Barcha 15-35 yosh oralig'idagilar uchun Koreyada barcha xarajatlari qoplanadigan kuzgi madaniyat oromgohi
-
28/07/2023 Qabul boshlanishi
-
Toʻliq Moliyalash turi
-
Koreya Davlat
-
10/08/2023 19:59 Oxirgi muddat
Umumiy maʻlumotlar
Autumn Korean Culture Camp dasturi kuzda Koreya madaniyati bilan yaqindan tanishish imkonini beradi. Ushbu dastur talabalar/yoshlar va koreys tili, koreys madaniyati boʻyicha qisqa muddatli (immersion) dasturni xohlaydigan talabalar uchun moʻljallangan.
Dasturning maqsadi — xorijiy tashrif buyuruvchilarning Janubiy Koreya Respublikasi haqidagi tushunchalarini oshirish va koreys madaniyatini dunyoga tanitishdir.
Dasturning asosiy tili ingliz tili hisoblanadi. Kuzgi oromgoh 2023-yil 8-13 oktabr kunlari Koreyaning Seul shahrida oʻtkaziladi.
Dastur koreys tilini oʻqitishni kundalik mashgʻulotlar va madaniy ekskursiyalar bilan birlashtiradi. Ushbu kuzgi oromgoh har qanday darajadagi koreys tilini biladigan xalqaro talabalar/yoshlar uchun ochiq.
Oromgoh Seulning mashhur diqqatga sazovor joylariga tashrif buyurish va koreys anʼanalarini boshdan kechirish, mahalliy taomlarni tatib koʻrish (Kimchi, Kimbab, Ramyun va boshqalar). anʼanaviy koreys sanʼatini oʻrganish kabi odatiy madaniy tadbirlarda qatnashishni oʻz ichiga oladi.
Maqbullik shartlari
- Mazkur dasturda qatnashish uchun 15-35 yosh oraligʻida boʻlish kerak;
- Barcha davlat fuqarolari qatnasha oladi;
- Ingliz tilini yetarlicha bilish kerak. IELTS talab qilinmaydi;
- Aqlan va jismonan sogʻlom boʻlish kerak;
- Dasturda toʻliq ishtirok etish va dastur tugaganidan soʻng oʻz yurtiga qaytishi lozim;
- Yangi muhitga tez koʻnikuvchan boʻlish kerak.
Muvofiqlik talablari (eligibility requirements) haqida batafsil ushbu havola orqali bilib olish mumkin.
Foydali tomonlari
- Koreyaning Seul shahrida 6 kun yashash imkoniyati beriladi;
- Koreys madaniyatini toʻgʻridan-toʻgʻri oʻrganish uchun muhit;
- Seul boʻylab piyoda sayohat qilish imkoniyati;
- Mahalliy anʼanalarni boshdan kechirish orqali mahalliy aholi hayotini his qilish;
- Dasturda qatnashganlik uchun sertifikat beriladi.
Ushbu dasturda qatnashish uchun uch xil shakldan birini tanlab ariza topshirish mumkin:
- Xarajatlari toʻliq qoplanadigan (fully funded) — Koreyaga borish va qaytish xarajatlari, turarjoy, viza, aeroportdan kutib olish bilan bogʻliq xarajatlar, 2 mahal ovqatlanish, ichki transport xarajatlarini oʻz ichiga oladi. Dasturning ushbu turida qatnashish uchun ariza badalini toʻlash kerak — AYFN akademiyasi aʼzolari uchun $7, aʼzo boʻlmaganlar uchun $12.
- Xarajatlari qisman qoplanadigan (partially funded) — safar xarajatlari uchun 500 AQSH dollari beriladi; turarjoy, 2 mahal ovqatlanish, ichki transport va aeroportdan kutib olish bilan bogʻliq xarajatlar qoplanadi. Dasturning ushbu turida qatnashish uchun ariza badalini toʻlash kerak — AYFN akademiyasi aʼzolari uchun $5, aʼzo boʻlmaganlar uchun $10.
- Ishtirokchining oʻz hisobidan qoplanadigan (self funded) — bunda ishtirokchi Koreyaga borish-kelish xarajatlarini, viza, sugʻurta xarajatlarini oʻz hisobidan toʻlaydi. Turarjoy, 2 mahal ovqatlanish, ichki transport xarajatlari tashkilotchilar tomonidan qoplanadi. Bunda ariza badali $20.
Dasturning foydali jihatlari haqida ushbu havola orqali batafsil maʼlumot olish mumkin.
Qoʻshimcha maʻlumotlar
- Birinchi bosqich saralash natijalari 2023-yil 15-avgustda eʼlon qilinadi.
- Ushbu kuzgi oromgohda ishtirokchilar 3 yulduzli mehmonxonaga joylashtiriladi. Mehmonxonada yashash sharoiti juda yaxshi va juda toza. Erkaklar va ayollar alohida xonaga joylashtiriladi.
- Koreya oʻzining mazali va foydali taomlari bilan mashhur. Seul boʻylab koʻplab ajoyib restoranlar mavjud, agar ishtirokchilar vaqti-vaqti bilan ovqatlanmoqchi boʻlsa, dastur xodimlari unga bu borada koʻmak beradi.
- Avvalgi mavsum gʻoliblari haqida ushbu havola orqali oʻqish mumkin.