Barcha ijodkorlar uchun Niderlandiyada 2 oylik bepul rezidentlik dasturi; ijodkorlar mustaqil ishlashi uchun alohida xona ajratiladi

1646 Experimental Art Space Residency - Gaaga shahri markazidagi sanʼat maydonida rezidentlik dasturi. 1646 oʻzining bepul eksperimental va xalqaro jamoat dasturi bilan mavjud tizimlar va anʼanaviy qarashlarga qarshi chiqish, barchani oʻylantirayotgan savollar ustida mulohaza yuritish orqali tobora murakkablashib borayotgan jamiyatga hissa qoʻshmoqchi.

1646 koʻrgazma dasturi mahalliy va xalqaro ijodkorlarni yangi asarlar yaratishga taklif qiluvchi innovatsion badiiy amaliyotlarni namoyish etadi. Individual ijodga urgʻu bergan holda, 1646 koʻrgazmalar, ijodiy suhbatlar, tadbirlar, nashrlar, dialoglar, podkastlar va rezidentlik dasturining keng koʻlamini oʻz ichiga olgan ommaviy dastur orqali ijodkor amaliyotining chuqur istiqbolini taqdim etadi. 1646 notijorat fond boʻlib, ijodkorlar ishlashi uchun maxsus makon yaratib berish va badiiy amaliyotlar rivojlanishi uchun vositalarni taqdim etishga bagʻishlangan.

Dastur dialog yaratish yoki muqobil nuqtai nazarlarni taklif qilish uchun oʻz ishlarida fantastika, murakkablashtirish va hazil kabi strategiyalardan foydalanadigan ijodkorlarni taqdim etadi. Fantastika dunyoni boshqacha tasavvur qilishga yordam beradigan muhim vositadir. Xuddi shu nuqtai nazardan, murakkablik, qarama-qarshilik va paradoks — inson mavjudligining oʻziga xos fazilatlari sifatida, ratsionallik va mantiqning ustunligiga qarshi turish uchun zarurdir. Va nihoyat, ochiq munosabatni saqlab qolish uchun hazilni vosita sifatida ishlatish kerak.

Dastur haqida batafsil maʼlumot bilan ushbu havola orqali tanishib chiqish mumkin.

Dastur talablari:

• Dasturda barcha qiziquvchi ijodkorlar (jumladan, dizayner, rassom, haykaltarosh va boshqalar) ishtirok etishi mumkin;
• Dastur uchun yosh chegarasi belgilanmagan;
• Ijodkordan hech qanday taʼlim darajasi yoki professional tajribasi boʻlishi talab etilmaydi;
• Ariza ingliz tilida toʻldirilishi lozim.

Dastur talablari bilan batafsil rasmiy sayt orqali tanishib chiqish mumkin.

Dastur quyidagi imtiyozlarni taqdim etadi:

• €2000 — ijodkor/kurator toʻlovi;
• €1000 — ishlab chiqarish byudjeti;
• €750 — sayohat xarajatlari uchun;
• Bino ichida 5m x 3m oʻlchamdagi studiya. Studiya Wi-Fi internetga ulangan va rezidentlar texnik imkoniyatlardan foydalanishlari mumkin.
• Turar-joy. Galereya yaqinidagi studiya kvartirasi, shaxsiy oshxona jihozlari, internet, umumiy hojatxona va dush bilan taʼminlangan. Ijodkorlar farzandlari va turmush oʻrtogʻi bilan yashashi mumkin.
• Yashash muddati — 2 oygacha. Ishtirokchi oʻziga qulay boʻlgan muddatni koʻrsatishi mumkin, ammo aniq sanalar 1646 tomonidan ishtirokchi bilan kelishilgan holda aniqlanadi;
• Juftliklar yoki jamoalar bitta loyiha taklifi bilan murojaat qilishlari mumkin. Agar dasturga qabul qilinsa, ular bitta studiya, turar-joy, bitta ijodkor uchun ajratiladigan toʻlov va moddiy byudjetni baham koʻradilar;

Dastur imkoniyatlari bilan ushbu havola orqali batafsil tanishib chiqish mumkin.

Ushbu havоla оrqali ariza tорshirish mumkin.

Kerakli hujjatlar:

• Loyiha taklifi: loyihaning/tadqiqotning tavsifi (1 bet(A4) yoki 500 soʻzdan oshmasligi kerak, faqat matn shaklida taqdim etilishi kerak);
• Portfel(portfolio) (30 sahifadan oshmasligi kerak, fayl hajmi 50MBdan oshmasligi kerak);
• CV/rezyume

Yuqoridagi hujjatlar 1ta PDF formatdagi faylda yuklanishi lozim. Fayl hajmi 50 MBdan oshmasligi lozim.

Katta hajmdagi fayllar (masalan, videolar) uchun faylni koʻrish mumkin boʻlgan manbaga havola va kerakli parollar kiritilishi lozim.

Hujjatlarni tayyorlashda quyidagilarga eʼtibor berish lozim:

• Asarlarni gorizontal sahifalarga joylashtirish lozim (agar asl ish vertikal boʻlmasa), chunki arizalarning aksariyati dastlab gorizontal ekranda (noutbukda) koʻriladi;
• Har bir sahifaga faqat 1ta yoki 2ta asar qoʻyish kerak (juda koʻp asarlarni birlashtirish sahifani oʻqishni qiyinlashtiradi);
• Har bir sahifadagi rasmning yoniga yoki ostiga asar nomi, materiali, hajmi va yilini kiritish lozim. Asarga qisqacha tavsif berib oʻtish ham mumkin.
• Toʻliq arizani yuborishdan oldin oxirgi PDF fayldagi havolalarni ikki marta tekshirib chiqish tavsiya qilinadi. Agar havolalar ishlamasa, 1646 arizani toʻliq koʻrib chiqa olmaydi. Belgilangan muddat tugaganidan keyin havolalar kamida 2 oy davomida faol boʻlishi kerak.

Arizalarni koʻrib chiqishda eʼtiborga olinadigan jihatlar:

• Badiiy sifat;
• Toʻliq toʻldirilgan ariza;
• Taklifning aniqligi;
• Portfel va taklif 1646 kontekstiga qanday mos keladi.

Ariza berish tartibi haqida qoʻshimcha maʼlumot olish uchun air@1646.nl manziliga murojaat qilish mumkin.

Qoʻshimcha savollar bilan rasmiy sayt orqali onlayn murojaat etish mumkin.

• Tanlov jarayonining natijalari may oyida eʼlon qilinadi.
• Rezidentlik muddati 2 oygacha boʻlib, 2024- yil sentyabr oʻrtalari va oktyabr oʻrtalari orasida boʻladi.