Bakalavr va magistr talabalari uchun Amerikada $700 oylik stipendiya toʻlanuvchi amaliyot dasturi — Fund for Peace

Fund for Peace (Tinchlik jamgʻarmasi) har yili AQSHning Vashington shtatida oʻtkaziladigan amaliyot dasturi hisoblanadi. 

Tinchlikni barqarorlashtirish, xavfsizlik va inson huquqlari kabi sohalarga qiziquvchi yoshlar dastur davomida kamida 3 oy davomida Amerikada tajriba oshiradilar va oylik stipendiya bilan taʼminlanadilar.

Dastur davomida amaliyotchilarga tashkilot yoʻnalishiga muhim topshiriqlar beriladi va xalqaro aloqalar boʻyicha kuchli mutaxassislardan tajriba oʻrganish imkoniyatiga ega boʻladilar.

Dasturga bir yilda 3 marta ariza topshirish mumkin.

• Bahorgi amaliyot uchun (odatda yanvar-may): 15-noyabr;
• Yozgi amaliyot uchun (odatda may/iyun-avgust): 15-mart;
• Kuzgi amaliyot uchun (odatda sentyabr-dekabr): 15-iyul;

Hozirda kuzgi mavsum uchun qabul davom etmoqda. Amaliyot oʻtash mumkin boʻlgan sohalar quyidagicha:

• Conflict Resolution- Muammoga yechim;
• Human Rights & Civil Liberties — Inson huquqlari va fuqarolar erkinliklari;
• International Relations — Xalqaro aloqalar.

Dasturda ishtirok etish uchun talablar:

• Tinchlik jamgʻarmasining sohalari boʻyicha toʻliq tushunchaga ega boʻlishi lozim;
• Ingliz tilida kuchli yozma va ogʻzaki muloqot qobiliyatiga ega boʻlishi kerak. Sertifikat talab etilmaydi;
• Dastur asosan magistratura talabalariga moʻljallangan, lekin istisno tariqasida kuchli bakalavr talabalari hamda bitiruvchilar ham qabul qilinishi mumkin;
• Eʼtiborlilik, kuchli tashkilotchilik salohiyati, moslashuvchanlik va boshqa liderlikka xos xususiyatlarga ega boʻlish talab etiladi.

Talablar haqida batafsil ushbu havola orqali tanishish mumkin.

Dastur imkoniyatlari:

• Yarim stavka (part-time) amaliyot oʻtash uchun $350, toʻliq stavka uchun $700 oylik stipendiya;
• Xalqaro aloqalar boʻyicha ekspertlar bilan ishlash va tajriba orttirish.

Eslatma: Dastur viza olishda yordam berishi mumkin, lekin viza va boshqa xarajatlarni moliyalashtirmaydi. Nomzodlar bu kabi xarajatlarni oʻzlari qoplashlari lozim.

Dastur imkoniyatlari haqida batafsil ushbu havola orqali maʼlumot olish mumkin.

Dasturda ishtirok etish uchun ariza topshirish tartibi quyidagicha:

1. Nomzodlar avval onlayn roʻyxatdan oʻtadilar va kerakli hujjatlarni joylaydilar;
2. Cover letter - motivatsion xatda quyidagi maʼlumotlar boʻlishi lozim:
   • Nomzodlar intervyu muddatini (yaʼni 1 -iyundan 31 -avgustgacha) aniq ifoda etgan boʻlishi;
   • Full-time yoki part-time ishlashni xohlashlari haqida batafsil maʼlumot berishi;
   • Tinchlik jamgʻarmasi (Fund for Peace)ga boʻlgan qiziqish va ishtiyoqni toʻliq tushuntirishlari lozim. Bu nomzodga koʻproq ustunlik beradi.

Batafsil ushbu havola orqali ma'lumot olish mumkin.

Saralash bosqichidan o'tgan nomzodlar bilangina aloqaga chiqiladi va ular intervyuga taklif etiladi.

Amaliyotchilarning majburiyatlari quyidagilarni o'z ichiga olishi mumkin:

• Konfliktlarni tahlil qilish;
• Tadqiqot va maqolalar va hisobotlarni yozish;
• Tahrirlash va tuzatishda yordam berish;
• Muhim mamlakatga oid ma'lumotlarni monitoring qilish va yangilash;
• Tinchlik uchun jamg'armaning ommaviy tadbirlarini qo'llab-quvvatlash;
• Tinchlik uchun jamg'arma nomidan konferensiyalar va davra suhbatlarida qatnashish.

Dastur haqida batafsil ushbu havola orqali ma'lumot olish mumkin.