Barcha 16-35 yoshdagi yosh mutaxassis va talabalar uchun Turkiyada xarajatlari toʻliq qoplanadigan konferensiya

Mandela Residential Fellowship 2023 dasturi tenglik, adolat va ijtimoiy oʻzgarishlar uchun global himoyachi Nelson Mandelaning qarashlari va tamoyillariga asoslangan nufuzli tashabbus loyihasidir. 

Ushbu dastur kelib chiqishi turli xil boʻlgan rivojlanayotgan yetakchilarni kuchaytirish va ularni oʻz jamoalarida ijobiy oʻzgarishlarni amalga oshirish uchun zarur boʻlgan vositalar bilan taʼminlashga qaratilgan.

Dasturda yo'nalishidan qat'i nazar barcha talabalar, yosh mutaxassislar, ijtimoiy va sogʻliqni saqlash xodimlari, koʻngillilar, yosh liderlar qatnashishi mumkin.

Dastur 2023-yil 14-20 oktabr kunlari Turkiyaning Istanbul  shahrida boʻlib oʻtadi. Dastur tili- ingliz tili. 

Dasturga ariza topshirishning soʻnggi muddati — 2023-yil 25-avgust.

Dastur haqida batafsil maʼlumotni ushbu havola orqali olish mumkin.

• Ushbu dasturda talabalar, yosh mutaxassislar, ijtimoiy va sogʻliqni saqlash xodimlari, koʻngillilar, yosh liderlar ariza topshirishi mumkin;
• Barcha davlat fuqarolari qatnasha oladi;
• Barcha soha vakillari ishtirok etishi mumkin;
• 16-35 yosh oraligʻida boʻlish kerak; 
• Ingliz tilida muloqot qila olish kerak; IELTS sertifikati talab etilmaydi!
• Yangi gʻoyalarni rivojlantirishga hissa qoʻshish uchun kuchli ishtiyoqqa ega boʻlishi kerak.

Dastur talablari haqida ushbu havola orqali batafsil maʼlumot olish mumkin.

Mazkur dasturda xarajatlari toʻliq qoplanadigan (fully-funded) yoki oʻz hisobidan (self-funded) shaklida qatnashish mumkin:

• Xarajatlari toʻliq qoplanadigan shaklida ishtirokchilarning borish va kelish aviachiptasi, turarjoy, ovqatlanish bilan bogʻliq xarajatlari qoplab beriladi. Bunda ariza topshirish toʻlovi — $12,50;
• Oʻz hisobidan shaklida qatnashuvchi barcha xarajatlarni oʻz hisobidan toʻlaydi. Bunda ariza topshirish toʻlovi — $700;
• Dasturni muvaffaqiyatli tamomlagan ishtirokchilar sertifikatga ega boʻladilar.

Dasturda qatnashish uchun onlayn ariza shaklini toʻldirish kerak. Dasturning barcha xarajatlari qoplanadigan turiga hujjat topshirish ushbu havola orqali amalga oshiriladi.

Ariza shaklida shaxsiy maʼlumotlarni toʻldirish va dasturga aloqador savollarga maksimum 250 ta soʻz bilan javob berish kerak.

Shuningdek, quyidagi hujjatlarni yuklash lozim:

• Shaxsiy rasm (profile picture);
• Pasport yoki ID;
• CV.

Eslatma: Dasturning barcha xarajatlari qoplanadigan turiga hujjat topshirish badali — $12,50

Oʻz hisobidan qatnashish uchun ushbu havola orqali $700 toʻlovni toʻlab qatnashish mumkin.Ushbu ariza shaklida ishtirokchidan faqat pasport va shaxsiy rasm yuklash talab qilinadi.

Dasturga ariza topshirish haqida batafsil maʼlumotni ushbu havola orqali olish mumkin.

• Dastur haqida eng koʻp berilgan savollarga javoblarni (FAQs) ushbu havola orqali olish mumkin;
• Dastur bilan bogʻliq qoʻshimcha savol va takliflarni info@thecda.co elektron manziliga yuborish yoki +1 929-563-5617 raqamiga qoʻngʻiroq qilish mumkin;
• 20 ta ishtirokchining xarajatlari toʻliq qoplab beriladi;
• 15 ta ishtirokchi oʻz hisobidan qatnashish uchun tanlab olinadi;
• Yakuniy natijalar 2023-yil 10-sentabrda email yuborish orqali eʼlon qilinadi.