Bakalavriat talabalari uchun Koreyada 6 haftalik amaliyot dasturi — DGIST Internship 2026

Bakalavriat talabalari uchun Koreyada tadqiqot olib borish imkonini beruvchi 6 haftalik amaliyot dasturi — DGIST Internship 2026 taqdim etiladi.

Dasturning asosiy maqsadi bakalavriat talabalariga ilmiy tadqiqot faoliyatida amaliy tajriba orttirish imkoniyatini yaratishdir.

Ishtirokchilar laboratoriyada DGIST professori rahbarligida tadqiqot amaliyotini oʻtkazishadi. Ish vaqti soat 9:00 dan 18:00 gacha, 8 soatlik ish kunini (tushlik uchun 1 soat hisobga olinmaydi) tashkil etadi.

Amaliyot dasturi 2026-yil 29-iyundan 7-avgustgacha davom etadi.

Maʼlumot uchun: Daegu Gyeongbuk Institute of Science and Technology (DGIST) — Janubiy Koreyada joylashgan yuqori darajadagi davlat tadqiqot universiteti boʻlib, 2004-yilda Daegu shahrida tashkil etilgan. Universitet ilm-fan, texnologiya va muhandislik sohalariga eʼtibor qaratadi, boʻlimsiz bakalavr taʼlim dasturi va sunʼiy intellekt, robototexnika, neyrofanlar (brain science) va yangi materiallar boʻyicha ixtisoslashgan magistratura dasturlariga ega.

Dastur haqida batafsil ushbu havola orqali maʼlumot olish mumkin.

• Dasturda 3-, 4-bosqich bakalavriat talabalari qatnashishi mumkin;
• Ariza topshirish vaqtida kamida 4 semestrni tamomlagan boʻlishi kerak;
• Nomzodning umumiy GPA koʻrsatkichi oʻz universiteti baholash tizimida kamida 75% boʻlishi (4.0 tizimida kamida 3.0 GPA ga teng) yoki shunga teng akademik koʻrsatkichga ega boʻlishi lozim;
• Nomzod oʻz universitetida roʻyxatdan oʻtgan (talaba maqomida) boʻlishi va dasturda qatnashish vaqtida bitiruvdan oldin kamida yana bir semestr oʻqishni davom ettirishi kerakligini inobatga olish soʻraladi;
• Ingliz tilini yuqori darajada bilish kerak (til bilish sertifikati majburiy emas va ingliz tilini bilish darajasi ilmiy rahbarning tavsiyanomasi orqali baholanadi).

• Dasturda bepul qatnashish mumkin;
• Yashash va ovqatlanish uchun 1,560,000 KRW (~$1,000) miqdorida moliyaviy yordam beriladi:
  • Stipendiya uchun 552,000 KRW;
  • Yotoqxona xarajatlari uchun 378,000 KRW;
  • Kunlik xarajatlar uchun 630,000 KRW.
• Dastur talablarini bajargan ishtirokchilarga sertifikat beriladi;
• Xalqaro ishtirokchilar uchun Koreya madaniyati sessiyasi, bir kunlik sanoat sayohati va boshqa maxsus dasturlar tashkil etiladi;
• Maxsus laboratoriyada professor rahbarligida tadqiqot olib borish imkoniyati.

Eslatma: Ishtirokchilar xalqaro va ichki transport xarajatlari, viza toʻlovi va boshqa qoʻshimcha xarajatlarni oʻzlari qoplaydi. Shuningdek, Koreyada boʻlish davri uchun tibbiy sugʻurta rasmiylashtirishlari kerak.

Dasturda qatnashishni istaganlar ushbu havola orqali ariza topshirishlari mumkin.

Hujjat topshirishda quyidagilar soʻraladi:

• Shaxsiy maʼlumotlar;
• Aloqa maʼlumotlari;
• Akademik maʼlumotlar:
  • Universitet nomi;
  • Universiteti joylashgan davlat;
  • Fakultet/boʻlim nomi;
  • Nomzodning ixtisosligi;
  • GPA darajasi;
  • Taʼlim bosqichi;
  • Dastur yakunlangandan soʻng akademik oʻqishni davom ettirishi;
  • Oʻqish holati;
  • Bitiruv sanasi;
  • Oʻqiyotganligi yoki bitirgani haqida sertifikat;
  • Akademik transkriptlar.
• Ariza shakli;
• Universitetdagi afzal koʻrilgan boʻlim;
• Birinchi tanlov laboratoriya;
• Ikkinchi tanlov laboratoriya.

Kerakli hujjatlar:

• Ariza shakli;
• Talabalikni tasdiqlovchi hujjat (oʻz universitetidan);
• Akademik transkriptlar (unda umumiy GPA va GPA shkalasi koʻrsatilgan boʻlishi shart);
• Ilmiy rahbar yoki universitetdagi professor tomonidan yozilgan tavsiyanoma.

Muhim: Ilmiy rahbar tomonidan yoziladigan tavsiyanoma 2026-yil 11-mart 12:00 gacha berilgan havola orqali yuklanishi kerak.

Barcha hujjatlar ingliz tilida yozilgan boʻlishi lozim.

Nomzod oʻz ilmiy rahbarining universitetdagi elektron pochta manzilini kiritishi kerak. Ariza topshirilgandan soʻng, tavsiyanomani yuklash uchun havola tizim tomonidan toʻgʻridan-toʻgʻri rahbarning elektron pochta manziliga yuboriladi.

Ariza shakli va tavsiyanoma yozilishi kerak boʻlgan hujjat bu yerda.

• Manzil: E1 xona 805, 333 TechnoJungangDaero, Hyeonpung-Eup, Dalseong-Gun,
  Daegu, Janubiy Koreya;
• Tel: +82-53-785-0114;
• Email: intl_internship@dgist.ac.kr.

Muhim sanalar:

• Ariza topshirish uchun oxirgi muddat: 4-mart 2026-yil (12:00);
• Koʻrib chiqish muddati (1-tanlov laboratoriya): 23-29-mart 2026-yil;
• Koʻrib chiqish muddati (2-tanlov laboratoriya): 30-martdan 5-aprelgacha 2026-yil;
• Natijalar eʼlon qilinadigan muddat: 6-12-aprel 2026-yil.