Barcha havaskor va professional rassomlar uchun umumiy mukofoti 1800 yevrolik Zagreb 2023 xalqaro karikaturalar tanlovi

Xorvatiya Karikatura Assotsiatsiyasi Zagreb 2023 28-xalqaro karikaturalar tanlovini eʼlon qiladi. Dasturda 18 yoshdan oshgan barcha davlat fuqarolari ishtirok etishlari mumkin. Ishtirokchilardan oʻzlarining uy hayvonlari mavzusidagi 3 tadan oshmagan karikaturalarini joʻnatish soʻraladi. Tanlovga ishlar qogʻoz shaklida va elektron shaklda qabul qilinadi. Dastur gʻoliblariga umumiy 1800 yevro miqdorida mukofot puli ajratilgan.

Tanlovga roʻyxatdan oʻtish jarayoni 2023-yil 28-aprelgacha davom etadi.

Dasturda ishtirok etish uchun quyidagi talablar mavjud:

• Tanlovda millati, jinsi va mutaxassisligidan qatʼi nazar 18 yoshdan oshgan barcha davlat fuqarolari ishtirok etish huquqiga ega;
• Tanlovga taqdim etilayotgan karikaturalar uy hayvonlari mavzusida boʻlishi kerak;

Dasturga taqdim etilayotgan ishlarga quyidagi talablar qoʻyilgan:

• Karikaturalar qogʻoz shaklida va elektron shaklda qabul qilinadi. Qogʻoz shaklida topshirilgan ishlar qalamda raqamlangan hamda imzolangan boʻlishi kerak;
• Elektron shakldagi ishlar A4 yoki A3 oʻlchamda, 300 dpi, jpeg formatlarda qabul qilinadi;
• Topshirilgan karikaturalar oq, qora yoki rangli shaklda boʻlishi mumkin;
• Karikaturalarning orqa tomonida muallifning ismi, familiyasi va manzili yozilgan boʻlishi lozim;
• Tanlovga berilgan ishlar bundan oldin boshqa festival yoki tanlovlarda mukofotlanmagan boʻlishi kerak;
• Dasturga 3 tadan ortiq karikatura qabul qilinmaydi.

Dastur talablari haqida ushbu havola orqali maʼlumot olish mumkin.

Dasturning quyidagi foydali jihatlari mavjud:

• Birinchi oʻrin sohibiga 1000 yevro pul mablagʻi taqdim etiladi;
• Ikkinchi oʻrin sohibiga 500 yevro pul mablagʻi taqdim etiladi;
• Uchinchi oʻrin sohibiga 300 yevro pul mablagʻi taqdim etiladi;
• Bundan tashqari yana beshta faol ishtirokchi ham mos ravishda taqdirlanadi.

Tanlovda ishtirok etish uchun avvalambor roʻyxatdan oʻtiladi. Undan soʻng, joʻnatiladigan karikaturaning qogʻoz shaklida yoki elektron shakldaligiga qarab tegishli manzilga joʻnatiladi.

Qogʻoz shaklidagi karikaturalar quyidagi manzilga joʻnatilishi soʻraladi:

Xorvatiya Karikatura assotsiatsiyasi (Croatian Cartoonist Association- Hrvatsko Drustvo Karikaturista), Savska cesta 100, 10000 Zagreb, Xorvatiya.

Elektron shakldagi karikaturalar quyidagi manzilga joʻnatilishi soʻraladi:

E-mail: hdk.entries@gmail.com;

(Formati: JPEG; oʻlchami: A4; shakli: 300 dpi, oʻlchami: 3 MBdan oshmasligi kerak. Ishlar quyidagicha nomlangan holda joʻnatilishi lozim: ism.familiya.davlat.raqam (agar muallif birdan ortiq ish joʻnatayotgan boʻlsa).

Eslatma! Tanlovga karikaturasi qabul qilingan mualliflarga katalog beriladi. Tanlov soʻnggida mualliflar talab qilgan taqdirda taqdim etilgan ishlar qaytarib beriladi. Dastur mualliflari qabul qilingan ishlarni oʻzgartirish, qoʻshimcha badal pulisiz tanlov uchun reklama sifatida foydalanish huquqiga ega. Mukofotga loyiq koʻrilgan karikaturalar dasturga tegishli hisoblanadi.

Tanlovga ushbu havola orqali roʻyxatdan oʻtish mumkin.

Manzil: Xorvatiya Karikatura assotsiatsiyasi (Croatian Cartoonist Association- Hrvatsko Drustvo Karikaturista), Savska cesta 100, 10000 Zagreb, Xorvatiya;

E-mail: hdk.entries@gmail.com.