Bakalavr talabalari uchun Yaponiyaning JACAFA stipendiyasi — €105 oylik stipendiya

JACAFA Foundation va The Nippon Foundation (TNF) hamkorligida Ozarbayjon, Gruziya, Qozogʻiston, Qirgʻiziston, Tojikiston va Oʻzbekiston universitetlarining bakalavr talabalariga moʻljallangan Eurasia Scholarship Program stipendiyasi taqdim etiladi. 2019-yildan amalga oshirilayotgan dastur maqsad — iqtidorli yoshlarni moliyaviy jihatdan qoʻllab-quvvatlash va ularning akademik faoliyatini kuchaytirish.

Dastur IT va kompyuter fanlari, dasturiy muhandislik, xalqaro munosabatlar, siyosatshunoslik, sotsiologiya, psixologiya, pedagogika, biznes boshqaruvi, iqtisodiyot, huquqshunoslik hamda mahalliy qishloq xoʻjaligi va oziq-ovqat ishlab chiqarish kabi sohalarda tahsil olayotgan talabalar uchun ochiq.

Stipendiya muddati 21 oygacha (2 yil) boʻlib, bakalavr darajasi tugagunga qadar davom etadi. Dastur doirasida ishtirokchilar JACAFA Foundation tomonidan tashkil etilgan xalqaro tadbirlarga taklif qilinishi hamda Yaponiyaga bepul sayohat dasturida ishtirok etish imkoniyatiga ega boʻlishi mumkin.

Nomzodga qoʻyilgan talablar:

• Dasturda 19 yоshdan 23 yoshgacha boʻlgan Qirgʻiziston, Oʻzbekiston, Tojikiston, Qozogʻiston yoki Ozarbayjon davlati fuqarolari ishtirok etishi mumkin. Fuqarolik pasporti talab etiladi;

• Yuqori akademik koʻrsatkichga ega boʻlishi kerak. Oʻrtacha baholar (GPA) 4.0 ballik tizimda 3.0 balldan yuqori boʻlishi lozim. Ushbu koʻrsatkich dastur davomida ham saqlanishi kerak;

• Ingliz tilini mukammal bilishi kerak. TOEFL, IELTS, TOEIC sertifikatlari talab etiladi yoki darslarni ingliz tilida tugatgan boʻlishi kerak;

• Nomzod bakalavr bosqichining huquqshunоslik, ijtimoiy fanlar, matematika, kompyuter muhandisligi , IT muhandisligi, qishloq xoʻjaligi yoʻnalishlari boʻyicha kunduzgi taʼlimda (full-time) tahsil olayotgan boʻlishi kerak;

• Dasturining boshlanish vaqtida, oʻqishni bitirishiga aniq ikki oʻquv yili qolgan boʻlishi kerak, masalan. agar nomzodning oʻquv dasturi bitiruvgacha toʻrt oʻquv yili boʻlsa, stipendiya olishni boshlagan paytda uchinchi oʻquv yilini boshlashi kerak. Hozirda 2-kurs talabalari ariza topshirishlari mumkin.

Nomzoddan kutiladigan sifatlar:

• Akademik yutuqlari bilan bir qatorda, nomzodlar mukammal xulq-atvor, ochiq xarakter, ijobiy shaxsiy sifatlar va yaxshi muloqot qobiliyatlariga (ogʻzaki va yozma) ega boʻlishlari kerak;

• Nomzod oʻqishni tugatgandan soʻng oʻz karyerasiga oid qatʼiy va aniq kelajak tasavvuriga ega boʻlishi kerak;

• Oʻqishni tamomlagandan soʻng JACAFA bitiruvchilari hamjamiyatiga qoʻshilishi va JACAFAning barcha tadbirlariga faol hissa qoʻshishi kutiladi va talab qilinadi. Bu Yillik Bosh Assambleya, konferensiyalar va forumlarda ishtirok etish, shuningdek, ularni tashkil etishda yordam berishni oʻz ichiga oladi.

Dastur manfaatli jihatlari quyidagicha:

• Dasturga qabul qilingan ishtirokchilar 2 yil davomida har oy €105 miqdorida stipendiya bilan taʼminlanadi;

• Stipendiya oʻquv faoliyatini muvaffaqiyatli yakunlash uchun (masalan, darsliklarni sotib olish yoki maxsus kurslar yoki seminarlarda qatnashish uchun toʻlovlar) ishlatiladi;

• Har yili Markaziy Osiyo mamlakatlarida oʻtkaziladigan JACAFA bitiruvchilari tadbirlarida ishtirok etish imkoniyatiga ega boʻladi;

• JACAFA bitiruvchisi sifatida JACAFA Yaponiyaga tashrif buyurish dasturi (Japan Visit Program) tanloviga ariza topshirish imkoniyati mavjud. Bunda saralangan nomzodlar Yaponiyaga sayohat qilish uchun toʻliq grantga ega boʻlishlari mumkin.

Dasturga hujjat topshirish quyidagi bosqichlardan iborat:

1. Onlayn ariza shaklini toʻldiring va quyidagi hujjatlarni yuklang:

   • Universitetning joriy talaba guvohnomasi;

   • Fuqarolikni tasdiqlovchi rasmiy hujjat nusxasi (hukumat tomonidan berilgan);

   • Xalqaro sayohatga ruxsat beruvchi amal qiluvchi pasport nusxasi;

   • Universitetning soʻnggi akademik transkrip(baholar jadvali)i;

   • Ingliz tili bilim darajasini tasdiqlovchi hujjat (TOEFL, IELTS, TOEIC sertifikati yoki tugatilgan ingliz tili kurslari haqidagi hujjat);

   • Oʻzingiz, shaxsiy tarixi va istiqbollaringiz haqida maksimal 500 soʻzlik qisqa esse;

   • Kamida 2 ta professor/oʻqituvchidan tavsiya xati.

2. Toʻldirilgan arizani belgilangan muddatgacha — 2026-yil 15-iyungacha — yuborish shart

3. Ariza skreening bosqichidan oʻtgan nomzodlar elektron pochta orqali keyingi saralash jarayoni haqida xabardor qilinadi.

4. 2026-yilning iyul–avgust oylarida 1-va 2-bosqich intervyular (onlayn yoki oflayn) oʻtkaziladi.

Muhim:

• Barcha muloqot va hujjatlar ingliz tilida boʻlishi shart.

• Yakuniy natijalar 2026-yilning avgust oyida elektron pochta orqali yuboriladi.

• Gʻoliblar JACAFA Foundation tomonidan tashkil etiladigan mukofot marosimiga qatnashish tavsiya etiladi.

Muhim sanalar (2026-yil):

• Stipendiya eʼloni: 2026-yil may;

• Ariza topshirish muddati (1-bosqich): 2026-yil 15-iyun;

• Ariza skreening (2-bosqich): 2026-yil iyun;

• Intervyular — 1-va 2-tur (3-bosqich): 2026-yil iyul–avgust;

• Yakuniy tanlov va eʼlon: 2026-yil avgust (eng kech).

Stipendiatorlarga qoʻyiladigan majburiyatlar:

• Talabadan universitetdagi oʻqishini toʻxtatish yoki akademik ta'til olish — stipendiyaning bekor qilinishiga sabab boʻlishi mumkin;

• JACAFA Foundation tomonidan tashkil etilgan barcha seminar, majlis va uchrashuvlarda toʻliq ishtirok etish kutiladi. Sababsiz gʻoyiblik stipendiyani bekor qilishiga olib kelishi mumkin;

• Talab qilinganda joriy talaba guvohnomasi va akademik natijalar taqdim etilishi shart.

Tashkilotchilar bilan bogʻlanish:

JACAFA Foundation bilan barcha muloqot faqat ingliz tilida olib boriladi.