Barcha bosqich talabalariga 40ga yaqin yoʻnalishda amaliyot oʻtash imkoniyati — Organisation for Economic Cooperation and Development (OECD) dasturi

Organisation for Economic Cooperation and Development — Iqtisodiy hamkorlik va taraqqiyot tashkiloti OECD Internship Program amaliyot dasturiga qabulni ochiq deb eʼlon qiladi.

Amaliyotda asosan OECD tashkilotiga aʼzo mamlakat fuqarolari qatnasha oladi. Biroq ushbu tashkilotga aʼzo boʻlmagan mamlakat fuqarolari uchun ham turli dastur va loyihalar (masalan, International Tax Forum, ITF, NEA) ishlab chiqilgan.

Amaliyotning asosiy maqsadi muvaffaqiyatli nomzodlarga xalqaro muhitda tahliliy va texnik koʻnikmalarini oshirish imkoniyatini berishdir.

Amaliyot dasturi doimiy ravishda ochiq. Amaliyotning butun muddati davomida toʻliq akkreditatsiyadan oʻtgan (bakalavr, magistr, PhD) talabalar onlayn ariza topshirishlari mumkin. Tanlangan amaliyotchilar zarur boʻlganda masofadan turib ham, gibrid shaklida ham ishlashlari mumkin.

Amaliyotda bir qator sohalar boʻyicha ishtirok etish mumkin. Ushbu yoʻnalishlar roʻyxati bilan batafsil ushbu havola orqali tanishish mumkin.

Dastur uchun amaliyotlar asosan Fransiyaning Parij shahrida oʻtkaziladi. Amaliyot qoplagan yoʻnalishi boʻyicha 1 oydan 6 oygacha davom etishi, zarur boʻlganda bir yilga ham uzaytirilishi mumkin.

Dasturga ariza topshirish har doim ochiq boʻlib quyidagi muddatlar uchun ariza topshirish mumkin:

• 2023-yil 1-sentyabr
• 2024-yil 1-mart
• 2024-yil 1-sentyabr
• 2025-yil 1-mart

Dastur ishtirokchilariga yashash xarajatlari uchun 700 yevro oylik stipendiya beriladi.

Dasturda ishtirok etish uchun nomzodlardan quyidagilar talab etiladi:

• Dasturda qatnashish uchun yosh chegarasi belgilanmagan;
• Dasturda yoʻnalishi OECD tashkiloti sohalariga yaqin boʻlgan, bakalavr, magistratura yoki PhD bosqichini kunduzgi taʼlim (full-time) shaklida oʻquvchi talabalar qatnashishi mumkin. Amaliyot yoʻnalishlari bilan ushbu havola orqali tanishish mumkin;
• Nomzod eng kamida 1 oylik amaliyot muddatini oʻtay oladigan boʻlishi lozim;
• Til sertifikati soʻralmaydi lekin tashkilot rasmiy tillari boʻlgan fransuz yoki ingliz tilidan birini yaxshi bilishi yoki ushbu tillarni oʻrganish uchun qiziqishga ega boʻlishi lozim. Shuningdek, OECD da ishlatiladigan boshqa tillarni biladigan nomzodlarga ustunlik ham berilishi mumkin;
• Ishtirokchi mustahkam miqdoriy (quantitive) hamda IT koʻnikmalariga ega boʻlishi kerak;
• Xalqaro hamda koʻp madaniyatli muhitda ishlay olishga qodir boʻlishi lozim.

Dastur maqbullik shartlari haqida batafsil ushbu havola orqali tanishish mumkin.

Dasturga qabul qilingan nomzodlar quyidagi imkoniyatlarga ega boʻladi:

• Yashash xarajatlari uchun stajyorlarga tax. oylik 1000 yevro pul miqdori beriladi;
• Xalqaro miqyosda tajriba olib borish imkoniyatiga ega boʻladi.

Dastur manfaatli jihatlari haqida batafsil ushbu havola orqali tanishish mumkin.

Dasturga ariza topshirish uchun nomzodlardan ushbu havola orqali ariza topshirishlari soʻraladi.

Dasturga qabul ikki bosqichda olib boriladi. Onlayn arizalari muvaffaqiyatli boʻlgan nomzodlar intervyu bosqichiga chaqiriladi. Dasturga har yili 500 nafar ishtirokchi qabul qilinadi.

Eng koʻp soʻralgan savollar roʻyxati bilan batafsil ushbu havola orqali tanishish mumkin.

Qoʻshimcha savol va murojaatlar uchun:

HRM.InternshipOffice@oecd.org