Bakalavr va magistralr uchun UNFPAning O'zbekistondagi vakolatxonasida 6 oylik amaliyot — Youth and Communications Intern

UNFPA (Birlashgan Millatlar Tashkilotining aholi fondi) saralangan nomzodlarga 6 oy davomida UNFPA ish sohalari bilan bevosita tanishish imkoniyatini taqdim etadigan "Youth and Communications Intern" amaliyot dasturini taqdim etadi. Dastur rivojlanishga yo'naltirilgan tadqiqotlarni UNFPA faoliyatining turli jihatlarida amaliy tajriba sifatida foydalanish uchun mo'ljallangan. Aholi dinamikasi bo'yicha Milliy dastur tahlilchisining bevosita rahbarligi ostida amaliyotchi O'zbekistondagi UNFPA vakolatxonasining dastur bilan bog'liq faoliyatini amalga oshirishni qo'llab-quvvatlaydi.

Amaliyotchilar quyidagilarga javobgar hisoblanadilar:

• UNFPA dasturiy yo'nalishi bilan hamda O'zbekistonda amalga oshirilayotgan loyihalar bilan tanishish;
• Dastur faoliyatini amalga oshirishda yordam berish;
• Yoshlar ehtiyojlaridan xabardorlikni qo'llab-quvvatlash uchun “Girls’ Empowerment programme” dasturi rivojiga hissa qo'shish;
• Yoshlar o'rtasida sog'lom turmush tarzini targ'ib qilish, sog'liqni saqlash bo'yicha yoshlarning imkoniyatlarini kengaytirishda faol ishtirok etishlari uchun o'z tengdoshlarining imkoniyatlarini o'zgartirishga qodir aloqa tarmog'ini yaratishga yaqindan yordam ko'rsatish;
• “UNFPA Youth Network” media platformasini yartish va kontentni o'zbek, rus va ingliz tillarida olib borish lozim. Ushbu amaliyotni tugatgandan so'ng, ijtimoiy media platformasini saqlash bo'yicha bilim va vazifalarni keyingi amaliyotchiga o'tkazish va tarmoq a'zolari bilan uchrashuvlarni muvofiqlashtirish;
• Yoshlarning platformadagi natijalari haqida ta'sirli materiallarini (muvaffaqiyatga erishish haqida hikoyalar, inson hayoti haqida hikoyalar va boshqalar) tayyorlash;
• Dastur faoliyati to'g'risida ma'lumotlarni to'plash, ro'yxatga olish va saqlashda yordam berish;
• UNFPA tadbirlarini tashkillashtirishda yordam ko'rsatish;
• UNFPA CO tomonidan uning xodimlari uchun tashkil etiladigan treninglar va uchrashuvlarda qatnashish;
• Zarur bo'lganda boshqa vazifalarni bajarish.

Ma'lumot uchun: UNFPA — har bir farzandni orzu qilingan yoshlar uchun tug'ish xavfsiz bo'lgan dunyoni yaratish bo'yicha tashkil qilingan BMTning yetakchi agentligi hisoblanadi. UNFPA dasturining strategik rejasi 2022-2025-yillarga mo'ljallangan bo'lib, dolzarb yo'nalishlarni o'z ichiga oladi. Quyidagi uchta muammoni tugatish dasturning asosiy maqsadidir:

• oldini olish mumkin bo'lgan onalar o'limini tugatish;
• oilani rejalashtirish uchun qondirilmagan ehtiyojni tugatish;
• genderga asoslangan zo'ravonlik va zararli amaliyotlarni tugatish.

Dastur haqida batafsil ushbu havola orqali ma'lumot olish mumkin.

• Nomzodlar bakalavrning oxirgi kursida yoki magistratura va undan yuqori bosqichda o'qiyotgan bo'lishi kerak (magistratura va undan yuqori darajada o'qiyotgan nomzodlar amaliyot davrini o'qish davrining bir qismi sifatida amalga oshirishi kerak);
• Bakalavrni bitirganiga 1 yildan oshmaganlar ham ariza berishi mumkin;
• Rivojlanish agentliklari bilan ishlash bo'yicha ma'lum tajribaga ega bo'lish (volontyorlik faoliyati ham bo'ladi);
• Ingliz, rus va o‘zbek tillarida erkin so‘zlasha olish;
• Kuchli tahliliy va yozish qobiliyatlariga ega bo'lish;
• Tashabbuskorlik, oqilona fikrlash va turli milliy va madaniy kelib chiqishga ega bo'lgan xodimlar bilan uyg'un ishlash qobiliyatini namoyish etish.

Amaliyotchilar quyidagi jihatlarga ega bo'lishi kerak:

• o'zgartish qobiliyatiga ega hamda yuqori ta'sir va barqaror natijalarni taqdim etuvchi;
• o'zlariga ishonib topshirilgan resurslarni boshqarishda o'ziga xos usullarga ega va dastur yakunida muvaffaqiyatga erishishni ta'minlovchi.

• Onlayn va offlayn ish tartibida ishlash imkoniyati mavjud;
• Amaliyot muddati va o'qish imkoniyatlari bo'yicha ish rejasi nomzod bilan kelishib tuziladi;
• Amaliyotchilar dasturdan maosh yoki boshqa turdagi haq olmaydilar. Biroq agar ular universitet, hukumat, jamg'arma yoki stipendiya dasturi kabi biron bir muassasa yoki dastur tomonidan moliyaviy qo'llab-quvvatlanmasa, amaliyot bilan bog'liq kundalik asosiy xarajatlarni qoplash uchun stipendiya oladilar;
• Tez-tez o'tkaziladigan uchrashuvlar amaliyotchi uchun UNFPA bilan bog'liq sohalarda uning malakasi va salohiyatini oshirish uchun foydali muhit yaratadi;
• Dasturni tugatgandan so'ng uning davomiyligiga qarab amaliyotchi quyidagi bilimlarga ega bo'ladi:
  • UNFPA va uning tarkibidagi dasturlar haqida tushunchaning ortishi;
  • UNFPA siyosatini, jumladan, mintaqaviy tuzilishni tushunish;
  • UNFPA boshqaruv va ijroiya kengashining faoliyatini tushunish va u bilan yaqindan tanishish;
  • UNFPA dasturining ishlab chiqish va yetkazib berish mexanizmlarini tushunish;
  • Mamlakatdagi operativ va dasturiy ta'minot hamda aloqa dinamikasini tushunish;
  • BMTning texnik tilini, ish tartiblarini va muvofiqlashtirish mexanizmlarini o'rganish;
  • Muhim hujjatlarni yozish tartibi bilan tanishish;
  • BMTdagi hamkasblar bilan doimiy aloqa qilish;
  • Ko'p madaniyatli muhitda jamoa a'zosi sifatida ish tajribasiga ega bo'lish.

Eslatma: Stipendiya miqdori amaliyot vazifasiga qarab o'zgaradi. O‘zbekiston uchun stipendiya oyiga 257,40 AQSh dollarini tashkil qiladi. Bundan tashqari, nomzodlar amaliyot muddati davomida tibbiy sug'urtaga ega bo'lishi kerak. Amaliyot boshlanishidan oldin sug'urta guvohnomasi taqdim etilishi kerak. UNFPA amaliyot uchun tibbiy sug'urta bilan ta'minlamaydi.

Ushbu amaliyot uchun quyidagi hujjatlar kerak:

• CV/Rezyume (maksimal 2 sahifa va PDF formatida) ta'lim, ish tajribasi, IT ko'nikmalari va darsdan tashqari qatnashgan tadbirlari haqidagi ma'lumotlarni o'z ichiga olgan bo'lishi kerak;
• Motivatsiya xat (maksimal 500 ta so'z va PDF formatida) quyidagilarni o'z ichiga olishi shart:
  • Nomzod oxirgi qatnashgan dastur nomi va bitiruv sanasi;
  • Nomzod ega bo'lgan IT ko'nikmalari va tegishli tajribalari;
  • Nomzod nima uchun UNFPA dasturiga qiziqishining sababi;
  • Nima uchun kuchli nomzodligi va amaliyot orqali nimaga erishmoqchiligi.
• Arizalar uzbekistan.office@unfpa.org elektron manzil orqali qabul qilinadi. CV/Rezyume va motivatsion xat “UNFPA 2023 Internship Application” mavzusida ushbu elektron manzilga jo'natilishi lozim.

Eslatma: Belgilangan muddatdan kechikkan arizalar qabul qilinmaydi. Qabul qilingan arizalar ko'pligi tufayli faqat saralangan nomzodlar bilan suhbat uchun bog'laniladi.

• Amaliyot 2023-yil 15-iyundan 30-noyabrgacha davom etadi;
• Email: uzbekistan.office@unfpa.org 
• Oxirgi muddat: 20-may, 2023-yil (23:59).