Barcha havaskor va professional arxitektor hamda dizaynerlar uchun “House of the Future competition” tanlovi. Mukofotning umumiy jamgʻarmasi — 250,000 yevro!
-
25/04/2023 Qabul boshlanishi
-
Mukofot Moliyalash turi
-
Birlashgan Arab Amirliklari Davlat
-
30/09/2023 04:00 Oxirgi muddat
Umumiy maʻlumotlar
BUILDNER platformasi barcha havaskor va professional arxitektor va dizaynerlar uchun “House of the Future competition” tanlovini taqdim qiladi. Tanlov ishtirokchilariga Dubaydagi Amirlik fuqarolari uchun yangicha koʻrinishdagi uylarning innovatsion loyihalarni yaratish vazifasi yuklatiladi. Dubay hukumati bilan hamkorlikda maxsus tuzilgan hakamlar hayʼati mahalliy aholi uchun mavjud takliflarni yanada yangilash, ularni mamlakat va uning aholisining meʼmoriy estetikasi bilan yanada uygʻunroq qilish uchun zamonaviy uslubdagi loyihalarni qidirmoqda. Mukofotning umumiy jamgʻarmasi — 250,000 yevro.
Tanlov uchun roʻyxatdan oʻtuvchilar quyidagi turlarga ajratiladi:
1 — Talabalar:
Ushbu tur individual talabalar va talabalar jamoalari uchundir. Talabalar jamoasi gʻolib boʻlgan taqdirda, natijalar eʼlon qilinganda universitet nomi va veb-sayti barcha jamoa aʼzolarining ismlari bilan birga taqdim etiladi.
2 — Kompaniyalar:
Ushbu tur maʼlum bir kompaniya bilan bogʻlanishni istagan shaxslar va jamoalar uchun. Agar kompaniya jamoasi gʻolib boʻlsa, natijalar eʼlon qilinganda kompaniya nomi va veb-sayti barcha jamoa aʼzolarining ismlari bilan birga taqdim etiladi.
3 — Arxitektura dizaynerlari va havaskorlar:
Ushbu tur talaba yoki kompaniya turiga mansub boʻlmagan boshqa shaxslar va jamoalar uchun.
4 — Litsenziyaga ega arxitektorlar:
Ushbu tur talaba yoki kompaniya turiga mansub boʻlmagan va arxitektura sohasida litsenziyaga ega boshqa shaxslar va jamoalar uchun.
Maʼlumot uchun: BUILDNER — yetakchi arxitektura musobaqalarini tashkil qiluvchi platforma hisoblanadi. U arxitektura va dizayn ixlosmandlarining xalqaro tarmogʻi bilan tanlov tashkilotchilarini bogʻlash vazifasini bajaradi. BUILDNER tashkilotchilari arxitektura loyihalari uchun toʻliq qamrab olingan tashkiliy ishlarni amalga oshiradilar. Arxitektura olamida barcha turdagi davlat va xususiy loyihalar boʻyicha tanlovlar tashkil etish anʼanasi mavjud. BUILDNER platformasining maqsadi havaskor dizaynerlar va mutaxassislarining xalqaro tarmogʻini yaratishda ushbu anʼanani davom ettirishdir.
Tanlov haqida batafsil ushbu havola orqali maʼlumot olish mumkin.
Maqbullik shartlari
- Butun dunyo boʻylab barcha havaskor va professional arxitektor va dizaynerlar ishtirok etishi mumkin;
- Ishtirokchilar kamida 18 yoshda boʻlishlari kerak;
- Hech qanday professional malaka talab qilinmaydi;
- Dizayn takliflari yakka tartibda yoki jamoalar tomonidan ishlab chiqilishi mumkin (maksimal jamoa aʼzolari soni — 4 ta);
- Ingliz tilini bilish talab qilinadi (sertifikat soʻralmaydi);
- Roʻyxatdan oʻtish uchun toʻlov amalga oshirish lozim:
- 25-apreldan 7-iyungacha — 150 yevro;
- 8-iyundan 7-sentabrgacha — 170 yevro;
- 8-sentabrdan 30-sentabrgacha — 190 yevro.
Muhim: Faqat taniqli universitet xodimlari ishtirokchi talabalari uchun toʻlovlarni kamaytirishni soʻrab ariza topshirishlari mumkin.
Talabalarga qoʻyilgan talablar:
- Barcha jamoa aʼzolari roʻyxatdan oʻtish vaqtida talaba boʻlishi kerak;
- Talabalar arxitektura sohasini oʻrganayotgan boʻlishlari shart emas;
- Barcha talabalar bitta universitetdan boʻlishi kerak;
- Roʻyxatdan oʻtgandan soʻng talabalardan universitet tomonidan tayinlangan maxsus vakilning aloqa maʼlumotlarini taqdim etishlari soʻraladi. Koʻrsatilgan universitet vakili tanlov haqida xabardor boʻlishi kerak. Chunki tashkilotchilar talaba haqidagi maʼlumotlar haqiqiyligini tasdiqlash uchun universitet tomonidan tayinlangan maxsus vakilga murojaat qilishi mumkin;
Kompaniyalarga qoʻyilgan talablar:
- Kompaniya tomonidan tayinlangan maxsus vakil roʻyxatdan oʻtish vaqtida kompaniyada ishlagan boʻlishi va tanlov haqida xabardor boʻlishi kerak;
- Kompaniya arxitektura sohasi bilan bogʻliq boʻlishi shart emas;
- Har bir ishtirokchi faqat bitta kompaniya vakili boʻlishi lozim.
Arxitektura dizaynerlari va havaskorlarga qoʻyilgan talablar:
- Roʻyxatdan oʻtish uchun butun dunyo boʻylab barcha jismoniy shaxslar va jamoalar qabul qilinadi.
Litsenziyaga ega arxitektorlarga qoʻyilgan talablar:
- Kamida 1 jamoa aʼzosi litsenziyaga ega arxitektor boʻlishi kerak.
Loyihada yaratiladigan binolarga qoʻyilgan talablar:
- Loyihalarni yaratishda Dubayning ob-havosi inobatga olinish va aholining oʻziga xos madaniyatini oʻrganish lozim;
- Umumiy qurilish xarajatlari 1 million Amirlik dirhamidan oshmasligi kerak va barcha xarajatlarni, shu jumladan, ichki va jihozlash xarajatlarini oʻz ichiga olishi kerak;
- Bino 3 qismdan tashkil topishi mumkin:
- Ground floor (birinchi etaj);
- First floor (ikkinchi etaj);
- Basement (podval).
- Har qanday taklif qilinadigan uy maydoni 450 kvadrat metrdan oshmasligi lozim;
- Dizaynlar har qanday joyga moslasha oladigan darajada mukammal boʻlishi kerak;
- Binoning ichida quyidagilar boʻlishi shart:
- Yotoqxonalar (3-4 tagacha);
- Avtoturargoh (kamida 2 ta mashina uchun);
- Bogʻ;
- Oshxona;
- Mehmonxona;
- Vanna + hojatxona (har bir yotoqxona va mehmonxona uchun);
- Har bir yotoqxona uchun kiyinish xonasi.
Eslatma: Tanlov ishtirokchilari anonim tarzda baholanadi. Shuning uchun litsenziyaga ega arxitektorlardan tashkil topgan guruhlar baholash jarayonida ustunlikka ega boʻlmaydilar.
Muhim: Tashkilotchilar bilan yozishmalar ingliz tilida olib boriladi hamda ishtirokchilar tomonidan taqdim etilgan barcha maʼlumotlar aynan shu tilda boʻlishi kerak.
Ishtirokchilarga qoʻyilgan talablar haqida batafsil ushbu havola orqali maʼlumot olish mumkin.
Foydali tomonlari
- Mukofotning umumiy jamgʻarmasi — 250,000 yevro:
- 1-oʻrin — 140,000 yevro;
- 2-oʻrin — 45,000 yevro;
- 3-oʻrin — 20,000 yevro;
- “Self-sufficient house” dizayni uchun bonus — 45,000 yevro.
- Gʻoliblarga va loyiha rivoji uchun oʻz hissasini qoʻshganlarga maxsus sertifikat taqdim etiladi;
- Xalqaro auditoriyaga oʻz loyihalarini koʻrsatish imkoniyati mavjud. Chunki loyihalar natijasi buildner.com saytiga joylanadi (saytning bir milliondan ortiq obunachisi bor);
- Tanlov gʻoliblariga oʻzlari haqida video taqdim etish imkoniyati beriladi. Ushbu video Buildner platformasining veb-sayti va ijtimoiy tarmoqlarda eʼlon qilinadi;
- Tanlov natijalari xalqaro sanʼat va dizayn ommaviy axborot vositalarida yoritiladi va dunyoning yetakchi arxitektura boʻyicha ommaviy axborot vositalarida namoyish etiladi.
Qoʻshimcha maʻlumotlar
- Tanlov ishtirokchilari yoki ularning vakillari har qanday holatda ham hakamlar hayʼati aʼzolari bilan bogʻlanmasligi kerak. Hakamlar hayʼati aʼzolari bilan bogʻlanishga uringan ishtirokchilar tanlovdan chetlashtiriladi. Musobaqa bilan bogʻliq barcha savollar bilan contact@buildner.com elektron manziliga murojaat qilish lozim;
- Tez-tez beriladigan savollarga javob bu yerda;
- Gʻoliblar 2023-yil 30-noyabr kuni eʼlon qilinadi;
- Loyihalarni topshirishning oxirgi kuni: 1-oktabr, 2023-yil (15:59);
- Oxirgi muddat: 30-sentabr, 2023-yil (04:00).
Eslatma: Musobaqa haqida savollar bilan faqat 2023-yil 6-oktabrgacha murojaat qilish mumkin.