Bakalavr yoki magistraturani tamomlagan talabalar uchun Yaponiyada 9 oylik haq to'lanuvchi AYF Fellowship amaliyot dasturi

AYF Fellowship - talabalar uchun Yaponiyaning Avaji orolida bir yillik amaliyot o’tash imkoniyati. Ushbu dastur tanlangan talabalarga ko'p madaniyatli muhitda o'zlarini sinab ko'rish va shaxsiy ko'nikmalarini rivojlantirish imkoniyatini beradi. Dastur davomida tashkilot faoliyati bilan bog’liq mavzularda ma’ruzalar, amaliyot darslari bo’lib o’tadi va ishtirokchilar kichik guruhlarga bo’lingan holda muammo va uni yechish usullarini o’rganadilar. Dasturda quyidagi yo’nalishlar bo’yicha qatnashish mumkin:

• San’at va musiqa;
• Sog’liq va salomatlik;
• PR va marketing;
• Dizayn va texnologiya.

AYF amaliyoti davomida o'quv dasturining bir qismi sifatida ishtirokchilarga o'z maqsadlarini ifoda etish va ularga erishishda kasbiy maslahatlar bergan holda muntazam mashg'ulotlar o'tkaziladi. Shuningdek, loyihalar ustida ishlanadi.

Dastur qatnashchilarning Yaponiyada tyashashlari, ovqatlanishlari bilan bog'liq barcha xarajatlarni qoplabgina qolmay, oylik maosh ham beradi.

Batafsil ma'lumotni ushbu havola orqali olish mumkin.

Nomzodlar quyidagi talablarga javob berishi lozim:

• 24-30 yosh oralig’ida bo’lish kerak;
• Bakalavr yoki magistr darajasini tugatgan bo’lishi;
• Ingliz tilini bilish darajasi TOEIC 800 yoki (IELTS 7 ekvivalent) (ham gapirishni, ham yozishni yaxshi bilishi lozim). Sertifikat so’ralmaydi; 
• Yapon tilini bilish ustunlik beradi;
• Jamiyat muammolarini hal qilish va Pasona Group loyihalariga o'z hissasini qo'shish majburiyati;
• AYFda amaliyotdan so'ng Avaji orolida qolish va mintaqaviy jonlantirish ustida ishlashni davom ettirish;
• Mehnat, intizom va boshqalarga g'amxo'rlik kabi xususiyatlarga ega bo’lish;
• Moslashuvchanlik, qat'iyatlilik va chidamlilik;
• Fikrlarni aniq harakatlarga aylantirish qobiliyati mavjud bo’lishi lozim.

Batafsil ushbu havolada o'qish mumkin.

Nomzodlar quyidagi imkoniyatlarga ega bo'ladi:

• Oyiga ¥197,000 (1,300) haq to’lanadi; Davlat soliq va to’lovlari chegirib qolinadi;
• Yapon yoki g'arb uslubidagi individual turar-joy beriladi;
• Doimiy Eelektr ta'minoti va WiFi kafolatlanadi;
• 5 hafta bepul o'qish va erkin ishlash imkoniyati bo'ladi;
• 6-oydan boshlab 10 kunlik ta'til (maosh to'lanadi);
• Yapon tilini o’rganish uchun pullik kurslar taklif qilinadi.

ESLATMA! Amaliyotchilar yo’l xarajatlarini o’zlari qoplashlari lozim, dastur buni ta’minlamaydi.

• Dasturda qatnashish uchun nomzodlar ushbu havola orqali onlayn ro’yxatdan o’tishlari va kerakli ma’lumotlarni to’ldirishlari lozim;
• Ariza shakli to’ldirib bo’lingandan so’ng, 2 hafta ichida nomzod loyiha rejasini (project proposal) yuklashi kerak. 
  Dasturga ariza topshirishning oxirgi muddati: 2024-yil 31-may. 

Muhim sanalar:

• Aprel oyi - arizalar uchun qabul boshlanadi;
• 31-may - ariza topshirishning oxirgi muddati;
• Iyun-iyul - Zoom orqali intervyu bo’lib o’tadi. Intervyudan o'tgan nomzodlar ikkinchi bosqichga taklif qilinadi.
• Iyul-avgust- COE&Visa. Immigratsiya va ishga joylashish uchun zarur tartiblarni bilib olish tavsiya etiladi.
• 2024-yil oktyabr -  amaliyot boshlanadi.