Bakalavr talabalariga bir semestr davomida AQSHda to'liq moliyalashtirlgan holda o'qish imkonini beruvchi Global UGRAD xalqaro talabalar almashinuvi dasturi

Qo‘shma Shtatlar Davlat departamenti Taʼlim va madaniyat masalalari byurosining Yevrosiyo va Markaziy Osiyodagi Talabalar almashish bo‘yicha global dasturi (Global UGRAD) O‘zbekistonda bakalavr bosqichida (oxirgi kurs talabalaridan tashqari) o‘qiyotgan talabalar uchun Qo‘shma Shtatlarda bir semestrlik to‘liq, hech qanday ilmiy daraja berilmaydigan o‘qish imkoniyatini taklif qiladi. 

Barcha talabalar bir semestr davomida to‘rt yillik universitet va kollejlarda o‘qiydilar va kampus turarjoylarida (yotoqxonalar) yashaydilar. 

Bu yil dasturga barcha yo'nalishdagi talabalar qabul qilinadi. Faqatgina to'g'ridan tog'ri bemorni davolashga qaratilgan davolash ishi va hayvonlarni davolash yo'nalishlari bo'yicha ariza berish mumkin emas,

Muhim: Talabalarda AQSHdagi qaysi universitet/kollej yoki jamoat kollejida o‘qishni tanlash huquqi mavjud emas. 

Avvalgi yilgi dastur g‘oliblari bilan o‘tkazilgan suhbatni Instagram va YouTube sahifasida tomosha qilish mumkin. Dastur bilan esa batafsil bu yerda tanishib chiqish mumkin.

Grant haqidagi maʼlumotlar bilan GrantGO tomonidan tayyorlangan quyidagi video/ovozli chat orqali ham tanishish mumkin:

Nomzodlarga quyidagi talablar qo‘yiladi:

• O‘zbekistonda qonuniy pasportlariga ega bo‘lgan fuqaro, jismoniy shaxs yoki doimiy rezident bo‘lish;
• Ariza berish vaqtida O‘zbekistondagi oliy o‘quv yurtining bakalavr bosqichida o‘qiyotgan talaba bo‘lish (Barcha talabalar Global UGRAD dasturi tugagandan so‘ng kamida bir akademik yil o‘z mamlakatidagi  taʼlim olayotgan o‘quv yurtiga qaytib o’qishi shart);
• Qo‘shma Shtatlarga safar qilayotgan vaqtda 18 yosh yoki undan katta bo‘lish;
• Ariza berayotgan vaqtda og‘zaki va yozma inglizchani juda yaxshi bilish;
• AQSHning J-1 vizasi talablariga mos bo‘lish;
• Dasturni tugatgandan so‘ng o‘z vataniga qaytib kelish.

Muhim: Jismoniy imkoniyati cheklangan nomzodlarga ariza topshirish ayniqsa tavsiya etiladi! Nomzodlar to‘liq arizaning asl nusxasini va ariza berish muddati tugaguncha barcha talab qilingan hujjatlarning ikkitadan nusxasini topshirishlari lozim. Arizalar ingliz tilida bo‘lishi va muddatidan oldin AQSH elchixonasining Jamoatchilik bilan aloqalar bo‘limiga qaytarilishi shart. Ariza beruvchilar arizaning aslini va qo‘shimcha formani, ikkita to‘liq nusxa – jami uchta hujjat topshirishi lozim. Kech topshirilgan yoki to‘liq to‘ldirilmagan arizalar qabul qilinmaydi.

Quyidagi holatlar nomzodning dasturga ariza berish huquqini rad etilishiga sabab bo‘ladi:

• AQSH fuqarolari va Qo‘shma Shtatlarda doimiy yashovchilar;
• Ayni paytda Qo‘shma Shtatlardagi o‘quv, trening va tadqiqot dasturlarida ishtirok etayotgan shaxslar;
• Oliygohning oxirgi kurs talabalari;
• Ayni paytda ariza berish huquqini beradigan 12 ta mamlakatdan tashqarida o‘qiyotgan, yashayotgan yoki ishlayotgan shaxslar;
• Olti haftadan oshiq muddatda AQSH hukumati homiylik qilgan yoki mablag‘ bilan taʼminlagan almashuv ishtirokchisi dasturida qatnashgan shaxslar va ariza berish vaqtida ikki yil to‘liq yashash talabini bajarmaganlar;
• AQSHning Davlat departamenti va/yoki AQSH Xalqaro rivojlanish agentligi (USAID) tarkibiga kiruvchi chet ellardagi missiyalarida ishlayotgan mahalliy xodimlar. Xodimlar xizmat muddati tugagandan so‘ng bir yil davomida ariza berish huquqiga ega emas;
• AQSH Davlat departamenti va USAID xodimlarining yaqin oila aʼzolari (yaʼni umr yo‘ldoshlari va farzandlari);
• Sodir etgan jinoyati uchun hibsga olingan, ayblanayotgan va javobgarlikka tortilgan kishilar (mayda yo‘l harakati qoidabuzarliklari bundan mustasno).

Dastur doirasida quyidagi imtiyozlar taklif qilinadi:

• Bir semestr davomida AQSh oliygohlaridan birida o‘qish uchun kontrakt puli qoplanadi;
• Turar-joy (universitet yotoqxonasidan) ajratiladi;
• AQShga borish-kelish uchun chipta xarajati qoplanadi;
• Zarur o‘quv-qo‘llanmalar bilan ta'minlanadi;
• Tibbiy sug‘urta puli qoplab beriladi;
• Shuningdek, qo‘shimcha stipendiya ham ajratiladi.

Nomzodlardan quyidagi hujjatlar talab etiladi:

1. Akademik baholarining ingliz tilidagi tarjimasi (tarjima idorasida ham, nomzodning o‘zi tomonidan ham tarjima qilinishi mumkin. Dekanat imzosi va muhri bilan tasdiqlanishi lozim).
2. Akadem tavsiyanoma (Academic Recommendation. Maxsus yo‘riqnoma bilan bu yerda tanishish mumkin).
3. Shaxsiy/qo‘shimcha tavsiyanoma (Personal Recommendation. Maxsus yo‘riqnoma bilan bu yerda tanishish mumkin).
4. Talabaning kunduzgi o‘qishda o‘qiyotgani haqida ma'lumotnoma.
5. Pasport nusxasi.
6. 2 ta insho:

• Nega aynan Global UGRAD dasturi nomzodga kerakligi haqida;
• Nomzodning yetkachilik (leadership) qobiliyatiga aloqador mavzuda.

Dasturga ariza berish uchun nomzodlar, avvalo, bu yerda shaxsiy akkauntlarini ochishlari lozim. Shundan keyin hujjat topshirish mumkin bo‘lgan portalga o‘tiladi. Yuqoridagi hujjatlar onlayn ariza shakli to‘ldirilgach portalga yuklanishi lozim.

Insholar mavzusini onlayn arizani to‘ldirish davomida aniq bilish mumkin. Shuningdek, atroflicha ma'lumot uchun qo‘shimcha telegram manba ham tavsiya etiladi.

Saralashda hech qanday qat'iy formula mavjud emas! Arizasi ma'qul deb topilgan nomzodlar keyingi bosqichga - suhbatga chaqiriladi. Suhbatdan ham muvaffaqiyatli o‘tganlar TOEFL imtihonini topshirishlari lozim. Imtihon xarajatlari AQSh hukumati tomonidan qoplab beriladi.

Qo‘shimcha axborot va savollar uchun:

• Tez-tez so‘raluvchi savollarga javob bu yerda;
• TashkentProgram@state.gov elektron pochta manzili.

Eslatma: Barcha elektron pochta xabarlari mavzusiga “Global UGRAD” deb yozish lozim.