Bakalavriat talabalari uchun Huawei xalqaro kompaniyasida 3 oylik amaliyot dasturi — Huawei Internship Program 2024

Huawei xalqaro kompaniyasining Oʻzbekistondagi filiali qobiliyatli, intiluvchan va oʻz ustida ishlaydigan 4-kurs va undan yuqori bosqich talabalari uchun Huawei Internship Program 2024 amaliyot dasturini eʼlon qiladi. 

Ushbu amaliyot dasturi 3 oy davom etadi. Dastur soʻnggida qatnashchilar zamonaviy korxonada ishlash orqali maʼlum bir sohalarda koʻnikma va malakalarni qoʻlga kiritishlari, shuningdek, amaliyot muvaffaqiyatli yakunlangan taqdirda oʻsha yerda ishlab qolish imkoniga ega boʻlishlari mumkin. 

Nomzodlar oʻzbek, rus hamda ingliz tillarida erkin suhbatlasha olishlari va zamonaviy texnologiyalardan foydalanish boʻyicha dastlabki koʻnikmalarga ega boʻlishlari lozim.

Dastur sohalari: Datacom, Wireless, Core Network, RF muhandisligi, OWS muhandisligi, Smartcare muhandisligi (Wireless, Core Network, RF Engineering, OWS Engineering, Smartcare Engineering).

Dasturga ariza topshirish jarayoni 2024-yil 15-aprelga qadar davom etadi.

Dastur haqida batafsil ushbu havola orqali maʼlumot olish mumkin.

Dasturda ishtirok etish uchun quyidagi talablar mavjud:

• Nomzodlar bakalavriat bosqichining 4-kursida yoki undan yuqori bosqichda oʻqiyotgan boʻlishlari lozim;
• Zamonaviy texnologiyalardan foydalanish boʻyicha boshlangʻich koʻnikmalarga ega boʻlishlari kerak;
• Ingliz, rus va oʻzbek tillarida erkin suhbatlasha olishlari lozim;
• Nomzodlar atrofdagilar bilan yaxshi muloqot qila olishi va birga ishlay olishi zarur;
• Dasturga oʻziga nisbatan talabchan va oʻz ustida ishlay oladigan nomzodlar ariza topshirishi soʻraladi.

Dastur talablari haqida ushbu havola orqali batafsil maʼlumot olish mumkin.

Dasturning quyidagi foydali jihatlari mavjud:

• Huawei hamjamiyati aʼzosiga aylanish;
• Eng zamonaviy korxonalardan birida faoliyat yuritib, maʼlum bir sohalarda tajriba oshirish;
• Eng soʻnggi texnologiyalar bilan tanishish va ularni oʻrganish;
• Dasturni muvaffaqiyatli tugatgan taqdirda, ushbu korxonaga ishga olinish imkoniyati.

Dasturga ariza topshirish jarayoni 2024-yil 15-aprelga qadar davom etadi.

Ariza topshirish jarayoni juda oddiy. Quyidagi hujjatlar yakhshieva.shahnoza@huawei.com manziliga joʻnatilishi lozim:

• CV;
• Akademik baholar transkripsiyasi;
• Aloqaga chiqish uchun nomzod maʼlumotlari;
• Qoʻshimcha sertifikatlar, mukofotlar (mavjud boʻlsa).

Huawei haqida umumiy maʼlumotlarni ushbu havola orqali topish mumkin.

Huaweining Oʻzbekistondagi filiallari va ular haqida batafsil maʼlumotlarni ushbu havola orqali topish mumkin.

Maʼlumot uchun:

Manzil: Toshkent shahri, Afrosiyob koʻchasi, 28/14

Tel: 99878 1500762

Faks: 99878 1500763

E-mail: infouz@huawei.com

Dastur haqida qoʻshimcha maʼlumotlarni quyidagi ijtimoiy tarmoqlar orqali ham topish mumkin:

-Facebook;

-Instagram;

-Telegram.