Barcha bosqich talabalari uchun to'liq hamda qisman moliyalashtiriluvchi Shanghai Government Scholarship dasturi. Oylik stipendiya - $554gacha

Shanghai Government Scholarship — Shanxay shahar hukumati stipendiyasi 2006-yilda tashkil etilgan boʻlib, xalqaro talabalar taʼlimining rivojlanishini va koʻplab yoshlarni East China Normal University (ECNU)ga stipendiat talaba boʻlishga undashni maqsad qilgan.

Ushbu dastur bakalavriat, magistratura hamda doktorantura bosqichini East China Normal University (ECNU)da oʻqish niyatida boʻlgan barcha yoshlar uchun moʻljallangan. Bakalavriat bosqichini oʻqish uchun nomzodlar HKS sertifikatidan 3-darajaga ega boʻlishlari lozim. Agar ushbu darajaga ega boʻlmasalar, homiylik ostida toʻliq stipendiya bilan xitoy tilini oʻrganish uchun bir yillik kollejgacha boʻlgan dasturga 10-maydan kechiktirilmagan holatda ariza topshirishlari mumkin. Ushbu til oʻrganish dasturidan keyin ham soʻralgan HSK darajasini qoʻlga kirita olmagan ishtirokchilar xitoy tili talabasi sifatida bitiradi.

Dasturga qabul qilingan nomzodlar uchun xarjatlar toʻliq hamda qisman moliyalashtiriladi. Toʻliq moliyalashtiriladigan talabalar turar joy, oylik stipendiya, sugʻurta bilan taʼminlanadi va oʻqish toʻlovlaridan ozod qilinadi.

Dasturning 2022-yil kuzgi semestriga ayni damda arizalar qabul qilinmoqda. Dasturning boshlanish va tugash sanalari 2022-yilning aprel oylarida rasmiy manbalarda eʼlon qilinadi.

Dastur haqida batafsil ushbu havola orqali tanishish mumkin.

Dasturda ishtirok etishi uchun nomzodlar quyidagi talablarga javob berishlari lozim:

• Ishtirokchi Xitoy fuqarosi boʻlmasligi lozim;
• Nomzodning sogʻligʻi yaxshi boʻlishi kerak;
• Kollejgacha taʼlim dasturiga talabgorlar oʻrta maktab shahodatnomasiga ega boʻlishlari va 23 yoshdan oshmasliklari lozim;
• Bakalavr dasturi uchun daʼvogarlar oʻrta maktab shahodatnomasiga ega boʻlishlari va yosh chegarasi 25 yoshdan kichik boʻlishi kerak;
• Shuningdek, bakalavr bosqichi uchun nomzodlardan HSK-3 darajasidagi xitoy tilini bilish sertifikati talab qilinadi;
• Magistratura bosqichi uchun bakalavr darajasi hamda nomzodning 35 yoshdan kichik boʻlishi talab qilinadi;
• Doktorantura bosqichi uchun nomzod 40 yoshdan kichik boʻlishi va magistratura diplomiga ega boʻlishi kerak;
• Oldin Xitoy hukumati yoki boshqa tashkilotlar tomonidan taqdim etilgan har qanday stipendiyani yutib olgan talabalar Shanghai Government Scholarshipga ariza bera olmaydilar.

Dastur maqbullik shartlari haqida batafsil ushbu havola orqali tanishish mumkin.

Dastur ikki xil usulda moliyalashtiriladi.

A) Toʻliq qoplanadigan dastur oʻz ichiga quyidagilarni oladi:

• Nomzod oʻqish toʻlovlaridan ozod qilinadi;
• Universitet hududidan yashash joyi bilan taʼminlanadi;
• Tibbiy sugʻurta va yashash xarajatlari uchun oylik stipendiya beriladi (Doktorantura uchun — CNY3500; Magistratura uchun - CNY3000; Bakalavr uchun — CNY2500).

B) Qisman moliyalashtiriladigan dastur quyidagi imtiyozlarni oʻz ichiga oladi:

• Nomzod oʻqish toʻlovlaridan ozod qilinadi;
• Tibbiy sugʻurta beriladi.

Dastur imtiyozli jihatlari haqida batafsil ushbu havola orqali tanishish mumkin.

Dasturga hujjat topshirish uchun nomzodlar quyidagilarni amalga oshirishlari lozim:

• Nomzod ushbu havola orqali ECNUga roʻyxatdan oʻtishi va ariza berish toʻlovini toʻlashi lozim;
• Soʻngra ushbu havola orqali SGS (Shanghai Government Scholarship) stipendiyasi uchun roʻyxatdan oʻtishi, onlayn ariza shaklini yuklab olishi kerak. (ECNUning idoraviy kodi 10269);

Har bir bosqich uchun talab qilinadigan hujjatlar roʻyxati bilan quyidagi havolalar orqali tanishish mumkin:

• Bakalavriat
• Magistratura
• Doktorantura

Eslatma: Fax yoki email orqali joʻnatilgan, ariza berish toʻlovi toʻlanmagan va roʻyxatda koʻrsatilgan hujjatlarda kamchiligi bor boʻlgan arizalar qabul qilinmaydi. Ariza berish toʻlovi nomzod qabul qilinsa ham, qilinmasa ham qaytarib berilmaydi. Nomzoddan hujjatlarning chop etilgan nusxasi pochta orqali joʻnatishi soʻralmaydi.

Dasturga hujjat topshirgandan keyin nomzodlardan email yoki ECNUdagi onlayn ariza berish akkauntini intervyu haqidagi kelishuvlarni bilish uchun tekshirib turishlari soʻraladi. Soʻnggi natijalarni nomzodning hujjat topshirgan akkaunti yoki Global Education Center website orqali bilish mumkin.

Qabul qilingan talabalar haqiqiy bitiruv sertifikati va diplomlari bilan oʻz vaqtida roʻyxatdan oʻtishlari kerak. Agarda talabalar tegishli bitiruv sertifikati va diplomlarni taqdim eta olmasalar, roʻyxatdan oʻta olmaydilar.

Eng koʻp beriladigan savollar bilan ushbu havola orqali tanishish mumkin.

Qoʻshimcha savol va murojaatlar uchun quyidagi manzillarga murojaat qilish mumkin:

Bakalavr dasturi uchun (Xalqaro xitoyshunoslik va ingliz tili maktabi boʻyicha): ZHANG Juanmei jmzhang@gec.ecnu.edu.cn

Bakalavr dasturi uchun (boshqa ariza beruvchilar): Sun Xiaoqian xqsun@gec.ecnu.edu.cn

Magistratura bosqichi uchun: ZHU Xinnan (Cassie) xnzhu@gec.ecnu.edu.cn

Doktorantura bosqichi uchun: YIN Ying yyin@ied.ecnu.edu.cn

Tel: +86-21-62238353 / 62232013

Fax: +86-21-62238352

Manzil: 253 — xona, Fizika binosi, East China Normal Universiteti, 3663 North Zhongshan koʻchasi, Shanxay 200062, Xitoy.