Bakalavr talabalari uchun Business Today tashkiloti tomonidan Nyu Yorkda oʻtkaziluvchi xalqaro dastur — The International Conference
-
01/08/2022 Qabul boshlanishi
-
Toʻliq Moliyalash turi
-
AQSh Davlat
-
02/09/2022 08:59 Oxirgi muddat
Umumiy maʻlumotlar
Business Today tashkilotining 48-xalqaro konferensiyasi butun jahon boʻylab, bakalavriat talabalari uchun moʻljallangan boʻlib, biznes sohasiga qiziquvchilar uchun har yili oʻtkaziladi.
Konferensiya Nyu-York shahridagi New York Marriott Marquis mehmonxonasida 2022-yilning 4-6-noyabr kunlari boʻlib oʻtadi.
Ikki kunlik konferensiyada nomzodlar dunyoga maʼlum va mashhur boʻlgan biznes egalari bilan fikr almashish imkoniyatiga ega boʻladilar.
Bu yilgi konferensiya mavzusi “Biznes orqali hamjamiyat” (“Community through Business”).
Mazkur konferensiya quyidagilarni oʻz ichiga oladi:
- Maʼruzachilar bilan qiziqarli suhbatlar va panellar;
- Boshqaruv seminarlari;
- Peer-to-peer tarmogʻi;
- Ishga qabul qilish;
- Moliyalashtirish boʻyicha raqobat.
Nomzodlarning barcha xarajatlari, jumladan, sayohat hamda oziq-ovqat xarajatlari dastur tomonidan qoplanadi.
Dastur haqida batafsil ushbu havola orqali tanishish mumkin.
Maqbullik shartlari
Dasturda ishtirok etish uchun nomzodlardan quyidagilar talab etiladi:
- Nomzod bakalavriat talabasi boʻlishi lozim;
- Ingliz tilida erkin muloqot qila olishi kerak;
- Ishtirokchilar jamoa sifatida ham qatnashishlari mumkin. Jamoa aʼzolari 5 tagacha boʻlishi mumkin.
Dastur talablari haqida batafsil ushbu havola orqali tanishish mumkin.
Foydali tomonlari
Dasturga qabul qilingan nomzodlar quyidagi imtiyozlarga ega boʻladi:
- Nomzodlarning barcha xarajatlari qoplanadi;
- Bundan tashqari konferensiyaning yillik Impact challenge musobaqasida gʻolib deb topilgan guruh oʻz startaplari uchun 15,000 AQSh dollari miqdorida pul mukofotiga ega boʻlishlari mumkin.
Eslatma: Viza xarajatlari dastur tomonidan qoplanmaydi.
Konferensiyada oʻz oʻrnini kafolatlash uchun $75 lik depozit toʻlovini toʻlash lozim.
Dastur imtiyozli jihatlari haqida batafsil ushbu havola orqali tanishish mumkin.
Qoʻshimcha maʻlumotlar
Eng koʻp berilgan savollar roʻyxati bilan ushbu havola orqali tanishish mumkin.
Qoʻshimcha savol va murojaatlar uchun: businesstoday.ic2022@gmail.com.