Barcha rassomlar, havaskor rasm chizuvchilar, multfilm ijodkorlari uchun 54th World Gallery of Cartoons Skopje 2022 tanlovi; bosh mukofot — $1500

Shimoliy Makedoniya Respublikasi, Skopye shahrida joylashgan Ostin galereyasi barcha davlatlardan boʻlgan rassomlar, havaskor rasm chizuvchilarni 54th World Gallery Of Cartoons Skopje 2022 tanloviga taklif etadi. 

Tanlov gʻoliblarining ijodiy ishlari Ostin galereyasida namoyish etiladi va pul mukofotlari bilan taqdirlanadi.

Ijodiy ish turlari:

• Multfilmlar;
• Satirik rasm;
• Komiks/strip.

Asar mavzusi, uslub va formatini tanlash mutlaqo muallifning oʻziga bogʻliq. Tanlovda, har bir ijodkor taqdim etishi mumkin boʻlgan ishlar soni cheklanmagan.

Avvalgi tanlovlarda gʻolib boʻlgan ijodiy ishlar bilan rasmiy sayt orqali tanishib chiqish mumkin.

• Faqat original, qoʻlda chizilgan asarlar qabul qilinadi. Agar muallif faqat raqamli texnikada ishlasa, qogʻozga chop ettirib, ustiga qalam bilan nomlangan, raqamlangan va imzolangan holda pochta orqali yuborilishi kerak;
• Faqat yangi chizilgan, avval nashr etilmagan yoki boshqa tanlov va musobaqalarda taqdirlanmagan ishlar koʻrib chiqiladi;
• Tashkilotchining koʻrsatmalariga koʻra, tanlovchi (selector) va xalqaro hakamlar hayʼati taqdim etilgan asarlarning vizual ifodasiga alohida eʼtibor qaratadi.

Tanlov haqida batafsil maʼlumot bilan ushbu havola orqali tanishib chiqish mumkin.

Tanlov talablari:

• Barcha rassom va havaskor rasm chizuvchilar, multfilm ijodkorlari ishtirok etishi mumkin;
• Yosh chegarasi mavjud emas;
• Taqdim etilgan ijodiy ishlar original, qoʻlda chizilgan va avval chop etilmagan, boshqa tanlovlarda taqdirlanmagan boʻlishi kerak;
• Taqdim etish mumkin boʻlgan ijodiy ishlar soni chegaralanmagan;
• Ijodiy ish mavzusi, uslubi va formatini tanlash muallifning oʻziga bogʻliq.

Tanlov talablari va shartlari bilan ushbu havola orqali batafsil tanishib chiqish mumkin.

Tanlov gʻoliblari quyidagicha taqdirlanadi:

• Grand Prix — $1500 & statuetka;
• 1-oʻrin - $1000 va maxsus nishon;
• 2-oʻrin — $500 va maxsus nishon;
• 5 ta 3-oʻrin — maxsus nishon;
• 5 ta maxsus mukofot — maxsus nishon.

Shuningdek, taqdirlangan ijodiy ishlar 2022-yil sentyabrda Ostin galereyasi namoyish etiladi.

Tanlov mukofotlari haqida batafsil maʼlumot bilan rasmiy eʼlon orqali tanishib chiqish mumkin.

Nomzodlar tanlovda quyidagicha ishtirok etishi mumkin:

• Onlayn tarzda ariza shakli toʻldiriladi (elektron yoki qoʻlda). Toʻldirilgan ariza taqdim etilgan ijodiy ish rasmi, muallifning qisqacha tarjima holi va fotosurati bilan birga ushbu elektron pochta manziliga yuborilishi lozim: cartoons@osten.com.mk
• Ijodiy ishlarni chop etilgan va imzolangan holda pochta orqali quyidagi manzilga yuborish ham mumkin: Osten– World Gallery of Cartoons, “8. Udarna Brigada” 2, 1000 Skopje, Macedonia.
  Eslatma: pochta orqali yuborish uchun chop etilgan asar orqa tarafida muallifning ismi, asar nomi va texnikasi koʻrsatilishi kerak. Shuningdek, posilkaga “No Commercial Value! For Exhibition Only!!!” deb yozilishi kerak.

Tanlovda ishtirok etish uchun $10 toʻlov mavjud. Toʻlovsiz ishtirok etgan mualliflarning ijodiy ishlari Ostin kolleksiyasida qoladi. Toʻlov bilan ishtirok etgan mualliflarning ishlari (agar gʻolib deb topilmasa) oʻzlariga qaytarib beriladi.

Muhim: Muallif arizani toʻldirish orqali tashkilotchiga foydalanish huquqini beradi, oʻz asarlarini tadbir ehtiyojlari uchun koʻrgazmaga qoʻyish, oʻrganish va nashr etishga rozi boʻlgan boʻladi.

Tanlovda ishtirok etish boʻyicha batafsil maʼlumot bilan ushbu havola orqali tanishib chiqish mumkin.

2022-yil 30-aprel – Ijodiy ishlar qabuli toʻxtatiladi;
2022-yil 31-iyun – Saralangan ijodiy ishlar eʼlon qilinadi;
2022-yil 30-iyul – Gʻolib deb topilgan mualliflar eʼlon qilinadi;
2022-yil sentyabr – Koʻrgazma ochilishi boʻlib oʻtadi va gʻoliblar taqdirlanadi.

Murojaat uchun: cartoons@osten.com.mk