Bakalavriat talabalari uchun AQShda haq toʻlanadigan yоzgi tadqiqot dasturi — Summer Student Fellowship Program
-
20/01/2024 Qabul boshlanishi
-
Stipendiya Moliyalash turi
-
AQSh Davlat
-
05/02/2024 09:59 Oxirgi muddat
Umumiy maʻlumotlar
AQShda joylashgan Woods Hole okeanografiya instituti okean va muhandislik fanlari sohasidagi bakalavriat talabalari uchun Summer Student Fellowship tadqiqot dasturini taqdim etadi.
Stipendiyalar universitet tomonidan belgilangan maxsus xodimlarning rahbarligida mustaqil tadqiqot loyihasini amalga oshirish uchun beriladi. Dastur yoʻnalishiga qarab 10-12 haftagacha davom etishi rejalashtirilgan.
Dasturdan asosiy maqsad yoshlarni okean fani va muhandislik asoslari bilan tanishtirish hamda okeanografiyaning ilgʻor usullarini oʻrgatishdan iborat. Ishtirokchilar dastur davomida ilgʻor okeanografik asboblar va texnologiyalar bilan bogʻliq maʼlumotlarni toʻplash va namuna olish texnikasini oʻrganib tajribada sinab koʻradilar.
Dastur quyidagi yoʻnalishlarni taqdim etadi:
- Applied Ocean Physics & Engineering;
- Geology & Geophysics;
- Marine Chemistry & Geochemistry;
- Marine Policy Center;
- Physical Oceanography;
- USGS.
Dastur haqida batafsil ushbu havola orqali maʼlumot olish mumkin.
Maqbullik shartlari
- Ishtirokchilar dastur boshlangunga qadar:
- 4 yillik bakalavriat dasturining 3-kursini tamomlagan;
- 3 yillik bakalavriat dasturining 2-kursini tamomlagan;
- 5 yillik bakalavriat dasturining 3-kursini tamomlagan boʻlishi kerak.
- Ingliz tilini dasturda qatnashish darajasida bilish lozim;
- Nomzodlar okean fanlari, okeanografik muhandislik yoki dengiz siyosati fanlariga qiziqishi kerak;
- Ilm-fan yoki muhandislik sohalarida, jumladan, biologiya, kimyo, muhandislik, geologiya, geofizika, matematika, meteorologiya, fizika, okeanografiya va dengiz siyosati sohalarida tahsil olayotgan talabalarga ustunlik beriladi;
- Saralashda nomzodning qiziqishlari, avvalgi ilmiy yutuqlari va kelajakdagi maqsadlari inobatga olinadi;
- Dastur doirasida tashkil qilinadigan barcha maʼruza va seminarlarda qatnashish shart.
Eslatma: Bakalavriat bosqichini bitirgan yoki oxirgi kurs talabalari ishtirok etolmaydi.
Foydali tomonlari
- Haftasiga 680 AQSh dollar miqdorida stipendiya beriladi;
- Sayohat xarajatlari uchun 700 AQSh dollar pul ajratiladi;
- Turarjoy bilan taʼminlanadi;
- Tegishli sohadagi 200 dan ortiq tadqiqot ishlari bilan tanishish imkoniyati;
- Ilmiy rahbar tomonidan tadqiqot loyihasini tanlash va davom ettirishga yordam beriladi;
- J-1 vizasini olishda yordam beriladi (viza olish uchun til bilish sertifikati soʻraladi).
Muhim: Xalqaro talabalar stipendiya toʻlovi, sayohat xarajatlari va turarjoy toʻlovlari uchun daromadning 14 foizi koʻrinishida soliq toʻlashlari kerak. Ushbu soliq ularning stipendiyalaridan ushlab qolinadi.
Qoʻshimcha maʻlumotlar
- Dasturga hujjat topshirish uchun oxirgi muddat: 5-fevral, 2024-yil;
- Natijalar mart oyining oʻrtalarida eʼlon qilinadi;
- Avvalgi tadqiqot loyihalari bilan bu yerda tanishib chiqish mumkin;
- 2024-yilda taqdim etilishi kutilayotgan loyihalar haqida bu yerda;
- Email: education@whoi.edu.
Dastur haqida qoʻshimcha maʼlumot bilan quyidagi ijtimoiy tarmoqlar orqali tanishib chiqish mumkin: