Bakalavr va magistratura talabalari uchun Singapurda oylik $2000 stipendiya toʻlanadigan tadqiqot dasturi

01/05/2025 Qabul boshlanishi
Grant Moliyalash turi
Singapur Davlat
Doimiy Oxirgi muddat

Muhim tafsilotlar

Kimlar uchun

Bakalavr talabasi , Magistr talabasi
Dastur tili

Ingliz tili
Yosh chegarasi

Chegaralanmagan

Doʻstlar bilan ulashing

Umumiy maʻlumotlar

Singapur davlati tomonidan tashkillashtirilgan Singapore International Pre-graduate Award (SIPGA) dasturi xalqaro talabalarga jonli ilmiy muhitda boʻlish va mashhur tadqiqotchilar ishlash uchun ajoyib imkoniyat yaratadi. Dasturda bakalavr bosqichining uchinchi/toʻrtinchi kurs yoki magistratura bosqichida tahsil olayotgan STEM yoʻnalishi (kompyuter va axborot texnologiyalari, tibbiyot, fizika fanlari yoki muhandislik yoʻnalishi) da tahsil olayotgan nomzodlar ishtirok etishlari mumkin. Dastur gʻoliblari tanlagan loyihalariga qarab 2 oydan 6 oygacha boʻlgan muddatda Singapurning A*STAR tadqiqot uyushmasida tadqiqot oʻtash imkonini qoʻlga kiritishadi. Dastur davomida ishtirokchilarga har oy $2000 miqdoridagi stipendiya beriladi.

Dasturga yil davomida ariza topshirish mumkin.

Dastur haqida ushbu havola orqali toʻliq maʼlumot olish mumkin.

Maqbullik shartlari

Dasturda qatnashish uchun quyidagi talablar mavjud:

Dasturda bakalavr bosqichining uchinchi/toʻrtinchi kurs yoki magistratura bosqichida tahsil olayotgan xalqaro talabalar qatnashishlari mumkin;
Nomzodlar STEM yoʻnalishi (kompyuter va axborot texnologiyalari, tibbiyot, fizika fanlari yoki muhandislik yoʻnalishi) da tahsil olayotgan boʻlishlari lozim;
Dasturda qatnashish uchun ishtirokchilarning akademik koʻrsatkichlari o’rtachadan yuqori (5 ballik tizimda 3,5-4 ga toʻgʻri keladi) boʻlishi kerak;
Ishtirokchilar dasturda qatnashish davrida ham oʻz universitetlarida talaba boʻlishlari zarur;
Ingliz tilini ogʻzaki va yozma tarzda dasturda qatnashish uchun yetarli darajada bilishlari kerak;
Ishtirokchilarning tadqiqotni davom ettirishga kuchli ishtiyoqlari boʻlishi zarur.

Eslatma! Yuqorida taʼkidlangan talablar toʻliq boʻlmasligi mumkin. Dastur davomida qoʻshimcha talablar ham qoʻshilish ehtimoli bor.

Foydali tomonlari

Dasturning quyidagi foydali jihatlari mavjud:

Dastur gʻoliblari 2 oydan 6 oygacha boʻlgan muddatda Singapurda tadqiqot oʻtash imkonini qoʻlga kiritishadi;
Dastur davomida ishtirokchilarga har oy $2000 miqdoridagi stipendiya beriladi;
Ishtirokchilar Singapurda tadqiqot oʻtash, tajriba orttirish va tajribali mutaxassislar bilan ishlash imkonini qoʻlga kiritishadi.

Dastur talablari haqida ushbu havola orqali toʻliq maʼlumot olish mumkin.

Hujjat topshirish

Dasturga ariza topshirish jarayoni quyidagi bosqichlarda amalga oshiriladi:

Qatnashmoqchi boʻlgan loyihangizni tanlang. Dasturda mavjud loyihalar roʻyxatini ushbu havola orqali yuklab oling. Havola orqali yuklab olishning iloji boʻlmagan taqdirda ushbu havola orqali murojaat qilish mumkin;
Kerakli hujjatlarni tayyorlang. Dasturda qatnashish uchun quyidagi hujjatlar soʻraladi:

-Pasport nusxasi;

-Akademik baholar transkripsiyasi (asli ingliz tilida boʻlmasa ingliz tilidagi tarjimasi);

-CV (rezyume).

3. Arizani toʻldiring. Onlayn arizani ushbu havola orqali toʻldirish mumkin. Har bir nomzod uchtagacha loyihaga ariza topshirish imkoniga ega;

4. Onlayn intervyu. Arizasi koʻrib chiqilib saralab olingan nomzodlar bilan onlayn intervyu oʻtkaziladi. Saralangan nomzodlar bilan dastur maʼmuriyati tomonidan bogʻlaniladi. Tanlab olinmagan nomzodlarga xabar berilmaydi;

5. Natijalar eʼlon qilinishi. Dastur gʻoliblari onlayn intervyudan 2 oy oʻtib eʼlon qilinadi.

Eslatma! Dastur uchun yiliga uch marta yanvar-mart, may-iyul va avgust-oktyabr oylarida qabul boʻlib oʻtadi.

Muhim! Dasturda yil davomida qatnashish mumkin. Faqatgina dasturga qatnashishdan kamida 4 oy oldin ariza topshirish lozim. Ayni damda qabul yopiq, keyingi qabul jarayonlari 2025-yil may-iyul oylarida boʻlib oʻtadi.

Dasturga ushbu havola orqali ariza topshirish mumkin.

Rasmiy havola Hujjat topshirish