Bakalavr va magistratura talabalari uchun Avstriyada tabiiy va ilmiy fanlar bo'yicha haq to'lanuvchi amaliyot - Scientific Internships dasturi
  • 01/01/1970 Qabul boshlanishi
  • Stipendiya Moliyalash turi
  • Avstriya Davlat
  • Doimiy Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Bakalavr talabasi , Oliy ma'lumotli (bakalavr), Magistr talabasi
  • Dastur tili
    Ingliz tili
  • Yosh chegarasi
    Chegaralanmagan

Doʻstlar bilan ulashing

Umumiy maʻlumotlar

Nufuzli Avstriya fan va texnologiya instituti (IST Austria) tabiiy va kompyuter fanlari, matematika yoki boshqa tegishli fanlar bo'yicha bakalavr yoki magistratura bosqichida o'qiyotgan yoki uni tamomlagan bilimli talabalar uchun ushbu oliygohda scientific internship, ya'ni ilmiy amaliyot o'tash imkoniyatini taqdim etadi.

Dasturga qabul qilingan talabalar Avstriyada 1 yilgacha tadqiqot rahbarlari, professorlar boshchiligida ilmiy amaliyot olib borish bilan birga xarajatlarini qoplash uchun oylik maoshga ham ega bo'ladilar.

Ushbu dasturda ishtirok etmoqchi bo'lgan talabalar maxsus tashkillangan tadqiqot guruhlarida alohida stajyor lavozimida amaliyot o'tash uchun yil davomida ariza topshirishlari mumkin.

Maqbullik shartlari

Dasturda ishtirok etish uchun nomzodlar quyidagi talablarga javob berishi kerak:

  • Dasturda bakalavr va magistraturning tabiiy va kompyuter fanlari, matematika yoki shunga aloqador yo'nalishida ta'lim olayotgan yoxud bitirgan nomzodlar ishtirok etishi mumkin;
  • Tadqiqot uchun o'zi tanlagan yo'nalish bo'yicha katta qiziqishga ega bo'lishi va buni ariza topshirish jarajonida ko'rsata olishi kerak;
  • Ingliz tilini yetarli darajada bilishi darkor.

Dastur talablari haqida batafsil ushbu havola orqali ma'lumot olish mumkin.

Foydali tomonlari

  • Dasturga qabul qilingan nomzodlar kamida 1119 yevro miqdorida oylikka ega bo'ladilar.

Hujjat topshirish

Dasturda ishtirok etish uchun nomzodlar ushbu tadqiqot guruhlaridan birida amaliyot o'tash uchun yil davomida ariza topshirishlari mumkin. Tegishli tadqiqot guruhini topgandan so'ng o'sha guruh rahbariga tog'ridan to'g'ri aloqaga chiqishi va quyidagi hujjatlarni taqdim etishi kerak:

  • O'z faoliyati va guruh bilan ishlashga bo'lgan motivatsiyasi haqida qisqa ma'lumot;
  • PDF formatda ish tajribasi va o'qigan joylari haqida ma'lumot keltirilgan CV;
  • Amaliyot qaysi vaqtlarda davom etishi haqida ehtimoliy ma'lumot.

Eslatma: barcha tadqiqot guruhlari ham amaliyotchi qabul qila olmmasligi mumkin. Ariza topshirishdan oldin nomzodlar tadqiqot guruhlari veb-sahifalarini diqqat bilan ko'rib chiqishlari kerak, ularning profili va tadqiqot qiziqishlari guruhlarning tadqiqot mavzulariga mos kelishiga ishonch hosil qilishlari lozim.

Agar nomzod amaliyotga munosib deb topilsa, guruh rahbarlari o'zlari aloqaga chiqadi.

Qoʻshimcha maʻlumotlar

Tadqiqot guruhlari haqida batafsil ushbu havola orqali ma'lumot olish mumkin.

Qo'shimcha ma'lumotlar uchun: istintern@ist.ac.at

Avstriya
Bakalavr va magistratura talabalari uchun Avstriyada tabiiy va ilmiy fanlar bo'yicha haq to'lanuvchi amaliyot - Scientific Internships dasturi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar