Bakalavr va magistratura talabalari yaqinda o‘qishni bitirganiganlar uchun Janubiy Amerika Biznes Forumi

Tecnologico de Buenos Aires Institutining turli yo‘nalishda o‘qiydigan talabalari tomonidan tuzilgan volontyor jamoasi har yili South American Business Forum (SABF) konferensiyasini o‘tkazib keladi. 

Konferensiyaning asosiy maqsadi turli millatdan kelgan ishtirokchilarning o'zari fikr almashishi va bu orqali yangi avlod yetakchilarini shakllantirish hamda jamiyat rivojiga hissa qo‘shishdir. Dasturda qatnashish uchun ishtirokchilar berilgan mavzuda essay yozishlari kerak. Dastur doirasida 100 ta grant ajratilgan.

Har yili forum uchun turli mavzular tanlab olinadi. Tanlovning bu yilgi mavzusi – “Where ideas grow, and leaders are born”.

Dastur tili: Ingliz va ispan tili.

Oʻtkazilish joyi va vaqti: Tecnologico de Buenos Aires Instituti, Ciudad Autonóma de Buenos Aires, Argentina. 1-3-avgust kunlari.

Dastur haqida ushbu havola orqali batafsil tanishib chiqish mumkin. 

• Nomzodlar 1999-yilning 1-yanvaridan keyin tug‘ilgan bo‘lishlari kerak;
• Bakalavr yoki magistratura talabasi bo‘lishi yoki bu bosqichlardan birini bitirganlariga 1 yildan oshmagan bo‘lishi kerak;
• 2025-yil 16-aprelga qadar forumga hujjat topshirib bo‘lgan bo‘lishi kerak.

• Bepul oziq-ovqat taqdim etiladi;
• Mehmonxonadan joy ajratiladi;
• Mehmonxonadan mashg‘ulot o‘tkazilish joylariga qatnovchi bepul transport taqdim etiladi.

Eslatma: Argentinagacha bo‘lgan yo‘l va viza xarajatlarini ishtirokchilar mustaqil qoplashlari kerak.

• Ushbu havola orqali ro‘yxatdan o‘tish;
• Berilgan formani to‘ldirish;
• Berilgan mavzu bo‘yicha insho yozish (avvalgi yillarda yozilgan insholar bilan tanishish); 

Dasturga qabul jarayoni 2025-yil 16-aprelga qadar davom etadi. 

Ma‘lumot uchun: Tanlovning 2022-yilgi sonida O‘zbekistonlik nomzod Olimaxon Ergashevaning yozgan inshosi bilan ushbu havola orqali tanishish mumkin.

Nomzodlarning inshosi quyidagi mezonlarga ko‘ra baholanadi:

• Tanlangan mavzuni tushunganlik darajasi;
• Fikrlarini ravshan ifoda etish qobiliyati;
• G‘oyalarga mantiqiy yondashishi;
• G‘oyalarning innovatsion va orginal bo‘lishi.

Savollarni ushbu manzil orqali yozib qoldirish yoki students@sabf.org.ar elektron manziliga yo‘llash mumkin.

Eng koʻp soʻralgan savollarga javob bu yerda.