Bakalavr va magistratura talabalari uchun Shveysariyada to‘liq moliyalashtiruvchi ikki oylik The Student Summer Research Fellowship dasturi
-
15/11/2022 Qabul boshlanishi
-
Toʻliq Moliyalash turi
-
Shvetsariya Davlat
-
15/12/2022 17:00 Oxirgi muddat
Umumiy maʻlumotlar
Shveysariyaning kompyuter fanlarini o‘rganish va tadqiqot olib borish uchun eng yaxshi joy sifatida e’tirof etilgan ETH institutining kompyuter fanlari (Compyuter Science) bo‘limi tomonidan bakalavr va magistratura talabalari uchun ikki oylik yozgi tadqiqot amaliyot (The Student Summer Research Fellowship) dasturi taqdim qilinadi.
Dasturining asosiy qismi mavjud sohalardan birida tadqiqot olib borishga bag‘ishlangan bo‘lib, bunda talablar o‘zlari tanlangan sohaga mos keladigan tadqiqot loyihasini guruh a’zolari bilan hamkorlikda, fikr almashgan holda davom ettirishlari mumkin. Dastur davomida talabalar dunyoning turli burchaklaridan 45 dan ortiq professor-o‘qituvchilardan asosiy nazariyadan tortib amaliy tizimlarni loyihalash va qurishgacha bo‘lgan zamonaviy kompyuter fanining ko‘p qirralarini o‘rganish imkoniyatiga ega bo‘lishadi.
Dastur yo‘l, viza va yashash xarajatlarini qoplashni ko'zda tutadi.
Maqbullik shartlari
- Kompyuter yoki shunga aloqador sohada o‘qigan/o'qiyotgan bo‘lishi kerak (bakalavr yoki magistraturani);
- Nomzodning bakalavr yoki magistraturani bitiradigan sanasi amaliyot dasturi bo‘lib o‘tadigan yilga yoki undan keyingi yilga to‘g‘ri kelishi kerak;
- Dastur boshlangunga qadar bakalavrning ikki yilini yoki magistraturani o‘qib tugatgan bo‘lishi kerak;
- Dastur davomiyligi ikki oy: iyul va avgust oylarida bo‘lib, nomzodlar bu vaqtda dasturga borib ishtirok eta olishlari kerak;
- Ingliz tilini yaxshi bilishi kerak;
- COVID-19 xavfsizlik chorasiga ko‘ra vaccinecall_made bilan COVID-19 ga qarshi emlanganlik sertifikatini taqdim qilishi kerak.
Ushbu havola orqali dastur bilan batafsil tanishib chiqish mumkin.
Foydali tomonlari
- Yo‘l va viza xarajatlari qoplanadi;
- Turar-joy va yashash xarajatlari uchun oyiga CHF 1.750 (~$1909) ajratiladi;
- Soha bo'yicha dunyoning eng nufuzli universitetida tajriba orttirish va loyiha (tadqiqot) amalga oshirish imkoniyatiga ega bo'ladi.
Qoʻshimcha maʻlumotlar
Qo'shimcha ma'lumotlar uchun:
Email: mailto:SSR_Fellowship@inf.ethz.ch
Tel:+41 44 632 72 01
Dastur 01.07.2022 dan 31.08.2022 gacha 2 oy davom etadi.
Shuningdek, tez-tez so‘raladigan savollarga berilgan javoblar bilan tanishib chiqish tavsiya etiladi.