Bakalavr talabalari uchun Yaponiyaning Tokio universitetida 8 haftalik xarajatlari toʻliq qoplanadigan dastur

The Amgen Scholars Program dasturi har yili yuzlab universitet talabalariga oʻzlarining ilmiy izlanish loyihalarini olish borish uchun imkoniyat yaratib beradi. Dastur 2006-yilda AQShda, 2008-yilda Yevropada va 2015-yilda esa Yaponiyaning Tokio va Kioto universitetlarida tashkillashtirilgan. 

Grantning asosiy maqsadi turli davlatlardan boʻlgan nomzodlarga biologiya, biotibbiyot yoki shunga yaqin sohalarda oʻz karyeralarini yaratishga yordam berishdan iborat. Dastur 8 hafta davom etadi. Ishtirokchilarning yoʻl, turarjoy va shu kabi xarajatlari qoplab beriladi. Bundan tashqari, ularga 270,000 yapon iyenasi miqdorida stipendiya beriladi.

Dasturda ishtirok etish uchun nomzodlar universitetda oʻqiyotgan boʻlishi hamda universitetni dasturdan soʻng tamomlashi zarur. Shuningdek, ishtirokchilardan til bilish sertifikati hamda yuqori akademik koʻrsatkichlarga ega boʻlish ham soʻraladi. Grant davomida ham ishtirokchilarga maʼlum bir talablar qoʻyiladi. Dasturga ariza topshirish jarayoni 2023-yil 20-noyabrdan 2024-yil 1-fevralga qadar davom etadi. Ishtirokchilar Tokio universitetida mashgʻulotlarda ishtirok etganlaridan soʻng, Singapurga borishlari kerak boʻladi, barcha yoʻl xarajatlari dastur tomonidan qoplanadi.

Dastur haqida ushbu havola orqali toʻliq maʼlumot olish mumkin.

Dasturda ishtirok etish uchun quyidagi talablar mavjud:

• Dasturda bakalavr bosqichida tahsil olayotgan va ushbu bosqichni yakunlamagan barcha talabalar ishtirok etishlari mumkin;
• Nomzodlar dastur boshlanguniga qadar kamida birinchi kursni tugatgan boʻlishi zarur;
• Dasturdan keyin kamida bir semestr oʻqiy olishi talab qilinadi;
• Ishtirokchilarning akademik koʻrsatkichlari va baholari yuqori boʻlishi lozim;
• Nomzodlarning ona tili ingliz tili boʻlmagan taqdirda kamida quyidagi darajada til bilish sertifikatlaridan biri talab qilinadi: TOEFL (iBT) 72, IELTS 5.5, Cambridge FCE, TOEIC 1095, TOEIC L&R 785 yoki TOEIC S&W 310;
• Doktorantura darajasida oʻqish rejasi boʻlishi kerak.

Dasturga saralab olingan ishtirokchilardan esa quyidagilar talab qilinadi:

• Amgen Scholarships Program dasturida chin dildan ishtirok etish talab qilinadi. Dastur davomida ishtirokchilar boshqa qoʻshimcha kurslarda qatnashish yoki ishlashlari taʼqiqlanadi. Bundan tashqari, barcha qatnashchilar dastur oxirigacha ishtirok etishlari zarur;
• UTokyo dasturi tomonidan berilgan turar-joyda yashashlari soʻraladi;
• Kunlik tadqiqot guruhlarida toʻliq qatnashish, laboratoriya aʼzolarining ishlarini hurmat qilish va laboratoriya uchrashuvlari va yigʻilishlarida ishtirok etishlari talab qilinadi;
• Dasturning birinchi kunidan boshlab loyihada, barcha konferensiyalar, mashgʻulotlarda va ijtimoiy tadbirlarda qatnashish lozim;
• Har bir ishtirokchi oʻzining yozgi tadqiqot loyihasini tasvirlab beruvchi prezentatsiya yoki posterlar tashkil qilishi kerak;
• Ishtirokchilar oʻzlarining tadqiqot loyihalarini dastur oxirigacha UTokyo Amgen Scholars direktoriga topshirishlari zarur.

Dastur talablari haqida ushbu havola orqali batafsil maʼlumot olish mumkin.

Dasturning quyidagi foydali tomonlari mavjud:

• Dastur ishtirokchilari universitet hududiga yaqin joylashgan turar-joy bilan taʼminlanadi;
• Nomzodlarga 270,000 yapon iyenasi ($1915) miqdorida stipendiya beriladi (ushbu mablagʻ nomzod Yaponiyada yashashi davomida kerakli xarajatlar va oziq-ovqat uchun ishlatilishga ajratilgan);
• Sayohat xarajatlari qoplanadi: Ekonom klassda Yaponiyaga kelish uchun aviachipta olib beriladi.

Eslatma! Dastur qatnashchilari sogʻliq yoki sayohat sugʻurtalarini oʻzlari qoplashlari kerak, bu dastur maʼmuriyati tomonidan taʼminlanmaydi.

Dasturning foydali tomonlari haqida ushbu havola orqali maʼlumot olish mumkin.

Dasturga qatnashish bosqichlari quyidagicha:

1. Kerakli hujjatlarni tayyorlash;
2. Ikkita tavsiyanoma xatini tayyorlash;
3. Onlayn ariza topshirish.

Eslatma! Onlayn ariza shakli topshirilgandan keyin unga oʻzgartirish kiritib boʻlmaydi. Dasturda saralab olingan nomzodlar 2024-yil mart oyi oʻrtalarida eʼlon qilinadi.

Dasturga quyidagi hujjatlar soʻraladi:

• Rasm;
• Pasport yoki ID kartaning skaner qilingan nusxasi (jpeg formatida);
• Rezyume yoki CV (word shaklida);
• Baholar transkripti (pdf shaklida);
• 2 ta tavsiyanoma;
• Ingliz tilini bilish darajasini isbotlovchi sertifikat;
• Dasturning qoʻshimcha talablari hamda shartlari bilan tanishib chiqing. Bu maʼlumotlarni ushbu havola orqali topish mumkin.

Muhim sanalar:

• 2023-yil 20-noyabr- Ariza topshirish jarayoni boshlanadi;
• 2024-yil 1-fevral 15:00 (Oʻzbekiston vaqti bilan 31-yanvar 23:00) -Arizalarni qabul qilish jarayoni yakunlanadi;
• 2024-yil mart oyi oʻrtalari- arizalari qabul qilingan nomzodlar eʼlon qilinadi;
• 2024-yil 3-iyun- Ushbu muddatgacha ishtirokchilar Tokioga yetib kelishlari lozim;
• 2024-yil 4-iyun- UTokyo Amgen Scholars Program 2023 dasturi boshlanadi;
• 2024-yil 31-iyul- Dastur yakunlanadi (Ichki yakuniy prezentatsiya sessiyasi);
• 2024-yil 1-3 avgust - UTokyoda Osiyo simpoziumi bo'ladi.

Eslatma! Ishtirokchilarning Osiyo simpoziumida ishtirok etishlari majburiy.

Dasturga roʻyxatdan oʻtish jarayoni haqida ushbu havola orqali maʼlumot olish mumkin.

Dastur boʻyicha qoʻshimcha savollar tugʻilgan taqdirda ushbu havola orqali savol yoʻllash mumkin.

Amgen Scholarships Program dasturning rasmiy sahifasi bilan ushbu havola orqali tanishish mumkin.

Amgen jamgʻarmasi haqida ushbu havola orqali maʼlumot olish mumkin.

Tokio universiteti haqida ushbu havola orqali batafsil bilib olish mumkin.

Dastur haqida quyidagi ijtimoiy tarmoqlar orqali ham maʼlumot olish mumkin:

-facebook;

-twitter;

-you tube;

-instagram;

-LinkedIn.

Maʼlumot uchun:

Manzil: Education and Student Support Department, The University of Tokio (Tokio Universiteti, taʼlim va talabalarni qoʻllab-quvvatlash boʻlimi) 7-3-1, Hongo, Bunkyo-ku, Tokio 113-8652 JAPAN;

E-mail: amgenscholars.adm@gs.mail.u-tokyo.ac.jp