Barcha 23-32 yosh oraligʻidagilar uchun Parijda xarajatlari toʻliq qoplanadigan 8 kunlik YUNESKO xalqaro forumi

The World Heritage Young Professionals Forum 2024 (Jahon Merosi Yosh Mutaxassislar Forumi) Butunjahon merosi qoʻmitasi va YUNESKO tashkilotining Butunjahon merosi taʼlim dasturining 46-sessiyasi doirasida Hindiston Arxeologik tadqiqoti va Madaniyat vazirligi tomonidan tashkil etilmоqda.

Forum Hindistonning Dehli shahrida 2024-yil 14-23-iyul kunlari bоʼlib оʼtadi.

Forum mavzusi “XXI asrda Jahon merosi: yoshlar salohiyatini oshirish va imkoniyatlarni oʻrganish” boʻlib, asosiy maqsadi madaniy va tabiiy merosni muhofaza qilish, asrab-avaylash va ommalashtirish boʻyicha yosh mutaxassislarning bilim va koʻnikmalarini rivojlantirishdan iborat.

Hindistondan 20 nafar va boshqa mamlakatlardan 30 nafar ishtirokchi saralab olinadi. Mahalliy va xalqaro ekspertlar hamrohligida turli taqdimotlar, davra suhbatlari, muhokamalar va shaharning turli joylariga tashriflar oʻtkaziladi, bunda yosh mutaxassislar Jahon merosi va barqaror rivojlanish konsepsiyalarini muhokama qiladilar, shuningdek, mahalliy meros va uni boshqarish bilan tanishadilar. Forum yakunida qatnashchilar oʻz deklaratsiyasini taqdim etadilar.

Forum faqat ingliz tilida olib boriladi. Ishtirokchilar quyidagi mavzularda oʻz fikr va gʻoyalarini almashishlari mumkin:

• Jahon merosi konvensiyasining yutuqlari va muammolarini oʻrganish;
• Iqlim oʻzgarishi va uning jahon merosi obyektlariga taʼsiri;
• Jahon merosini targʻib qilishda innovatsion texnologiyalarni integratsiyalash;
• Umumjahon merosni asrab-avaylash bilan bir qatorda manfaatdor tomonlarni jalb etish;
• Yosh tadbirkorlarlar yordamida barqaror turizmni rivojlantirish.

Dastur haqida batafsil ushbu havоla оrqali maʼlumоt оlish mumkin.

Nomzodga qoʻyilgan talablar:

• Nomzod 23-32 yosh oraligʻida boʻlishi kerak;
• Ingliz tilini yaxshi bilish kerak, chunki forum ingliz tilida olib boriladi. Sertifikat talab qilinmaydi;
• Jahon merosi, tabiatni muhofaza qilish, arxeologiya, arxitektura, shaharsozlik va regeneratsiya, restavratsiya, sanʼat tarixi, turizm, iqlim oʻzgarishi va raqamli texnologiyalar sohalardan birida tajribaga ega boʻlish lozim;
• Olgan bilimlarini oʻz davlatida amalda qoʻllash istagi va kuchli motivatsiya;
• Jahon merosini boshqarishda hamjamiyat ishtirokini kuchaytirishga boʻlgan ishtiyoqqa ega boʻlish;
• Forumda toʻliq ishtirok eta olish kerak.

Dastur talablari haqida ushbu havоla оrqali batafsil maʼlumоt оlish mumkin.

Foydali tomonlari:

• Xalqaro aviachiptalar, mahalliy transport va ovqatlanish xarajatlari tashkilotchilar tomonidan toʻliq qoplanadi;
• Bepul turarjоy bilan taʼminlanadi;
• Tashkilotchilar sayohatga tayyorgarlik koʻrishda va viza masalalarida ishtirokchilarga yordam berishadi;

Eslatma! Agar ishtirokchi 2024-yil 23-iyuldan keyin mamlakatda qolish muddatini uzaytirishni istasa, barcha tegishli xarajatlar oʻzi tomonidan qoplanadi. Bunday holatda, mezbon davlat oldindan xabardor qilinishi kerak.

Forumda qatnashish uchun ushbu havola orqali ro‘yxatdan o‘tish kerak.

Dasturda ishtirok etish uchun quyidagi hujjatlarni ariza shaklida yuklash so‘raladi:

• PDF shaklidagi professional CV (maksimal ikki sahifa, 10 MB);
• Skanerlangan pasport fotosurati jpg, jpeg, gif yoki png formatida (maksimal, 10 MB);
• Boshqa hujjatlar (masalan, tilni bilish sertifikati, tavsiyanoma, trening sertifikatlari va boshqalar) ixtiyoriy.

Eslatma: barcha hujjatlar faqat ingliz tilida taqdim etilishi kerak. Ingliz tilidan boshqa tillarda taqdim etilgan arizalar ko‘rib chiqilmaydi.

Ariza tорshirish shartlari haqida batafsil ushbu havоla оrqali bilib оlish mumkin.

Nomzodlarga quyidagilar baholash jarayonida ustunlik berishi mumkin:

•  Barqaror geografik vakillik;
• Gender tengligi;
• Kasbiy bilimlarning xilma-xilligi;
• Olingan tajribani o‘z mamlakati yoki biror muassasada amalda qo‘llash qobiliyati;
• Jahon merosi obyektlarini boshqarish amaliyoti bo‘yicha bilim va tajriba. 

Ushbu havola orqali avvalgi mavsum bilan tanishish mumkin.

Dastur haqida qо'shimcha savоllar yuzasidan quyidagi emaillar оrqali murоjaat qilish mumkin:

• dirins.asi@gmail.com 
• wh-ypf@unesco.org