Barcha professional va havaskor rassom, dizayner hamda fotograflar uchun Tamayouz Excellence Award II xalqaro plakatlar tanlovi

Tamayouz Excellence Award professional va havaskor rassom, dizayner hamda fotograflar uchun “Iraq 2003: 20 years later” mavzusida 2-xalqaro plakatlar tanlovini taqdim etadi. Ushbu tanlov rassomlarga Iroqdagi tarixiy hodisalarni oʻrganish, mavzu doirasida qanday voqealar xotiralarida gavdalanganini aks ettirish va yigirma yil oʻtgach Iroqda qanday oʻzgarishlar boʻlganini ifodalash imkoniyatini beradi. Tanlov komissiyasi tomonidan saralangan 100 ta ijodiy ish koʻrgazmada namoyish etilishi rejalashtirilgan.

Butun dunyo ahli, shu jumladan, iroqliklar ham 2003-yil 9-aprel deganda shu kuni AQSh qoʻshinlarining Iroq poytaxti Bagʻdod shahriga kirishi sahnalarini eslashadi. Tanlov asosida tashkil qilinadigan koʻrgazmada ana shu muhim tarixiy voqea  sabab Iroqning siyosiy, iqtisodiy va madaniy tuzilmalarida sodir boʻlgan tub oʻzgarishlar bilan bogʻliq badiiy tasavvurlar taqdim etilishi kutilmoqda. 

Maʼlumot uchun: Tamayouz Excellence Award hech qanday siyosiy harakatlarga aloqador boʻlmagan mustaqil tashabbus hisoblanib, unga xalqaro miqyosda tan olingan madaniy va ilmiy muassasalar tomonidan homiylik qilinadi. Dastur mahalliy va global muammolarni hal qiluvchi loyihalarni qoʻllab-quvvatlaydi.

Tanlov haqida batafsil ushbu havola orqali maʼlumot olish mumkin.

• Butun dunyo boʻylab barcha rassom, dizayner va fotograflar ishtirok etishi mumkin;
• Ingliz tilini bilish kerak (sertifikat soʻralmaydi);
• Har bir nomzod bitta ijodiy ish bilan qatnashishi lozim;
• Ijodiy ishlar tanlov doirasida tashkil qilinadigan koʻrgazma uchun yaratilishi va oldin birorta tadbirda namoyish etilmagan boʻlishi kerak;
• Plakatlarni anʼanaviy (qoʻl ishi) yoki raqamli (biror dasturda) usulda tayyorlash mumkin;
• Taqdim etilgan ishlar tashkilotchilar tomonidan hech qanday oʻzgartirishsiz chop etishga tayyor holatda boʻlishi kerak;
• Saralashning asosiy mezoni ijodiy ishning mukammal yaratilganidir;
• Plakatlarda Iroqda sodir boʻlgan voqealar, uning natijasida mamlakatda paydo boʻlgan erkinlik, demokratiya va rivojlanishga boʻlgan intilish tasvirlanishi lozim.

Eslatma: Tanlovga 2 tagacha plakat topshirishga ruxsat beriladi (agar ikkinchi plakat boshqa rassom/lar bilan hamkorlikda yaratilgan boʻlsa).

• Tanlovda bepul qatnashish;
• Gʻoliblar quyidagicha taqdirlanadi:
  • 1-orin — 1500 AQSH dollar;
  • 2-orin — 1000 AQSH dollar;
  • 3-orin — 500 AQSH dollar.
• Ijodiy ishni xalqaro koʻrgazmada keng auditoriyaga namoyish qilish;
• Yakuniy koʻrgazmadan soʻng topshirilgan barcha ishlar (koʻrgazmada namoyish qilingan yoki qilinmaganidan qatʼiy nazar) nashr qilinadi.

• Tanlovda qatnashish istagida boʻlganlar dastlab ushbu havola orqali roʻyxatdan oʻtishlari lozim;
• Roʻyxatdan oʻtgandan soʻng plakatlar ushbu havola orqali yuklanadi;
• Qoʻlda yaratilgan plakatlar skanerdan oʻtkazilishi va PDF (300 dpi) formatda yuklanishi kerak;
• Ishtirokchilarda 2 ta hujjat topshirishlari soʻraladi:

1. Plakat (70sm x 70sm) skanerdan oʻtkazilib, PDF formatda yuklanadi. Faylni quyidagicha nomlash kerak: Nomzodning ismi_IraqExpo (masalan: Feruza Eshnazarova_IraqExpo.pdf);
2. Plakatning asosiy gʻoyasini tushuntiruvchi maksimal 250 ta soʻzdan iborat Word dasturida yaratilgan hujjat. Faylni quyidagicha nomlash kerak: Nomzodning ismi_IraqExpo (masalan: Feruza Eshnazarova_IraqExpo.docx).

Eslatma: Skanerdan oʻtkazilgan plakatlarning sifati past boʻlsa yoki koʻrsatilgan talablarga javob bermasa, ishlar tanlovdan chetlatiladi.

Koʻrgazma oʻtkaziladigan sanalar 2023-yil iyul oyida eʼlon qilinadi;

Savollar uchun:

tamayouz.award@gmail.com