Bakalavr va magistratura talabalari uchun Singapurda toʻliq moliyalashtiriladigan NTU Singapore Fellowship dasturi

15/01/2026 Qabul boshlanishi
Toʻliq Moliyalash turi
Singapur Davlat
15.02.2026 Oxirgi muddat

Muhim tafsilotlar

Kimlar uchun

Bakalavr talabasi , Magistr talabasi
Dastur tili

Ingliz tili
Yosh chegarasi

Chegaralanmagan

Doʻstlar bilan ulashing

Umumiy maʻlumotlar

NTU Singapore Fellowship tadqiqot olib borish boʻyicha tajribani boyitish, qimmatli koʻrsatmalar olish uchun tajribali olimlar va professor-oʻqituvchilar bilan bogʻlanish imkonini beruvchi dastur hisoblanadi. Dastur bakalavr va magistr bosqichini 2026-2027-yilda yakunlaydigan, kelajakda Nanyang Texnologiya universitetida tadqiqot olib borish hamda doktorantura bosqichida oʻqishni rejalashtirayotgan hamda yaxshi GPAga ega nomzodlar uchun moʻljallangan.

Dastur 2026-yil 1-iyuldan 31-avgustgacha, 2 oy davom etadi. Dastur ishtirokchilari 5000 singapur dollari (taxminan $4,000) miqdorida stipendiya hamda bepul turar-joy bilan taʼminlanadi.

Dasturga arizalarni qabul qilish jarayoni 2026-yil 15-fevralgacha davom etadi.

Dastur haqida ushbu havola orqali batafsil maʼlumot olish mumkin.

Maqbullik shartlari

Dasturda qatnashish uchun quyidagi talablar mavjud:

2026-2027-yilda bakalavr yoki magistratura bosqichini yakunlaydigan nomzodlar ariza topshirishlari mumkin;
Nomzodlarning STEM sohasida oʻqishi tanlovda ustunlik beriladi;
Singapurdagi Nanyang Texnologiya universitetida tadqiqot olib borish va doktorantura bosqichida taʼlim olishni rejalashtirayotgan nomzodlar qatnashishi tavsiya etiladi;
Nomzod yaxshi GPA ga ega boʻlishi kerak;
Nomzodlardan til bilish sertifikati talab qilinmaydi.

Eslatma! Bakalavr yoki magistratura bosqichini yakunlagan nomzodlar dasturga ariza topshira olmaydi.

Foydali tomonlari

Dasturning quyidagi foydali jihatlari mavjud:

Dastur davomida nomzodlarga 5000 singapur dollari (taxminan $4000) miqdorida stipendiya beriladi;
Bepul turar-joy bilan taʼminlanadi;
Dastur tadqiqot olib borish boʻyicha tajribasini boyitish, qimmatli koʻrsatmalar olish uchun tajribali olimlar va professor-oʻqituvchilar bilan bogʻlanish imkonini beradi.

Hujjat topshirish

Dasturga ariza topshirish uchun quyidagi hujjatlar talab qilinadi:

Shaxsiy maʼlumotlar;
Akademik maʼlumotlar (kollej/universitet taʼlimi, oʻqish davri, egallagan malakalari);
Shaxsiy fotosurat elektron nusxasi;
Oʻqish rasmiy qaydlarining elektron nusxasi (ingliz tilida);
Pasport elektron nusxasi;
Akademik tavsiyanoma (ixtiyoriy);
Motivatsion xat;
Dasturga ariza topshirishdan maqsad tushuntirilgan 2-3 daqiqalik video.

Dasturga ariza topshirish maxsus ariza topshirish portali orqali amalga oshiriladi.

Rasmiy havola Hujjat topshirish