Barcha koinotga qiziquvchilar uchun NASA Space Apps Tashkent 2023 tanlovi

“Oʻzbekkosmos” agentligi Toshkentda boʻlib oʻtadigan NASA Space Apps Challenge 2023 Hackathon koʻrgazmasida ishtirok etish uchun arizalarni qabul qilish boshlanganini eʼlon qiladi!

Dasturda ishtirok etish mutlaqo bepul. Ishtirokchilar koinot agentliklarining ochiq maʼlumotlaridan foydalanib, oʻz bilim va lateral fikrlash qobiliyatini oshirishga, shuningdek, koʻplab yangi doʻstlar orttirish imkoniga ega boʻladilar. 

Dasturning maqsadi NASA zamonaviy astronavtika muammolariga yechim topishdir. Ishtirkchilar o'zlarining ixtirolari bilan tanlovda qatnashadilar.

NASA Space Apps Challenge mavzulari astronavtika, maʼlumotlarni qayta ishlash, geologiya, astronomiya, STEM va taʼlim bilan bogʻliq vazifalarni oʻz ichiga olishi mumkin.

Ushbu koʻrgazma 2023-yil 7-8 oktyabr kunlari Toshkent shahri Inno Texnopark maydonida boʻlib oʻtadi.

Dasturda yoshidan qatʼi nazar barcha sohadagilar qatnashishi mumkin. Dastur 3 tilda (oʻzbek, rus, ingliz tillari) boʻlib oʻtadi. 

Dastur haqida batafsil maʼlumotni ushbu havola orqali oʻqish mumkin.

• Mazkur dasturda barcha davlat fuqarolari qatnashishi mumkin;
• Yoshidan qatʼi nazar,, har qanday sohada oʻqiydigan/ishlaydiganlar ishtirok eta oladi;
• Oʻzbek, rus, ingliz tillaridan birini bilish lozim;
• Kuchli tanqidiy fikrlash va qiziquvchanlikka ega boʻlish kerak.

• Dasturda ishtirok etish bepul;
• Koinot agentliklarining ochiq maʼlumotlaridan foydalanib, astronomiyaga oid bilim va fikrlash qobiliyatini oshirish imkoniyati;
• Yangi tanishlar orttirish imkoniyati (networking).

Dasturda qatnashish uchun quyidagi harakatlarni bajarish kerak:

• Ushbu havola orqali roʻyxatdan oʻtish kerak;
• Jamoaga qoʻshilish yoki ishtirokchining oʻzi yaratishi lozim (jamoada yolgʻiz boʻlish ham mumkin);
• Mahalliy tadbirga ushbu havola orqali yozilish kerak;
• Ushbu havola orqali ariza shaklini toʻldirish kerak.

Eslatma: yuqoridagi toʻrtta harakat bajarilsagina, jamoa aʼzosi ishtirok etish nomzodiga ega boʻlishi mumkin.

Dastur haqida qoʻshimcha savollarga ushbu havola orqali javob olish mumkin.

Dasturda qatnashish imkoniga ega boʻlgan jamoalar haqida 2023-yil 5-oktabrda bu yerda xabar beriladi.