Bakalavriat, magistratura va PhD talabalari uchun Germaniyada molekulyar biologiya boʻyicha yozgi maktab

Germaniyaning Mayns shahrida joylashgan Molekulyar biologiya instituti bakalavriat, magistratura va PhD talabalari uchun molekulyar biologiya boʻyicha yozgi maktab taqdim etadi. Dastur doirasida har yili bahorda 300 ga yaqin ariza qabul qilinadi va ular orasidan taxminan 10 nafar ishtirokchi yozgi maktab dasturiga taklif qilinadi.

Har bir ishtirokchiga toʻliq jihozlangan, oshxonasi bor turarjoy beriladi va kir yuvish xonasidan bemalol foydalanishlari mumkin boʻladi. Turarjoy laboratoriyadan piyoda yurib borsa boʻladigan masofada joylashgan.

Dastur 2024-yil 12-avgustdan 20-sentyabrgacha davom etadi.

Maʼlumot uchun: Molekulyar biologiya instituti (IMB) Germaniyaning Mayns shahrida joylashgan zamonaviy xalqaro tadqiqot institutidir. oliygoh 2011-yil tashkil etilgan boʻlib, hozirda 200 dan ortiq tadqiqotchilarga ega. Institut butun dunyo boʻylab eng yaxshi talabalar va yosh olimlarni jalb qiladi hamda jamiyatda ijobiy oʻzgarish qiladigan turli tadqiqotlar ustida ishlashi uchun imkoniyat yaratadi.

Dastur haqida batafsil ushbu havola orqali maʼlumot olish mumkin.

• Dasturga qiziqqan barcha bakalavriat, magistratura va PhD talabalari qatnashishi mumkin;
• Nomzodlar hayot haqidagi fanlar (life sciences) boʻyicha dastur boshlangunga qadar kamida uch yil davomida oʻqigan boʻlishi kerak;
• Ishtirokchilardan tadqiqot boʻyicha tajriba soʻraladi;
• Ingliz tilini yuqori darajada bilish talab qilinadi (ogʻzaki va yozma);
• Nomzodlar tomonidan 2 ta tavsiyanoma berilishi kerak (hech boʻlmaganda bitta tavsiya beruvchi tadqiqot loyihasi davomida nomzodga rahbarlik qilgan boʻlishi lozim).

Muhim: Allaqachon PhD darajasi yoki tibbiyot doktori darajasiga ega nomzodlar ishtirok etolmaydi. Dastur boshlangunga qadar oʻz darajasini tugatganiga 6 oydan oshmagan nomzodlar ham qatnashishi mumkin.

• Dasturda bepul qatnashish mumkin;
• Bepul turarjoy bilan taʼminlanadi;
• Yetakchi olimlar tomonidan maʼruzalar oʻtiladi;
• Soha boʻyicha tadqiqot ishlari oʻtkazish uchun imkon beriladi;
• Tashkilot taklif qilayotgan ijtimoiy dasturlar toʻliq moliyalashtiriladi;
• Sayohat xarajatlari qoplanadi (DAAD taklif etadigan meʼyorga asosan)

Eslatma: Ishtirokchilar viza, yashash xarajatlari va mahalliy sayohat (agar kerak boʻlsa) uchun ketadigan boshqa toʻlovlarni oʻzi qoplashi kerak.

Dasturda qatnashishni istaganlar ushbu havola orqali ariza topshirishlari mumkin.

Ariza topshirish quyidagi bosqichlardan iborat:

1. Ariza topshirishdan oldin takroran soʻraladigan savollar sahifasidagi maʼlumotlar oʻrganiladi. Arizani tayyorlashda yordam berish uchun namunaviy ariza formasi tekshiriladi.
2. “Apply here” tugmasini bosish orqali roʻyxatdan oʻtiladi va quyidagilar taqdim etiladi:
   1. shaxsiy maʼlumotlar;
   2. aloqa maʼlumotlari;
   3. 2 ta tavsiyanoma beruvchining aloqa maʼlumotlari.
3. Roʻyxatdan oʻtish shaklini toʻldirgandan soʻng, nomzod darhol elektron pochta orqali onlayn ariza shakliga havola oladi va ariza topshiradi.

Ariza toʻldirishda soʻraladigan maʼlumotlar:

• Nomzodning darajasi (bakalavriat, magistratura);
• Boshqa har qanday magistratura, PhD darajalari, mukofotlar, faxriy unvonlar yoki farqlar tafsilotlari (maksimal 250 ta soʻz);
• Tadqiqot boʻyicha maʼlumotlar;
• Tadqiqot tajribasi haqida maʼlumotlar;
• Chop etilgan nashrlar roʻyxati (PubMed formatida) va konferensiyalarga qoʻshgan hissasi (taqdimot nomi yoki afisha, konferensiya sanasi va joyi);
• Birga ishlashni xohlayotgan guruhi haqida (5 tagacha tanlasa boʻladi);
• Motivatsion xat (maksimal 300 ta soʻz).

Quyidagi hujjatlarni PDF formatida yuklash soʻraladi:

• CV maksimal hajmi 3 MB boʻlishi va quyidagi maʼlumotlarni qamrab olishi kera:
  • Olgan taʼlim darajasi;
  • Oldingi tadqiqot tajribasi;
  • Amaliyotlar;
  • Mukofot va unvonlar;
  • konferensiyalarga qoʻshgan hissasi;
  • Xalqaro ekspertizadan oʻtgan jurnallarda chop etilgan nashrlari (PubMed formatida)
• Quyidagi maʼlumotlarni oʻz ichiga olgan fayl (maksimal hajmi 4 MB):
  • Talabalikni tasdiqlovchi universitet roʻyxatidan oʻtganlik guvohnomasi (agar mavjud boʻlsa);
  • Universitetda oʻqish tugallanganicha qoʻlga kiritgan sertifikat va akademik transkriptlar (majburiy);
  • Oʻrta maktab sertifikati (agar mavjud boʻlsa);
  • Oʻquv darsdan tashqari qatnashgan tadbirlari yoki qoʻlga kiritgan mukofotlari;
  • Ingliz tilidan til bilish sertifikati (mavjud boʻlsa).

Eslatma: 2 ta tavsiyanoma joʻnatilmaguncha arizalar koʻrib chiqilmaydi. Barcha hujjatlar ingliz tilida taqdim etilishi kerak. Roʻyxatdan oʻtish jarayonini tugatgandan soʻng tavsiyanoma beruvchilarni oʻzgartirish mumkin emas. Arizangizni toʻldirib, uni onlayn portal orqali topshirgandan soʻng, unga qayta kirish imkonsiz. Shuning uchun joʻnatishdan oldin barcha muhim maʼlumotlar kiritilganiga ishonch hosil qilish lozim. Tavsiyanoma qabul qilinganda elektron pochta orqali xabar beriladi.

Ariza topshirish haqida batafsil ushbu havola orqali maʼlumot olish mumkin.

• Tel: +49-6131-39-21501;
• Manzil: Ackermannweg 4 55128 Mainz, Germany.

Muhim sanalar:

• Dasturga hujjat topshirish uchun oxirgi muddat: 24-aprel, 2024-yil (15:00);
• Dasturga hujjat topshirish uchun oxirgi muddatdan 4-5 hafta keyin onlayn suhbat oʻtkaziladi;
• Natijalar hujjat topshirish uchun oxirgi muddatdan 5-8 hafta oʻtib eʼlon qilinadi.

Quyidagi ijtimoiy tarmoqlar orqali qoʻshimcha maʼlumot olish mumkin:

• Facebook;
• Twitter;
• Linkedin;
• YouTube.