Barcha rassomlar uchun “57th World Gallery of Cartoons — Skopje 2025” tanlovi. Gʻolibga $1,500 va Makedoniyadagi ko'rgazmaga taklif!

“57th World Gallery of Cartoons — Skopje 2025” tanlovining bosh maqsadi — havaskor va professional rassomlarni qoʻllab-quvvatlash. Ushbu tanlov 1969-yildan beri oʻtkazib kelinadi.

Tanlov tashkilotchisi — OSTEN Skopye, Shimoliy Makedoniya Respublikasi.

Mazkur tanlovni tashkil etish jarayoni toʻrt bosqichdan iborat:

• Ariza shaklini toʻldirish — (2025-yil mart — may);
• Saralash + tanlangan rasmlarning nashri (2025-yil iyun — avgust);
• Tanlov finalchilarni eʼlon qilish (2025-yil sentyabr);
• Gʻoliblarni eʼlon qilish (2025-yil sentyabr).

Tanlovda tili, millati, dini, yoshi, ijtimoiy va geografik kelib chiqishidan qatʼi nazar rasm chizishga qiziquvchi barcha ishtirok etishi mumkin.

Tanlovga komik, satirik, multfilmlar yoki maʼlum hikoya uchun rasmlar qabul qilinadi.

Ishtirokchilar 2 shakldagi ishlar bilan qatnasha oladi:

• Original ishlar — qoʻlda yaratilgan asarlar, qogʻozga yoki boshqa vositaga chizilgan ishlar;
• Raqamli ishlar - bosmadan (printerdan) chiqarilgan, raqamlangan va old tomoniga qalam bilan imzo qoʻyilgan ishlar.

Tanlovning asosiy gʻolibi 1,500 AQSH dollari va maxsus haykalcha bilan taqdirlanadi.

Tanlov tashkilotchisi barcha ishtirokchilarni 2025-yil noyabr oyida Skopyeda boʻlib oʻtadigan dunyo rasm/ galereyalarining (WORLD GALLERY of CARTOONS) 57 yilligi munosabati bilan boʻlib oʻtadigan rasmlar koʻrgazmasiga taklif etadi.

Mazkur tanlov haqida toʻliq maʼlumotni ushbu havola orqali olish mumkin.

• Rasm chizishga qiziqadigan barcha ishtirok etishi mumkin;
• Topshiriladigan rasmlar asl (original), oldin eʼlon qilinmagan va boshqa tanlovda namoyish etilmagan boʻlishi kerak;
• Bir ishtirokchi beshtagacha rasm bilan qatnashishi mumkin;
• Mazkur tanlovda multfilm uchun, hikoya uchun rasmlar, komik va satirik rasmlar (cartoons | satirical drawing | comic/strip (onepanel of non-linguistic strip) bilan ishtirok etish mumkin;
• Rasmlarning formati А3 (42 х 30 см) or А4 (30 х 21 см) shaklida boʻlishi kerak.

Eslatma: Hakamlar hayʼati tomonidan boshqa rassomning taniqli asarlari bilan bir xil yoki yaqindan oʻxshash deb topilgan rasmlar baholanmaydi.

Muvofiqlik talablari haqida ushbu havola orqali batafsil bilib olish mumkin.

Ushbu tanlov gʻoliblari quyidagicha ragʻbatlantiriladi:

• Tanlovning asosiy gʻolibi (Grand Prix) 1,500 AQSH dollari va maxsus haykalcha bilan taqdirlanadi;
• 1-oʻrin sohibi 1,000 AQSH dollari va maxsus nishon;
• 2-oʻrin sohibi 500 AQSH dollari va maxsus nishon;
• 5 nafar 3-oʻrin sohiblari maxsus yorliq nishon;
• 5 nafar maxsus mukofot sohiblari maxsus yorliq nishon.

Shuningdek, gʻolib, finalist va saralangan deb topilgan rasmlar 57th WGC (World Gallery of Cartoons) Skopye 2025 maxsus katalogida chop etilib, koʻrgazmada namoyish etiladi.

Tanlovning foydali jihatlari haqida batafsil ushbu havola orqali oʻqish mumkin.

• Ushbu tanlovda qatnashmoqchi boʻlganlar maxsus ariza shaklini (kompyuterda yoki qoʻlda) toʻldirishi kerak — ariza shaklini ushbu havola orqali yuklab olish mumkin;
• Ariza shaklini toʻldirib boʻlgach, uni imzolashi va unga oʻz fotosuratini ham joylashtirishi lozim;
• Maxsus toʻldirilgan ariza shakli bilan birgalikda tanlov uchun chizgan rasmlarini ham cartoons@osten.com.mk elektron manziliga yuborishi kerak.
• Ishtirokchilar ishlarni pochta orqali yuborishi ham lozim; bunda topshiriladigan barcha rasmlar orqasiga ism-familiya, qaysi davlatdan ekanligi va rasm sarlavhasi yozilishi kerak;
• Konvertning ustiga NON-COMMERCIAL SHIPMENT / FOR EXHIBITION ONLY! deb yozish talab etiladi.

Pochta manzili quyidagicha:

• OSTEN — WORLD GALLERY of CARTOONS
• 8 Strike Brigade 2, 1000 Skopje, North Macedonia

Eslatma: Topshirilgan ishlar Makedoniyaga 2025-yil 31-maygacha yetib kelishi kerak.

Ariza topshirish haqida batafsil ushbu havola orqali oʻqish mumkin.

Tanlovda ishtirok etmoqchi boʻlganlar 2 xil qatnashish shaklini tanlashi mumkin:

• Bepul ishtirok etish — bunda qatnashchilarning tanlov uchun topshirgan ishlari OSTEN kolleksiyasida olib qolinadi;
• Pulli ishtirok etish (20 AQSH dollari) — bunda qatnashchilarning tanlov uchun topshirgan ishlari oʻzlariga qaytarib joʻnatiladi.

Rasmlar oʻziga qaytarib joʻnatilishini istagan ishtirokchilar quyidagi bank hisob raqamiga 20 AQSH dollari miqdorida toʻlov qilishi kerak:

Beneficiary: OSTEN DOOEL SKOPJE, 8 Udarna Brigada 2, Skopje 1000, N. Macedonia IBAN: MK07210701000702188 | SWIFT: TUTNMK22 Bank: NLB AD SKOPJE, Majka Tereza 1, Skopje 1000, N. Macedonia

“57th World Gallery of Cartoons — Skopje 2025” tanlovi bilan bogʻliq qoʻshimcha savol va takliflarni cartoons@osten.com.mk emailiga yuborish mumkin.