Bakalavr va magistratura talabalari uchun Anqarada 5 haftalik yozgi amaliyot. Xarajatlar to'liq qoplanadi!

Turkiyadagi Yunus Emro Instituti va Turkish aerospace industries tashkiloti hamkorlikda turk madaniyati bilan butun dunyoni yanada yaqinroqdan tanitish maqsadida The Sky Global Summer Exchange & Internship Program yozgi almashinuv/amaliyot dasturini eʼlon qiladi.

Dasturning davomiyligi - 5 hafta (2022-yil 18-iyuldan 2022-yil 19-avgustgacha). Bunda 4 hafta davomida Anqarada amaliyot oʻtaladi, 1 hafta esa madaniy tadbirlar uchun ajratiladi.

Amaliyotni tashkil etishdan maqsad — Institut doirasida innovatsion gʻoyalar va real loyihalar ustida hamkorlikda ishlash uchun dunyo boʻylab turli soha vakillarini va qiziquvchilarini bir yerga jamlash. Shuningdek, amaliyot davomida turk madaniyati bilan bevosita tanishish mumkin.

Bakalavrning oxirgi ikki kursida yoki magistraturada oʻqiyotgan talabalar qatnashishi mumkin, bunda dastur bilan bogʻliq barcha xarajatlar moliyalashtiriladi.

Dastur bilan bu yerda batafsil tanishish mumkin.

Dasturning maqbullik shartlari quyidagilar:

• 18 yoshdan katta boʻlish va Ingliz tilida ravon oʻqish, yozish hamda gapirish koʻnikmasiga ega boʻlish (C1 darajasida);
• Hozirda oliy taʼlim muassasasida bakalavrning 3-4-kursida yoki quyidagi yoʻnalishlardan biri boʻyicha magistraturada oʻqiyotgan boʻlish:

a. Aerokosmik muhandislik;
b. Aviatsiya muhandisligi;
c. Mashinasozlik;
d. Elektron muhandisligi;
e. Kompyuter muhandisligi.

• Ariza topshirish sanasiga qadar 3.00/4.00 CGPA/GNO yoki ekvivalent ballga ega boʻlish;
• Turkiya Respublikasiga sayohat qilishi uchun hech qanday cheklovlari boʻlmasligi lozim.

Maqbullik shartlari bilan batafsil bu yerda tanishish mumkin.

Dastur davomida quyidagi imtiyozlar taklif qilinadi:

• Yoʻl xarajatlari qoplanadi;
• Amaliyot davomida 3,300 turk lirasida stipendiya;
• Turar-joy bilan taʼminlanadi;
• Turli mazali yeguliklardan bepul bahramand boʻlish imkoniyatini beradi.

Dasturning manfaatli jihatlari bilan bu yerda batafsil tanishish mumkin.

Ariza beruvchilar quyidagi hujjatlarni elektron pochta orqali (skyglobal@yee.org.tr) taqdim etishlari kerak:

• Toʻldirilgan va imzolangan ariza shakli (yuklab olish uchun);
• Batafsil yozilgan CV (.pdf formatda);
• Bir sahifali shaxsiy bayonot (Personal Statement);
• Ingliz tilini bilish sertifikati (.pdf formatda);
• Pasportning skanerlagan nusxasi (.png, .jpg yoki .pdf formatda);
• Baholar tarjimasi/transkripti (.pdf formatda);

Eslatma: Ariza beruvchi barcha kerakli hujjatlarni taqdim etilishini taʼminlash uchun javobgardir. Yuqorida qayd etilgan barcha hujjatlar 2022-yil 30-aprelgacha skyglobal@yee.org.tr elektron pochtasi orqali yuborilishi kerak.

Ariza tekshirilgandan va rasmiy talablarga javob berishi aniqlangandan soʻng, arizachilarga ular dastur uchun tasdiqlangan yoki tasdiqlanmaganligi haqida xabar beriladi.

Agar lozim deb topilsa, tashkilotchi jamoa qoʻshimcha maʼlumot olish uchun bogʻlanishi mumkin.

Qoʻshimcha savollarni yoʻllash uchun: skyglobal@yee.org.tr