotni onlayn ham o‘tashi mumkin. Amaliyotni  onlayn shaklda o‘tganda ham amaliyotchiga oylik stipendiya ajratiladi.

Hujjatlar onlayn  shaklda topshiriladi

Quyidagi hujjatlar talab qilnadi:

• CV;
• Universitet baholari;
• Tavsiyanoma beruvchining telefon raqami;
• Motivatsion xat(ixtiyoriy).

Nomzod ixtiyoriy ravishda  qatnashmoqchi bo‘lgan institutlarning birga ishlamoqchi bo‘lgan professor-o‘qituvchilarini va amaliyot o‘tash muddatini ko‘rsatishi mumkin.

Amaliyotga hujjat topshirishning ikki turtagi muddati mavjud:

• May yoki Iyun oyida boshlanadigan amaliyot uchun: 31.12.2021
• Iyul yoki Avgust oyida boshlanadigan amaliyot uchun: 31.01.2022
• Amaliyot dasturining boshqa oylarida boshlanadigan turi mavjud bo‘lib nomzod kamida 4 oy oldin ariza topshirishlari mumkin.
• Amaliyot bo‘lib o‘tadigan institutlardagi tadqiqot guruhlari arizalarni ko‘rib chiqadi. Bu davrda nomzodlar  bilan telefon orqali intervyu o‘tkazilishi mumkin.
• Natijalar haqida  elektron pochta orqali xabar beriladi. Tanlab olingan nomzodlar amaliyot loyihasi va aniq sanasini belgilab olish uchun biriktirilgan o‘qituvchi bilan aloqaga chiqishlari lozim.

Qo'shimcha ma'lumot uchun:

• cis-internships@cis.mpg.de;
• Tezkor savol-javoblar bo'limi.