Bakalavr talabalariga Janubiy Koreyada to'la moliyalashtirilgan holda bir oy amaliyot o'tash imkonini beruvchi GIFT Internship Program dasturi. Oylik maosh - 500,000 KRW (~$424)

GIFT Internship Program - Janubiy Koreyaning Graduate Institute of Ferrous Technology (GIFT) tomonidan taklif etiladigan yozgi va qishki amaliyot dasturi hisoblanadi.

Dasturga qora metallurgiya texnologiyalari hamda tizimlarini o'rganishga va/yoki GIFT laboratoriya faoliyati va tizimiga qiziquvchi bakalavr darajasining 3-4-bosqich talabalari hujjat topshirishlari mumkin.

Dastur mobaynida talabalar GIFT laboratoriyalarida amaliyot o'tash va soha mutaxassislari bilan ishlash imkoniyatiga ega bo'lishadi. 

Dastur 1 oy davom etadi. Yozgi amaliyot dasturi Iyul oyida, qishki amaliyot dasturi esa Yanvar oyida bo'lib o'tadi.

Dastur bilan bog'liq ma'lumotlarni batafsil rasmiy sahifada yoki rasmiy broshyurada o'qish mumkin.

Nomzodlarga qo'yiladigan talablar:

• Barcha davlat fuqarolari hujjat topshirishi mumkin;
• Nomzodlar bakalavr bosqichining 3-4-kurs talabasi bo'lishlari kerak;
• Ingliz tilini bilish darajasini belgilab beruvchi sertifikatga ega bo'lishlari lozim (IELTS, TOEFL).

Ushbu havola orqali dastur haqida batafsil ma'lumot bilan tanishib chiqish mumkin.

Qabul qilingan nomzodlar quyidagilar bilan ta'minlanadi:

• Janubiy Koreyaga borish va qaytish uchun aviachipta;
• Bepul yotoqxona;
• Dastur davomida 500.000von (~$424) miqdoridagi stipendiya;
• Mahalliy transport xarajatlari qoplab beriladi.

Dasturning imtiyozlari haqida rasmiy broshyuraning Internship sahifasida o'qish mumkin.

Dasturga hujjat topshirish enmei@postech.ac.kr elektron pochta manzili orqali amalga oshiriladi. Quyidagi hujjatlar ingliz tilida yuqoridagi pochta manziliga jo'natilishi kerak:

• Ariza shakli - Application Form(Foreigner);
• Shaxsiy bayonot - Personal Statement;
• Universitet baholari (tarjimasi bilan) (O'rtacha baho/GPA ariza shaklida ko'rsatilishi lozim);
• Til sertifikatlari - IELTS/TOEFL. Talab qilinadigan minimum ball ko'rsatilmagan.

Ushbu havola orqali dastur haqida batafsil ma'lumot bilan tanishib chiqish mumkin.

Mana bu yerda esa dasturga ariza topshirish bo'yicha qo'llanmani ko'rish mumkin. Qo'llanman koreys tilida yozilgan!

Dastur yuzasidan beriladigan eng ko'p so'raluvchi savollarga javobni bu yerda o'qish mumkin.

Qo'shimcha savol va murojaatlar uchun:

Inmi Chon: enmei@postech.ac.kr 

+82 (0)54-279-9203