Barcha fotosuratchilar uchun umumiy mukofot jamgʻarmasi 78 million soʻmlik Wiki Ilmiy Fotosuratlar tanlovi

Wiki Ilmiy Fotosuratlar Tanlovi Oʻzbekiston Fanlar akademiyasini tanlovga taklif etadi. Oʻzbekistonda ilk bor Pizik va Oʻzbek Wikimedia hamjamiyati hamkorligi bilan tashkil etilayotgan Wiki Ilmiy Fotosuratlar tanlovining milliy bosqichi oʻtkazilmoqda.

Wiki Ilmiy Fotosuratlar tanlovi — ilm-fan boʻyicha xalqaro fotosuratlar tanlovi hisoblandi. Bu tanlov Vikipediya tarkibidagi Vikimedia tashkiloti tomonidan tashkil etilgan.

Tanlovda 7 ta kategoriya mavjud:

1. Ilm-fandagi odamlar;
2. Mikroskopik tasvirlari;
3. Nofotografik suratlar;
4. Tasvirlar toʻplami;
5. Yovvoyi tabiat va tabiat manzaralari;
6. Astronomik tasvirlar;
7. Umumiy toifa.

Tanlov tugaganidan soʻng xalqaro tanlov qoidalariga muvofiq hakamlar hayʼati jami 14 tagacha fotosuratni (har bir toifadan 2 tadan) tanlaydi. Hakamlar hayʼati tomonidan tanlab olingan barcha suratlar xalqaro bosqichda ishtirok etadi.

Dastur haqida batafsil ushbu havola orqali maʼlumot olish mumkin.

• Ilm-fan boʻyicha noyob va qiziqarli surat olishga qiziqqan barcha fotosuratchilar qatnashishi mumkin;
• Nomzod fotosuratni shaxsan oʻzi olishi va CC-BY-SA-4.0 kabi erkin litsenziya asosida nashr qilishi lozim;
• Ishtirokchi mahalliy yoki Vikimediyadagi global foydalanuvchi sifatida roʻyxatdan oʻtgan boʻlishi hamda akkauntidagi sozlamalar orqali faollashtirilgan elektron pochta manzili boʻlishi kerak.

Ijodiy ishga qoʻyilgan talablar:

• Nomzod toʻliq mualliflik huquqiga ega boʻlishi shart;
• Surat obyekti ilmiy konsepsiyani toʻliq aks ettirishi, yuqori sifatli va vizual jihatdan jozibali boʻlishi kerak;
• Ijodiy ishlarni istalgan vaqtda olish mumkin;
• Koʻrsatilgan ilmiy hodisa, mavzu yoki jihoz uchun yaxshi tavsif yozish talab qilinadi. Bu boshqalarga ishni yaxshiroq tushunish uchun imkon yaratadi;
• Har bir nomzod bir nechta rasm joylashtirishlari mumkin yaʼni suratlar soniga hech qanday cheklov qoʻyilmagan;
• Fotosuratning mavzusi fan bilan bogʻliq boʻlishi kerak. Masalan: ilmiy asbob-uskunalar, tadqiqot ishlari, laboratoriyalar, tajribalar yoki ilmiy maqsadda olingan tabiiy hodisalar. Fan yoki ilmiy hujjatlashtirishga aloqasi boʻlmagan odamlar, binolar yoki buyumlarning suratlari odatda mavzuga mos emas deb hisoblanadi;
• Fotosurat yaxshi sifatli, kontrast, oq balans va ekspozitsiya sozlamalari toʻgʻri boʻlishi hamda oʻlchami kamida 2 megapiksel boʻlishi kerak. Past sifatli (yuvilib qolgan, kontrasti oshib ketgan, buzuq koʻrinishdagi va hokazolar) yoki past aniqlikdagi fotosuratlarni yuklash mumkin, biroq ularda gʻolib boʻlish va xalqaro bosqichga chiqish imkoniyati yoʻq;
• Yuklangan fotosuratlar Vikipediya maqolalarini rasmlar bilan bezash uchun mos boʻlishi kerak. Shuning uchun suv belgili, rasmdagi sanalar yoki illyustrativ foydalanishni qiyinlashtiradigan boshqa qoʻshimchalari boʻlgan fotosuratlarga ruxsat berilmaydi.

Nomzodlarga va ijodiy ishlarga qoʻyilgan talablar bilan batafsil ushbu havola orqali tanishib chiqish mumkin.

• Tanlovda 5,600 yevro (~78 mln soʻm) miqdoridagi pul mukofoti gʻoliblar oʻrtasida taqsimlandi.

• Tanlovda qatnashishni istagan yoshlar oʻz ishlarini 2025-yil 25-oktyabr, soat 00:00 dan 30-noyabr, soat 23:59 gacha yuklashlari kerak.
• Ishtirokchilar ijodiy ishlarini ushbu havola orqali roʻyxatdan oʻtib, yuklashlari mumkin.

Barcha fotosuratlar 2 bosqichda baholanadi:

• Birinchi bosqichda hakamlar hayʼati barcha fotosuratlarni qoidalarga muvofiqligini tekshiradi;
• Ikkinchi bosqichda qoidalarga muvofiq fotosuratlar sifati, mavzuga mosligi va konkret bir madaniy yodgorlikka aloqadorligi tekshiriladi.

Eslatma: Hakamlar hayʼatining barcha qarorlari yakuniy hisoblanadi va ular qayta koʻrib chiqilmaydi.

• Dasturga hujjat topshirish uchun oxirgi muddat: 2025-yil 30-noyabr (23:59);
• Tanlov boʻyicha savollar bilan @sardor_karimm ga murojaat qilish mumkin.