Bakalavriat talabalari uchun Abu Dabida xarajatlari qoplanadigan amaliyot dasturi — Undergraduate Research Internship Program

Birlashgan Arab Amirliklarining Abu Dabi shahrida joylashgan Muhammad bin Zayd nomidagi Sunʼiy intellekt universiteti (MBZUA) STEM bilan bogʻliq mutaxassisliklar boʻyicha bakalavriat talabalari uchun toʻliq moliyalashtiriladigan tadqiqot-amaliyot dasturini — Undergraduate Research Internship Program (UGRIP) taqdim etadi.

4 haftadan koʻproq davom etadigan ushbu dasturda ishtirokchilar butun dunyo boʻylab boshqa yuqori malakali talabalar bilan tadqiqot loyihalari ustida ishlaydi, oʻz professional tarmogʻini yaratadi va BAA dagi eng yaxshi oʻquv yurtlaridan birida oʻqish boʻyicha maslahat va koʻrsatmalar oladi.

Dastur davomida quyidagi tadqiqot yoʻnalishlari ustida ishlash mumkin:

• Computer vision;
• Machine learning;
• Natural language processing.

Dasturga arizalar 2026-yil 1-yanvardan 28-fevralgacha qabul qilinadi

Maʼlumot uchun: Muhammad bin Zayd nomidagi Sunʼiy intellekt universiteti (MBZUA) Abu Dabining Masdar shahrida joylashgan boʻlib, maxsus jihozlar, laboratoriyalar va tadqiqot markazlarini oʻz ichiga oladi. Universitet bitiruvchilari turli startaplarni tashkil etishda davom etadi, ertangi kun uchun ahamiyatga ega texnologiyalarni ixtiro qiladi hamda davlat va xususiy sektor uchun innovatsiyalarni rivojlantiradi.

MBZUA dunyodagi birinchi sunʼiy intellektga yoʻnaltirilgan tadqiqot universiteti boʻlibgina qolmay, AI, CV, ML, NLP va robototexnika boʻyicha dunyoda 18-oʻrinda turadi. Talabalar 40 dan ortiq davlatdan kelgan va ularning 39 foizini ayollar tashkil etadi.

Dastur haqida batafsil ushbu havola orqali maʼlumot olish mumkin.

• Dasturda STEM sohasidagi oxigi kursdan bitta oldingi (2026-yil avgustdan keyin bitradigan bo'lishi kerak) bakalavriat talabalari qatnashishi mumkin;
• Oʻrtacha baholar koʻrsatkichi (CGPA) 4,0 dan 3,5 ball yoki unga teng darajaga ega boʻlishi kerak;
• Ingliz tilini yaxshi bilish talab qilinadi:
  • TOEFL iBT kamida 90 ball;
  • IELTS kamida 6,5;
  • EmSAT English kamida 1550 ball.
• Nomzod oʻqishning yakuniy semestrini dasturdan keyin kuzda (yoki keyingi semestrda) boshlashi lozim;
• Talabgor AI (sunʼiy intellekt) boʻyicha tadqiqot olib borayotgan boʻlishi kerak.

• Viza, aviachipta va aeroport transferlari moliyalashtiriladi;
• Tibbiy sugʻurta va turarjoy bilan taʼminlanadi;
• Stipendiya beriladi;
• Abu Dabi va Dubay shaharlari markaziga boʻlgan sayohatlar xarajatlari qoplanadi;
• Turli madaniy va ijtimoiy tadbirlar oʻtkaziladi;

Dasturda qatnashishni istaganlar ushbu havola orqali ariza topshirishlari mumkin.

Talabgorlar faqat bir marta ariza berish huquqiga ega. Bir necha marta topshirilgan arizalar koʻrib chiqilmaydi.

Arizalar Qabul komissiyasi tomonidan koʻrib chiqiladi va qabul qilish toʻgʻrisida qaror qabul qiladi. Faqat toʻliq va haqiqiy hujjatlarga ega boʻlgan arizalar baholanadi.

Talab qilinadigan hujjatlar:

• Pasportning rangli nusxasi (kamida bir yil amal qilish muddati bilan);
• Til bilish sertifikati;
  • O'qish haqida ma'lumotnoma. U nomzodning o'qishga qabul sanasi, dastur davomiyligi / kutilayotgan bitiruv sanasini oʻz ichiga oladi;
• Rasmiy akademik transkript birinchi kursdan joriy semestrgacha boʻlgan barcha roʻyxatdan oʻtgan kurslar, kurs nomlari, baholari va kredit soatlarini oʻz ichiga oladi;
• Maqsad bayoni.

Eslatma: Rasmiy akademik hujjatlar universitet rahbariyati tomonidan muhr bosilib imzolangan koʻrinishda boʻlishi kerak. Barcha ariza hujjatlari asl nusxada ingliz tilida boʻlishi yoki qonuniy inglizcha tarjimalarini oʻz ichiga olishi lozim.

Hujjat topshirishdan oldin maxsus qoʻllanma bilan tanishib chiqish mumkin.

Muhim sanalar:

• Dasturga arizalar 2026-yil 1-yanvardan 28-fevralgacha qabul qilinadi;
• Natijalar 2026-yil aprelda eʼlon qilinadi.

Quyidagi ijtimoiy tarmoqlar orqali qoʻshimcha maʼlumot olish mumkin:

• Twitter;
• Instagram;
• Facebook;
• YouTube;
• Linkedin.