Barcha media sohasi vakillari uchun Germaniyada xarajatlari qoplanadigan amaliyot dasturi — BETD Media Fellowship 2025

Barcha media sohasi vakillari uchun Germaniyada xarajatlari qoplanadigan amaliyot dasturi — BETD Media Fellowship 2025 taqdim etiladi. Dastur uchun jami 15 nafar nomzod tanlab olinadi. Dastur global energiya almashinuvi boʻyicha mavjud bilim va yechimlarni qobiliyatli jurnalistlar orqali keng ommaga koʻrsatishga eʼtibor qaratadi.

Dasturdan asosiy maqsad butun dunyo boʻylab yosh jurnalistlarga Berlinga kelish orqali oʻtkazilayotgan konferensiyaga kirish, fan, siyosat, sanoat va fuqarolik jamiyatining yuqori darajadagi manfaatdor tomonlari bilan muloqot qilish va boshqa media sohasi vakillari bilan bogʻlanish imkoniyatini yaratishdan iborat.

Dastur 2025-yil 16-martdan 22-martgacha Germaniyaning Berlin shahrida boʻlib oʻtadi.

Dastur haqida batafsil ushbu havola orqali maʼlumot olish mumkin.

• Dasturda barcha media sohasi vakillari (jurnalist, influyenser, bloger, podkasting bilan shugʻullanuvchilar va tegishli professional guruhlar) qatnashishi mumkin;
• Ingliz tilini yaxshi bilish talab qilinadi (sertifikat soʻralmaydi);
• Ishtirokchilar global energiya almashinuviga qiziqishini koʻrsatadigan ijodiy ishlarini taqdim etishi kerak;
• Nomzod oʻzining kuchli jurnalistik qobiliyatini namoyish qilishi lozim;

Muhim: Talabgor Germaniyaga sayohat qilish uchun barcha shartlarga javob berishini tekshirishi va tasdiqlashi kerak.

Germaniyaga sayohat qilish haqida qoʻshimcha maʼlumot bu yerda.

• Dasturda bepul qatnashish mumkin;
• Berlinga sayohat va turar joy xarajatlari qoplanadi;
• Dasturdan oldin mutaxassislar bilan virtual uchrashuv oʻtkaziladi;
• Yuqori darajadagi maʼruzachi, hukumat vakillari va boshqa VIPlar bilan muloqot qilish imkoniyati;
• Tadbir doirasidagi qoʻshimcha tadbirlariga kirish va seminarlarda qatnashish mumkin;
• Global energiya almashinuvi boʻyicha keng bilimga ega boʻlish;
• Boshqa media sohasi vakillari bilan bogʻlanish va aloqa oʻrnatish;
• Dastur haqidagi maqolalarni baham koʻrish uchun maxsus platforma taklif etiladi.

Dasturda qatnashishni istaganlar ushbu havola orqali ariza topshirishlari mumkin.

Talab qilinadigan hujjatlar:

• CV (PDF formatda, ingliz tilida). U nomzodning shaxsiy maʼlumotlarini, energiya bilan bogʻliq mavzular boʻyicha tajriba va bilimini koʻrsatgan dalillarni oʻz ichiga olishi kerak;
• Dasturda ishtirok etish uchun sababi koʻrsatilgan motivatsion xat (200-300 ta soʻz);
• Ingliz tilidagi jurnalistik ishning ikkita namunasi (bitta PDF fayl shaklda). Tarjima ham qabul qilinadi.

Muhim: Ariza topshirishda til bilish sertifikati soʻralmasa-da, ishtirokchi ingliz tilini bilish darajasini koʻrsatishi kerak.

• Dasturga hujjat topshirish uchun oxirgi muddat: 25-noyabr, 2024-yil (03:55);
• Natijalar 2024-yil dekabr oyi oxirida eʼlon qilinadi;
• Email: betd-fellows@giz.de;
• Tanlov jarayoni energiya almashinuvi va energiya jurnalistikasi boʻyicha yuqori darajadagi ekspertlar kengashi tomonidan boshqariladi.

Quyidagi ijtimoiy tarmoqlar orqali qoʻshimcha maʼlumot olish mumkin:

• Twitter;
• YouTube;
• Linkedin;
• Instagram.